ആരുടെയും മുന്നില് നട്ടെല്ല് വളച്ചിട്ടില്ല... അതൃപ്തിയുമായി സെന്കുമാര്
സംസ്ഥാന പൊലീസ് മേധാവി സ്ഥാനത്തുനിന്നും മാറ്റിയതില് അതൃപ്തി അതൃപ്തി പ്രകടിപ്പിച്ച് ടി.പി.സെന്കുമാര്. ആരുടെയും മുന്നില് നട്ടെല്ല് വളച്ചിട്ടില്ല. തസ്തികയ്ക്കായി ആരെയും പ്രീതിപ്പെടുത്തിയിട്ടുമില്ല. നിയമവിരുദ്ധ പ്രവത്തികള് ചെയ്തിട്ടില്ല. ആരെയും അതിനു പ്രേരിപ്പിച്ചിട്ടുമില്ല. വഴിവിട്ട ഇടപെടലുകളെ ഒടുക്കംവരെ എതിര്ത്തിരുന്നുവെന്നും സെന്കുമാര് പറഞ്ഞു.
സംസ്ഥാന പൊലീസ് മേധാവിയെയും വിജിലന്സ് ഡയറക്ടറെയും തല്സ്ഥാനത്തുനിന്നു മാറ്റി പൊലീസ് തലപ്പത്ത് സമഗ്ര അഴിച്ചുപണിയാണ് പുതിയ സര്ക്കാര് വരുത്തിയത്. സംസ്ഥാന പൊലീസ് മേധാവിയായി ഡിജിപി ലോക്നാഥ് ബെഹ്റയെയും വിജിലന്സ് ഡയറക്ടറായി ഡിജിപി ഡോ. ജേക്കബ് തോമസിനെയും നിയമിച്ചു. ഡിജിപി സ്ഥാനത്തുനിന്നു നീക്കം ചെയ്ത ടി.പി.സെന്കുമാറിനും വിജിലന്സ് ഡയറക്ടര് സ്ഥാനത്തുനിന്നു മാറ്റിയ എന്.ശങ്കര് റെഡ്ഡിക്കും പകരം നിയനം നല്കിയിട്ടില്ല. അതേസമയം, സെന്കുമാറിനെ പൊലീസ് ഹൗസിങ് കണ്ട്രസ്ട്രക്ഷന് കോര്പറേഷന് സിഎംഡിയായി നിയമിക്കാനാണു സാധ്യത.
എല്ഡിഎഫ് സര്ക്കാര് അധികാരമേറ്റതിനെ തുടര്ന്നു പൊലീസ് തലപ്പത്തു നടത്തുന്ന ആദ്യ സമഗ്ര അഴിച്ചുപണിയാണിത്. പെരുമ്പാവൂരില് യുവതി കൊല്ലപ്പെട്ട കേസില് അന്വേഷണം തൃപ്തികരമല്ലെന്ന പേരില് ദക്ഷിണമേഖല എഡിജിപി എ.പത്മകുമാറിനെയാണ് ഈ സര്ക്കാര് ആദ്യം തെറിപ്പിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
