കേരളത്തില്‍ ചുംബന സമരം ശക്തമായി നിലക്കൊണ്ടിരുന്ന സമയത്താണ് ഹനുമാന്‍ സേന എന്ന സംഘടനയുടെ അവതാരപ്പിറവിയും ജനങ്ങള്‍ കേള്‍ക്കുന്നത്. ചുംബിക്കാനെത്തിയവരെപ്പൊലെ തന്നെ അത് തടയാന്‍ എത്തിയവരും അന്ന് പ്രശസ്തിയാര്‍ജിച്ചിരുന്നു. എന്നാല്‍ ഇപ്പോഴത്തെ സംഭവങ്ങള്‍ അവരുടെ നല്ല സദാചാരത്തെ കുഴിച്ചു മൂടുന്ന തരത്തിലാണ്.

നാലാള്‍ കേട്ടാല്‍ അറിയുന്ന ഈ സംഘടനയിലെ നാല് ചെറുപ്പക്കാരെ ഗുണ്ടാപ്പിരിവ് നടത്തിയതിന്റെ പേരില്‍ പോലീസ് അറസ്റ്റ് ചെയ്തു. ഹനുമാന്‍ സേന ജില്ല സെക്രട്ടറി ബേപ്പൂര്‍ കരുവന്തറ ദിജില്‍ദാസ്(27) ,നോര്‍ത്ത് ബേപ്പൂര്‍ കച്ചാട്ട് വീട്ടില്‍ വിബീഷ്(27), നടുവട്ടം സ്വദേശി അനൂപ്(24),ഗുരുവായൂരപ്പന്‍ കോളേജിന് സമീപത്തുള്ള ബൈജു(36) എന്നിവരെയാണ് പോലീസ് അറസ്റ്റ് ചെയ്തത്.

പാലാഴി ഹൈലൈറ്റ് മാളിനോടനുബന്ധമായി നിര്‍മ്മാണം നടക്കുന്ന സ്ഥലത്ത് ഗുണ്ടാപ്പിരിവ് നടത്തിയതിനെ തുടര്‍ന്നാണ് പ്രതികളെ പിടികൂടിയത്. നിര്‍മ്മാണം നടക്കുന്ന സ്ഥലത്തെത്തി കരാറുകാരനില്‍ നിന്നും 50000 രൂപ ആവശ്യപ്പെടുകയായിരുന്നു. രണ്ടുദിവസം കഴിഞ്ഞ് വീണ്ടുമെത്തി ഒരു ലക്ഷം രൂപ ആവശ്യപ്പെടുകയായിരുന്നു. പണം നല്‍കിയില്ലെങ്കില്‍ നിര്‍മ്മാണ പ്രവര്‍ത്തനം തടസ്സപ്പെടുത്തുമെന്ന് കരാറുകാരനെ ഭീഷണിപ്പെടുത്തി. ഇതേത്തുടര്‍ന്നാണ് കരാറുകാരന്‍ ചാലിയം സ്വദേശി അബ്ദുല്‍ നാസര്‍ നല്ലളം പോലീസില്‍ പരാതി നല്കിയത്. എന്നാല്‍ ഹനുമാന്‍ സേന സംഘടനയുടെ ചെയര്‍മാന്‍ സംഭവത്തെ എതിര്‍ത്തു. കള്ളകേസാണിതെന്നും പോലീസ് കംപ്ലൈന്റ്‌റ് അതോറിറ്റിയ്ക്കും മുഖ്യമന്ത്രിക്കും പരാതി നല്കുമെന്നും പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha