സംസ്ഥാനത്തെ ഒരുകോടി വാഹന ഉടമകളുടെ വിവരം സ്വകാര്യ വെബ്‌സൈറ്റില്‍; രജിസ്‌ട്രേഷന്‍ വിവരങ്ങളും ഉടമകളുടെ മേല്‍വിലാസവും മൊബൈല്‍ നമ്പറും എല്ലാം പരസ്യമായി
സംസ്ഥാനത്തെ വാഹന ഉടമകളെ ആശങ്കയിലാഴ്ത്തി വാഹനങ്ങളുടെ രജിസ്‌ട്രേഷന്‍ വിവരങ്ങളും ഉടമകളുടെ മേല്‍വിലാസവും മൊബൈല്‍ നമ്പറും അടങ്ങിയ മോട്ടോര്‍ വാഹന വകുപ്പിന്റെ ഔദ്യോഗിക വിവരശേഖരം ചോര്‍ന്നു. ഇടനിലക്കാരായ കമ്പനിയുടെ വെബ്‌സൈറ്റിലാണ് ഈ വിവരങ്ങള്‍ പ്രസീദ്ധീകരിച്ചത്. സംഭവത്തില്‍ ട്രാന്‍സ്‌പോര്‍ട്ട് കമ്മീഷണറേറ്റ് അന്വേഷണം ആരംഭിച്ചു.
രാജ്യത്ത് നടപ്പാക്കുന്ന വാഹന്‍ സാരഥി എന്ന ഓണ്‍ലൈന്‍ സംവിധാനത്തിനു കൈമാറിയ വിവരങ്ങളാണ് ചോര്‍ന്നത്. ഇതോടെ സംസ്ഥാനത്ത് രജിസ്റ്റര്‍ ചെയ്ത ഏത് വാഹനത്തെക്കുറിച്ചും വിവരം ഈ വെബ്‌സൈറ്റില്‍ നിന്ന് ലഭിക്കും. മറ്റു സംസ്ഥാനങ്ങളിലേതുള്‍പ്പെടെ 20 കോടി വാഹനങ്ങളുടെ വിവരങ്ങള്‍ ശെകവശമുണ്ടെന്നാണ് വെബ്‌സൈറ്റ് അവകാശപ്പെടുന്നത്. മോട്ടോര്‍ വാഹന വകുപ്പിന്റെ പിഴയുടെ വിവരങ്ങളും ചോര്‍ന്നിട്ടുണ്ട്.
എല്ലാ സുരക്ഷാ സംവിധാനങ്ങളും തകര്‍ത്താണ് ഓണ്‍ലൈന്‍ വാഹനവില്‍പ്പനക്കമ്പനിക്ക് രേഖകള്‍ കിട്ടിയത്. നാഷണല്‍ ഇന്‍ഫോമാറ്റിക് സെന്ററാണ് മോട്ടോര്‍ വാഹന വകുപ്പിനു വേണ്ടി വിവരശേഖരം ഒരുക്കിയത്.
https://www.facebook.com/Malayalivartha
