തലവരിപ്പണം വാങ്ങുന്ന സ്കൂളുകളില് നിന്ന് പത്തിരട്ടി പിഴ ഈടാക്കുമെന്ന് സിബിഎസ്ഇ
സ്കൂള് പ്രവേശനത്തിന് തലവരിപ്പണം വാങ്ങുന്ന സ്കൂളുകളില്നിന്ന് പത്തിരട്ടി പിഴ ഈടാക്കുമെന്ന് സിബിഎസ്ഇ. ബിസിനസ് ആയിട്ടല്ലാതെ സാമൂഹിക സേവനമായി വേണം സ്കൂള് നടത്തേണ്ടത് എന്ന് സിബിഎസ്ഇ വ്യക്തമാക്കി. ഇക്കാര്യം കാണിച്ച് സിബിഎസ്ഇ അഫിലിയേറ്റഡ് സ്കൂളുകള്ക്ക് നോട്ടീസയച്ചു. സംസ്ഥാന ബാലാവകാശ കമ്മീഷനിലാണ് സിബിഎസ്ഇ നിലപാട് അറിയിച്ചത്. ഇക്കാര്യം സ്കൂളുകളെ സര്ക്കുലറിലൂടെ അറിയിച്ചിട്ടുണ്ടെന്നും സിബിഎസ്ഇ വ്യക്തമാക്കി.
കേരളത്തില് പ്രവര്ത്തിക്കുന്ന ഒരു സ്കൂളിനെക്കുറിച്ചുള്ള പരാതി സംസ്ഥാന ബാലാവകാശ കമ്മീഷനു മുന്നില് വന്നിരുന്നു. ഇതില് ബാലാവകാശ കമ്മീഷന് ഉത്തരവിടുകയും ചെയ്തിരുന്നു. ഇത് മുന്നിര്ത്തിയാണ് ഇപ്പോള് സിബിഎസ്ഇ ബോര്ഡ്, അവരുമായി അഫിലിയേറ്റ് ചെയ്തിട്ടുള്ള എല്ലാ സ്കൂളുകള്ക്കും ഈ നിര്ദേശം നല്കിയിട്ടുള്ളത്.
സിബിഎസ്ഇ സ്കൂളുകളെ സംബന്ധിച്ച് വലിയൊരു പ്രത്യാഘാതം ഉണ്ടാക്കുന്ന അറിയിപ്പാണിത്. ചെറിയ ക്ലാസുകളിലേക്കു പോലും കുട്ടികള്ക്ക് പ്രവേശനം നല്കുമ്പോള് വലിയ തുക തലവരിപ്പണം നിര്ബന്ധമായി മാതാപിതാക്കളുടെ കൈയ്യില്നിന്നും വാങ്ങുന്നതായി പരാതികള് ഉയര്ന്ന് വന്നിട്ടുണ്ട്.
https://www.facebook.com/Malayalivartha
