ക്രൈം ബ്രാഞ്ച് ഐ.ജി. എസ്. ശ്രീജിത്ത് വീണ്ടും താരമാകുന്നു. മനുഷ്യാവകാശ കമ്മീഷന്‍ ഐ.ജി.യായിരിക്കെ കേരളത്തിലെ ഭൂമി കുംഭകോണത്തെക്കുറിച്ച് ശ്രീജിത്ത് നടത്തിയ അനേ്വഷണത്തിന് വീണ്ടും ജീവന്‍ വയ്ക്കുന്നു. യു.ഡി.എഫ് സര്‍ക്കാരിന്റെ കാലത്ത് നടന്ന ഭൂമി തട്ടിപ്പ് വിവാദങ്ങളെക്കുറിച്ച് അനേ്വഷിക്കുമെന്ന നിയമമന്ത്രി എ.കെ. ബാലന്റെ പ്രസ്താവനയിലാണ് ഐ.ജി. ശ്രീജിത്തിന്റെ അനേ്വഷണ റിപ്പോര്‍ട്ടിനെ കുറിച്ച് പരാമര്‍ശിക്കുന്നത്.

കാട്ടുകൊള്ളയാണ് സംസ്ഥാനത്ത് നടന്നതെന്ന് എ.കെ. ബാലന്‍ 'മാതൃഭൂമി'ക്ക് നല്‍കിയ അഭിമുഖത്തില്‍ പറഞ്ഞു. 46 കേസുകള്‍ അക്കാലത്ത് എടുത്തെങ്കിലും ഒരു കേസിലും നടപടിയുണ്ടായില്ലെന്നും എ.കെ. ബാലന്‍ പറഞ്ഞു.
ഐ.ജി. ശ്രീജിത്ത് സംസ്ഥാനത്തെ ഭൂമി കുംഭകോണങ്ങളെ കുറിച്ചെല്ലാം അനേ്വഷണം നടത്തിയിരുന്നു.

കോട്ടയം മുണ്ടക്കയത്ത് റ്റി ആന്റ് റ്റി  എസ്റ്റേറ്റ് നടത്തിയ ഭൂ കുംഭകോണത്തെ കുറിച്ചുള്ളതായിരുന്നു ആദ്യത്തെ റിപ്പോര്‍ട്ട്. തുടര്‍ന്ന് സംസ്ഥാനത്ത് മുഴുവനും നടന്ന ഭൂമി കച്ചവടങ്ങളെക്കുറിച്ച് അനേ്വഷിച്ചു. അന്യാധീനപ്പെട്ട ഭൂമി പിടിച്ചെടുക്കണമെന്ന് കമ്മീഷന്‍ ഉത്തരവിട്ടെങ്കിലും അതിനു പിന്നാലെ ശ്രീജിത്തിനെ കമ്മീഷനില്‍ നിന്നും മാറ്റി. തുടര്‍ന്ന് കേസെടുത്ത് അനേ്വഷിക്കാന്‍ സംസ്ഥാന പോലീസ് മേധാവി നിര്‍ദ്ദേശിച്ചിരുന്നു. എന്നാല്‍ ഭൂമി കുംഭകോണത്തില്‍ തത്പരരായ യു.ഡി.എഫുകാര്‍ ഇക്കാര്യത്തില്‍ ചെറുവിരല്‍ അനക്കിയില്ല.

മടിയില്‍ കനമില്ലാത്ത ഉദേ്യാഗസ്ഥര്‍ക്ക് മാത്രമേ സത്യസന്ധമായി അനേ്വഷണം നടത്താന്‍ കഴിയുകയുള്ളൂ. ഭൂമി കച്ചവടത്തില്‍ സംഭവിച്ചതും അതു തന്നെയാണ്. ശ്രീജിത്തിനെ ഏല്‍പ്പിക്കുകയാണെങ്കില്‍ ഏക്കറു കണക്കിന് ഭൂമി സര്‍ക്കാരിന്റെ കൈവശം വന്നുചേരും. എ.കെ. ബാലന്റെ പ്രസ്താവന ഇതിലേക്കാണ് വിരല്‍ ചൂണ്ടുന്നത്. ഇന്റര്‍നെറ്റ് പെണ്‍വാണിഭത്തെ കുറിച്ചുള്ള ശ്രീജിത്തിന്റെ അനേ്വഷണവും ശ്രദ്ധേയമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha