ക്രിസ്ത്യാനികള് കൂട്ടത്തോടെ വോട്ട് ചെയ്തില്ലെങ്കില് തോറ്റു പോകും, തരൂരിന്റെ വീട്ടിലെ പെന്തക്കോസ്ത് സഭയുടെ പാസ്റ്റര്മാരുടെ യോഗ തീരുമാനം പുറത്തായി
ശശി തരൂര് മറ്റൊരു പുലിവാലില് . സ്വന്തം വീട്ടില് വിളിച്ചു കൂട്ടിയ പെന്തകോസ്ത് സഭയുടെ പാസ്റ്റര്മാരുടെ യോഗത്തിലെ വിഷയം പുറത്തായി. റിപ്പോര്ട്ടര് ചാനലാണ് രഹസ്യ ക്യാമറയില് ഇത് റെക്കോര്ഡ് ചെയ്തത്.
തിരുവനന്തപുരത്തും വട്ടിയൂര്ക്കാവിലും മാത്രമാണ് യുഡിഎഫിന് മേല്ക്കൈയുള്ളതെന്ന് ശശി തരൂര് പറഞ്ഞു. പാറശാലയിലും നെയ്യാറ്റിന്കരയിലും എല്ഡിഎഫാണ് മുന്നില്. മറ്റെല്ലാ നിയമസഭാ മണ്ഡലങ്ങളിലും കടുത്ത മത്സരമാണ് നടക്കുന്നത്. വിജയിച്ചാലും ഇരുപതിനായിരം വോട്ടിന്റെ ഭൂരിപക്ഷം മാത്രമാണ് പ്രതീക്ഷിക്കുന്നതെന്ന് പെന്തക്കോസ്ത് സഭയുടെ പാസ്റ്റര്മാരോട് ശശി തരൂര് വെളിപ്പെടുത്തി.
സുനന്ദ പുഷ്കറുടെ മരണവുമായി ബന്ധപ്പെട്ട കാര്യങ്ങളും ശശിതരൂര് യോഗത്തില് വിശദീകരിക്കുന്നു. സുനന്ദയുടെ മരണത്തില് താന് നിരപരാധിയാണെന്നും പാസ്റ്റര്മാര് ഇക്കാര്യം അവരുടെ യോഗങ്ങളില് പറയണമെന്നും തരൂര് അഭ്യര്ത്ഥിക്കുന്നുണ്ട്.
മുഖ്യമന്ത്രിയെ ക്ലിഫ്ഹൗസില് സന്ദര്ശിച്ച് തെരഞ്ഞെടുപ്പുമായി ബന്ധപ്പെട്ട വിഷയങ്ങള് ചര്ച്ച ചെയ്തതായി പാസ്റ്റര്മാര് യോഗത്തില് പറഞ്ഞു. നരന്ദ്ര മോദി അധികാരത്തില് വരാനാണ് സാധ്യത. ഇത് തടയാന് ക്രിസ്താനികള് കൂട്ടത്തോടെ വോട്ട് ചെയ്യണം. ക്രിസ്താനികള് അങ്ങനെ വോട്ട് ചെയ്യുന്ന പതിവില്ല. ഇത്തവണ അത് മാറ്റണമെന്നും പാസ്റ്റര്മാര് പറഞ്ഞു. ഒരു സമുദായത്തെ വര്ഗീയവത്കരിച്ച് വോട്ട് നേടാനുള്ള ശ്രമം ശശി തരൂരിന് തിരിച്ചടിയാവാനാണ് സാധ്യത.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
