മുല്ലപ്പെരിയാറില്‍ പുതിയ അണക്കെട്ട് വേണ്ടെന്നും വേണ്ടത് ചര്‍ച്ചയാണെന്നുമുള്ള മുഖ്യമന്ത്രിയുടെ നിലപാടിന് പിന്നില്‍ കേന്ദ്ര സര്‍ക്കാരാണെന്ന് സൂചന. കഴിഞ്ഞ ദിവസം പ്രധാനമന്ത്രിയെ കണ്ട ശേഷമാണ് മുഖ്യമന്ത്രി വിവാദ പ്രസ്താവന നടത്തിയത്. നരേന്ദ്രമോദിയുമായി നടത്തിയ ചര്‍ച്ചയില്‍ മുല്ലപ്പെരിയാറില്‍ പുതിയ അണക്കെട്ട് നിര്‍മ്മിക്കാന്‍ ശ്രമിക്കരുതെന്നും ഇരുസംസ്ഥാനങ്ങളും തമ്മില്‍ ചര്‍ച്ച വേണമെന്നും അദ്ദേഹം അറിയിച്ചതായാണ് സൂചന. കേരളത്തിന് ഏകപക്ഷീയമായി അണക്കെട്ട് നിര്‍മ്മിക്കാനാകില്ലെന്നാണ് പിണറായിയുടെ നിലപാട്. ഇതു ശരിയാണ്. കേരള-തമിഴ്‌നാട് സര്‍ക്കാരുകള്‍ അംഗീകരിച്ച് അണക്കെട്ട് പണിയണം എന്നാണ് നിയമസഭ പാസാക്കിയ പ്രമേയം.
ഡല്‍ഹിയില്‍ പ്രധാനമന്ത്രിയെ കണ്ട ശേഷമാണ് പിണറായി നിലപാട് വ്യക്തമാക്കിയത്. എന്നാല്‍ പ്രധാനമന്ത്രിയുമായി ഇക്കാര്യം ചര്‍ച്ച ചെയ്‌തെന്ന് പിണറായി പറഞ്ഞില്ല. പിണറായിയുടെയും ഇടതുപക്ഷത്തിന്റെയും മുന്‍ നിലപാടുകള്‍ ഇങ്ങനെയായിരുന്നില്ല. അതായത് ശക്തമായ സമ്മര്‍ദ്ദം ഇല്ലെങ്കില്‍ അദ്ദേഹം ഇപ്രകാരം പറയുമായിരുന്നില്ല. 
കേരളത്തെ നോട്ടമിട്ടാണ് നരേന്ദ്രമോദി നീങ്ങുന്നത്. കേരളത്തില്‍ ഇനിയും സീറ്റുകള്‍ പിടിക്കാമെന്ന മോഹം പ്രധാനമന്ത്രിക്കുണ്ട്. അതുകൊണ്ടുതന്നെ പിണറായി സര്‍ക്കാരുമായി യാതൊരു തരത്തിലുമുള്ള വാഗ്വാദത്തിന് നരേന്ദ്രമോദി ശ്രമിക്കുകയില്ല. കേരളത്തിലെ ബി.ജെ.പി - സി.പി.എം സംഘര്‍ഷത്തില്‍ അതിശക്തമായ നിലപാടാണ് ബി.ജെ.പി.യോട് കേന്ദ്രനേതൃത്വം സ്വീകരിച്ചിരിക്കുന്നത്. ഒരു കാരണവശാലും വിഷയങ്ങള്‍ വലുതാക്കരുതെന്നാണ് നിര്‍ദ്ദേശം.
തമിഴ്‌നാടിനോട് എന്നും അനുഭാവ പൂര്‍ണ്ണമായ സമീപനമാണ് നരേന്ദ്രമോദി സ്വീകരിച്ചിരുന്നത്. കേരളത്തോടും അതേ സമീപനം പുലര്‍ത്താനാണ് അദ്ദേഹം ശ്രമിക്കുന്നത്. ഇരുസംസ്ഥാനങ്ങളിലെയും മുഖ്യമന്ത്രിമാര്‍ തമ്മില്‍ ചര്‍ച്ച നടത്തി മുല്ലപ്പെരിയാറില്‍ ശാശ്വത പരിഹാരം കണ്ടെത്താനാണ് നരേന്ദ്രമോദിയുടെ ശ്രമം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha