ഡി.ജി.പി. ആയി നിയമിക്കണമെന്ന കോടതി വിധി, സംസ്ഥാന സര്‍ക്കാര്‍ നടപ്പിലാക്കാത്തതിനെ തുടര്‍ന്നാണ് സെന്‍കുമാര്‍ ഹര്‍ജി നല്‍കിയിരിക്കുന്നത്. ഇതു സംബന്ധിച്ച കോടതിയലക്ഷ്യ ഹര്‍ജി, സമര്‍പ്പിച്ചു. സുപ്രീംകോടതി വിധിയെ സര്‍ക്കാര്‍ മാനിക്കുന്നില്ലെന്നും സര്‍വീസില്‍ നിന്നു വിരമിക്കാന്‍ രണ്ടുമാസം അവശേഷിക്കെ പുനര്‍നിയമനം വൈകിപ്പിക്കുന്നതിലൂടെ സര്‍ക്കാര്‍ വീണ്ടും നീതി നിഷേധം തുടരുകയാണെന്നും കോടതിയെ ബോധിപ്പിക്കാനാണ് സെന്‍കുമാറിന്റെ തീരുമാനം. കൂടാതെ തനിക്ക് നഷ്ടപ്പെട്ട 11 മാസത്തെ സര്‍വീസ് കാലാവധി നീട്ടി നല്‍കണമെന്നും സുപ്രീംകോടതിയോട് ആവശ്യപ്പെടുമെന്നും സുചനയുണ്ട്. കോടതിയോട് ഈ ആവശ്യം നേരത്തെ ഉന്നയിച്ചിരുന്നെങ്കിലും കാലാവധി നീട്ടി നല്‍കുന്ന കാര്യത്തില്‍ കോടതി തീരുമാനം പറഞ്ഞില്ല.

സംസ്ഥാന പൊലീസ് മേധാവി സ്ഥാനത്തുനിന്ന് 2016 മെയ് 30 നാണ് സെന്‍കുമാറിനെ മാറ്റുന്നത്. തന്നെ മാറ്റിയതിനെതിരെ ജൂണ്‍ രണ്ടിനു സെന്‍കുമാര്‍ അഡ്മിനിസ്‌ട്രേറ്റീവ് െ്രെടബ്യൂണലിനു പരാതി നല്‍കി. സെന്‍കുമാറിനെ മാറ്റിയ നടപടി ശരിവച്ച െ്രെടബ്യൂണല്‍ ഉത്തരവില്‍ ഇടപെടില്ലെന്ന് 2017 ജനുവരി 25ന് ഹൈക്കോടതി ഡിവിഷന്‍ ബഞ്ച് വ്യക്തമാക്കി. ഫെബ്രുവരി 26 നു ഹൈക്കോടതി തീരുമാനത്തിന് എതിരെ സെന്‍കുമാര്‍ സുപ്രീം കോടതിയില്‍ അപ്പീല്‍ നല്‍കി. ഏപ്രില്‍ 24നു സെന്‍കുമാറിനെ തിരിച്ചെടുക്കാന്‍ സുപ്രീംകോടതി ഉത്തരവിടുകയായിരുന്നു.