കാരുണ്യ ലോട്ടറി ചികിത്സാ പദ്ധതി ക്രമക്കേട് ആരോപണം; ഉമ്മന്‍ ചാണ്ടിക്കും കെ.എം മാണിക്കും ക്ലീന്‍ ചിറ്റ്
കാരുണ്യ ലോട്ടറി ചികിത്സാ പദ്ധതിയിലെ ക്രമക്കേടുകളില്‍ മുന്‍ മുഖ്യമന്ത്രി ഉമ്മന്‍ ചാണ്ടിക്കും മുന്‍ ധനകാര്യമന്ത്രി കെ.എം മാണിക്കും വിജിലന്‍സിന്റെ ക്ലീന്‍ചിറ്റ്. പദ്ധതി നടത്തിപ്പില്‍ ഇരുവരും അഴിമതി നടത്തിയതായി കണ്ടെത്താനായില്ലെന്ന് വിജിലന്‍സ് റിപ്പോര്‍ട്ടില്‍ വ്യക്തമാക്കുന്നു. 5000 രൂപയ്ക്ക് താഴെ സഹായം നല്‍കിയതില്‍ ഇടനിലക്കാര്‍ ചൂഷണം നടത്തിയെന്ന് അന്വേഷണ റിപ്പോര്‍ട്ടിലുണ്ട്.
തിരുവനന്തപുരം വിജിലന്‍സ് യൂണിറ്റ് ഒന്ന് ആണ് അന്വേഷണം നടത്തിയത്. അന്വേഷണ റിപ്പോര്‍ട്ട് തിരുവനന്തപുരം വിജിലന്‍സ് പ്രത്യേക കോടതിയില്‍ സമര്‍പ്പിച്ചു. മലപ്പുറം സ്വദേശിയാണ് പദ്ധതിയില്‍ ക്രമക്കേട് ചൂണ്ടിക്കാട്ടി വിജിലന്‍സ് കോടതിയെ സമീപിച്ചത്.
ഉമ്മന്‍ചാണ്ടി, കെ.എം മാണി, അഡീഷണല്‍ ചീഫ് സെക്രട്ടറി കെ.എം എബ്രഹാം, മുന്‍ ലോട്ടറി ഡയറക്ടര്‍ എന്നിവര്‍ക്കെതിരെയായിരുന്നു പ്രാഥമിക അന്വേഷണം നടത്തിയത്.
കാരുണ്യാ ലോട്ടറിയിലൂടെ സര്‍ക്കാരിന് കോടികളുടെ വരുമാനം ലഭിച്ചുവെങ്കിലും രോഗികള്‍ക്ക് ഇതിന്റെ പ്രയോജനം ലഭിച്ചില്ലെന്നായിരുന്നു ഹര്‍ജിക്കാരന്റെ ആരോപണം
മാരക രോഗങ്ങള്‍ പിടിപെട്ട സാധുക്കളായ രോഗികളുടെ ചികിത്സയ്ക്ക് സഹായം നല്‍കാന്‍ മുന്‍ യു.ഡി.എഫ് സര്‍ക്കാര്‍ ആവിഷ്‌കരിച്ചതാണ് കാരുണ്യ ലോട്ടറി.
https://www.facebook.com/Malayalivartha
