അള്ളാഹു പിഴപ്പിച്ചവരെ നേര്വഴിയിലാക്കാന് ആര്ക്കും കഴിയില്ല, ജിഹാദ് അവസാനിക്കുന്നില്ല, തുടങ്ങാന് പോകുന്നെ ഉള്ളൂ, ഐഎസ് ബന്ധമുള്ള മലയാളി ഫെയ്സ്ബുക് ഐഡി ഇപ്പോഴും സജീവം
ഇസ്ലാം ദീനും മുസ്ലിം ജമാഅത്തും എന്ന തലക്കെട്ടിലാണ് പോസ്റ്റ് എഴുതിയിരിക്കുന്നത്. അള്ളാഹു പിഴപ്പിച്ചവരെ നേര്വഴിയിലാക്കാന് ആര്ക്കും സാധിക്കില്ലെന്നും കേരളത്തില് ജിഹാദ് (വിശുദ്ധ യുദ്ധം) അവസാനിക്കുന്നില്ലെന്നും പോസ്റ്റില് പറയുന്നു. ഐഎസ് കേരള ഘടകത്തിലേക്ക് റിക്രൂട്ട്മെന്റ് നടത്തുന്നതായി അന്വേഷണ സംഘം കണ്ടെത്തിയ ഫേസ് ബുക്ക് ഐഡി ഇന്നും സജീവം. സമീര് അലിയെന്ന പേരിലുള്ള ദൂരൂഹ ഐഡിയില് നിന്നാണ് വീണ്ടും ഇന്ന് പോസ്റ്റുകള് പ്രത്യക്ഷപ്പെട്ടത്. കഴിഞ്ഞ ദിവസം ഐഎസ് ബന്ധത്തിന്റെ പേരില് കേരളത്തില് നിന്ന് ആറുപേരെ എന്ഐഎ കസ്റ്റഡിയിലെടുത്തിരുന്നു. ഇതിന് പിന്നാലെയാണ് മലയാളികളുടെ ഐഎസ് ബന്ധം വ്യക്തമാക്കി ഫെയ്സ് ബുക്ക് പോസ്റ്റ് വന്നിരിക്കുന്നത്.
നാം അള്ളാഹുവിനെ സ്തുതിക്കുകയും അവന്റെ സഹായം തേടുകയും ചെയ്യുന്നു. ആരെ അള്ളാഹു നേര്വഴിയില് ആക്കിയോ അവരെ പിഴപ്പിക്കാന് ആരുമില്ല. ആരെ അള്ളാഹു പിഴപ്പിക്കുന്നുവോ അവരെ സന്മാര്ഗ്ഗത്തില് ആക്കാന് ആരുമില്ല. ആരാധനയ്ക്ക് അര്ഹനായി അള്ളാഹു മാത്രമേ ഉള്ളൂവെന്നും അവന് പങ്കുകാര് ഇല്ല എന്നും മുഹമ്മദ് (സ) അള്ളാഹുവിന്റെ അടിമയും ദൂതനുമാണെന്ന് സാക്ഷ്യം വഹിക്കുകയും ചെയ്യുന്നു. എന്നിങ്ങനെയാണ് പേജില് പോസ്റ്റ് ചെയ്തിരിക്കുന്നത്.
ലേഖനത്തിന്റെ യഥാര്ത്ഥ ഉദ്ദേശം ഇസ്ലാമിന്റെ യാഥാര്ത്ഥ്യത്തെ കുറിച്ചും ജമാഅത്തിന്റെ ആവശ്യകതയെ കുറിച്ചും വ്യക്തത വരുത്താനാണ്. നാം ഇസ്ലാമിനെ കുറിച്ച് മനസിലാക്കാനും മുസ്ലിം ജമാഅത്തില് ഉറച്ച് നിര്ത്താനും അള്ളാഹുവിനോട് തേടുന്നു. അള്ളാഹു പറയുന്നു ഇന്ന് ഞാന് നിങ്ങള്ക്ക് നിങ്ങളുടെ മതം പൂര്ത്തിയാക്കി തന്നിരിക്കുന്നു. എന്റെ അനുഗ്രഹം നിങ്ങള്ക്ക് ഞാന് നിറവേറ്റിത്തരികയും ചെയ്തിരിക്കുന്നു. മതമായി ഇസ്ലാമിനെ ഞാന് തൃപ്തിപ്പെട്ട് തന്നിരിക്കുന്നു ഇങ്ങനെ നീളുന്നു പോസ്റ്റ്.
പതിറ്റാണ്ടുകളായി ജിഹാദില് നിന്ന് അകന്നുനില്ക്കുന്ന കേരളസമൂഹം ജിഹാദിലേക്ക് വരാന് കുറച്ച് ബുദ്ധിമുട്ടുണ്ട്. അതിനുള്ള ഫ്രെയിം വര്ക്ക് ചെയ്യാനാണ് നമ്മള് ശ്രമിച്ചത്. ഹാദ്, അത് അവസാനിക്കുന്നില്ല. തുടങ്ങാന് പോകുന്നതേയുള്ളൂ. കാഴ്ചക്കാരുടെ റോള് അവസാനിപ്പിച്ച് ആരൊക്കെയാണ് ഈ യാത്രാ സംഗമത്തില് ചേരാന് പോകുന്നത്. ജിഹാദില് ഉള്ള വ്യക്തികള് കൊലചെയ്യപ്പെട്ടാലും പരുക്ക്പറ്റി കിടപ്പിലായാലും ജയിലില് അടയ്ക്കപ്പെട്ടാലും ജിഹാദ് ഇല്ലാതാകാന് പോകില്ലെന്ന് മറ്റൊരു പോസ്റ്റില് പറയുന്നു. ഒരാള് ജിഹാദി രംഗത്തുനിന്ന് പിന്വാങ്ങുമ്പോള് മറ്റാളുകള് രംഗത്ത് വരും. കൂടുതല് മികച്ച രീതിയില് ജിഹാദ് മുന്നോട്ട് പോകും. എന്നിങ്ങനെയാണ് ഭീഷണി.
https://www.facebook.com/Malayalivartha
