ശ്രീരാമകൃഷ്ണനോ, ആര്? ആരുടെ സ്പീക്കറാണ്?
കേരള നിയമസഭയുടെ നിയുക്ത സ്പീക്കര് ശ്രീരാമകൃഷ്ണനെ സമ്മതിക്കണം. അദ്ദേഹം സി.പി.എമ്മിന്റെ സ്പീക്കറാണോ അതോ കേരളനിയമസഭയുടെ സ്പീക്കറാണോ എന്നാരെങ്കിലും സംശയിച്ചാല് അതില് കുറ്റം പറയാനാവില്ല.
കെ.എം. മാണിയുടെ 13-ാമത് ബജറ്റ് അവതരണ ദിവസം നിയമസഭയില് അരങ്ങേറിയ അനിഷ്ട സംഭവങ്ങളെ അനുകൂലിച്ചാണ് ശ്രീരാമകൃഷ്ണന് രംഗത്തെത്തിയത്. ബജറ്റ് ദിവസം നടന്നത് ജനങ്ങളുടെ പ്രതിഷേധമാണെന്നാണ് നിയുക്ത സ്പീക്കര് പറഞ്ഞത്. ജനങ്ങള് പ്രതിഷേധിക്കുന്നത് നിയമസഭക്കുള്ളിലാണോ എന്നതാണ് പ്രധാന ചോദ്യം.
സാഹചര്യങ്ങളാണ് മനുഷ്യന്റെ പെരുമാറ്റത്തെ നിയന്ത്രിക്കുന്നതെന്നും സ്പീക്കര് പറഞ്ഞു. അപ്പോള് ഉമ്മന്ചാണ്ടിയുടെ പ്രതിപക്ഷം ഇത്തരത്തില് നിയന്ത്രണമില്ലാതെ പെരുമാറിയാല് സി.പി.എം എങ്ങനെ പ്രതികരിക്കും? സഭയുടെ നാഥനാകാന് തയ്യാറെടുക്കുന്നയാളും അന്നത്തെ പ്രതിഷേധ പരമ്പരയുടെ ഭാഗഭാക്കായിരുന്നു. സഭയില് സഭേ്യതരമായി പെരുമാറിയതുകൊണ്ടാണ് വി. ശിവന്കുട്ടിയും ജമീലാ പ്രകാശവും ഷിബു ബേബിജോണും ശിവദാസന്നായരും എം.എ. വാഹിദുമൊക്കെ തോറ്റുപോയത്. ജനങ്ങള് തിരസ്ക്കരിച്ചിട്ടും ശ്രീരാമകൃഷ്ണന് സത്യം മനസിലാക്കാത്തതാണ് നിര്ഭാഗ്യകരം.
നിയമസഭ ജനാധിപത്യത്തിന്റെ ശ്രീകോവിലാണ്. അവിടെയിരിക്കുന്നവര് ജനാധിപത്യത്തിന്റെ കാവല്ക്കാരാണ്. ജനാധിപത്യത്തിന് ഭ്രംശം സംഭവിച്ചാല് സമാധാന ജീവിതത്തിന് ഭ്രംശമുണ്ടാകും.
ചുരുക്കത്തില് സ്പീക്കറാവാന് പോകുന്ന ഒരാള്ക്ക് പറയാന് പറ്റിയതൊന്നുമല്ല ശ്രീരാമകൃഷ്ണന് പറഞ്ഞത്. കെ.എം. മാണിക്ക് നിയമസഭയില് 50 വര്ഷത്തെ പാരമ്പര്യമുണ്ട്. അത്തരമൊരാള്ക്കെതിരെ പറയുമ്പോഴെങ്കിലും ശ്രീരാമകൃഷ്ണന് ശ്രദ്ധിക്കണമായിരുന്നു. മാണിക്കെതിരെ ബാര്ക്കോഴ ആരോപണം ഉന്നയിച്ചയാള് വരെ തൃപ്പൂണിത്തുറ പൂര്ണത്രയീശന് മുമ്പില് ഇപ്പോള് മുട്ടുകുത്തി കിടപ്പാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
