മുസ്ലീംലീഗില്‍ ഉടലെടുത്ത ആശയക്കുഴപ്പം ഇ അഹമ്മദിന്റെ വികാരപരമായ പ്രസംഗത്തോടെ അവസാനിച്ചു. പാര്‍ട്ടിയുടെ സ്ഥാപക നേതാവായ തന്നെ ഒരു സീറ്റിന്റെ പേരില്‍ അപമാനിക്കരുതെന്ന് അഹമ്മദ് പറഞ്ഞു. ലീഗ് അണികള്‍ തന്നോടൊപ്പമാണെന്നും മികച്ച ഭൂരിപക്ഷത്തില്‍ തനിക്ക് വിജയിക്കാനാകുമെന്നും അഹമ്മദ് ആത്മവിശ്വാസം പ്രകടിപ്പിച്ചു.
മലപ്പുറത്ത് ഇ അഹമ്മദിന്റെ സ്ഥാനാര്‍ത്ഥിത്വത്തിനെതിരെ ശക്തമായ പ്രതിഷേധം ഉയര്‍ന്നെങ്കിലും അഹമ്മദിന്റെ വികാരപരമായ സംസാരത്തോടെ കുഞ്ഞാലിക്കുട്ടി ഇടപെട്ടു. കുഞ്ഞാലിക്കുട്ടിയുടെ അനുനയനത്തിനൊടുവില്‍ അഹമ്മദിനെ തന്നെ മത്സരിപ്പിക്കാന്‍ ലീഗ് തീരുമാനിക്കുകയായിരുന്നു. പാണക്കാട് ഹൈദരലി തങ്ങളാണ് സ്ഥാനാര്‍ത്ഥിളെ പ്രഖ്യാപിക്കുക.

മലപ്പുറത്ത് ഇ അഹമ്മദിനെയും പൊന്നാനിയില്‍ ഇടി മുഹമ്മദ് ബഷീറിനെയും മത്സരിപ്പിക്കാനാണ് ധാരണയായത്. ഇതേസമയം സീറ്റ് വിഭജന ചര്‍ച്ചകള്‍ താനുമായി നടത്തിയിട്ടില്ലെന്ന് പിവി അബ്ദുള്‍ വഹാബ് പറഞ്ഞു.മുസ്ലീം ലീഗിനോട് നന്ദികേട് കാണിക്കില്ല. മലപ്പുറത്ത് സ്ഥാനാര്‍ത്ഥിയാകാന്‍ ഇ അഹമ്മദ് യോഗ്യനാണെന്നും അദ്ദേഹം പറഞ്ഞു. നേരത്തെ ഇ അഹമ്മദിന് സ്ഥാനാര്‍ത്ഥിയാകാന്‍ താല്‍പര്യമില്ലെങ്കില്‍ തനിക്ക് സീറ്റ് വേണമെന്ന് പിവി അബ്ദുല്‍ വഹാബ് ആവശ്യപ്പെട്ടിന്നുവെന്നും എന്നാല്‍ വഹാബിന്റെ ആവശ്യം ലീഗ് സെക്രട്ടേറിയേറ്റ് തള്ളുകയായിരുന്നുവെന്നും വാര്‍ത്തകള്‍ പുറത്തുവന്നിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha