വിവാദ സ്കൂള് യൂണിഫോമിന്റെ ചിത്രം പകര്ത്തിയ ഫോട്ടോ ഗ്രാഫറെ കള്ളക്കേസില് കുടുക്കാന് ശ്രമം
അരുവിത്തുറ അല്ഫോന്സാ പബ്ലിക് സ്കൂളിലെ പുതിയ വിവാദ യൂണീഫോം പ്രശ്നം വീണ്ടും കൊഴുക്കുന്നു. വിവാദത്തിന് തുടക്കം കുറിച്ച ചിത്രം പകര്ത്തിയ ഫോട്ടോഗ്രാഫറെ കള്ള കേസില് കുടുക്കാന്സ്കൂള് അധികൃതരുടെ ശ്രമങ്ങള് നടന്നതോടെ ചര്ച്ചയിലൂടെ സംയുക്ത വിദ്യാര്ത്ഥി സംഘനകള് ഇടപെട്ട് പറഞ്ഞു തീര്ത്ത വിഷയം വീണ്ടും സോഷ്യല് മീഡിയകളിലും പത്രങ്ങളിലും സജീവമായി.
അരുവിത്തുറ സെന്റ് അല്ഫോന്സാ പബ്ലിക്ക് സ്കൂളിലെ പെണ്കുട്ടികളുടെ വിവാദമായ യൂണിഫോം സംബന്ധിച്ച് ആം ആദ്മിയിലെ മഹേഷ് വിജയന് പ്രിന്സിപ്പലിനെയും മാനേജര്ക്കുമെതിരെയും കേസ് രജിസ്റ്റര് ചെയ്ത് അന്വേഷണം നടത്തണമൊവശ്യപ്പെട്ട് കോട്ടയം ജില്ലാ പോലീസ് മേധാവിക്ക് കഴിഞ്ഞദിവസം പരാതി നല്കി.
അശ്ലീല ചുവയുള്ള യൂണീഫോം ധരിച്ചു കൊണ്ട് സ്കൂളില് പോകുന്ന കുട്ടികളുടെ ചിത്രമാണ് ഈപ്പന് ബോസ് എന്ന ഫോട്ടോഗ്രഫര് പകര്ത്തി സോഷ്യല് മീഡിയയില് ഇട്ടത് വിവാദമായത്. യൂണീഫോം മാറ്റമമെന്നാവശ്യപ്പെട്ട് എല്ലാ വിദ്യാര്ത്ഥി സംഘനകളും ചേര്ന്ന് ഒറ്റക്കും, സംയുക്തമായും സമരം ചെയ്തതിനെ തുടര്ന്ന് സ്കൂള് അധികൃതര് വിദ്യാര്ത്ഥി സംഘനകളെ ചര്ച്ചക്ക് വിളിക്കുകയും യൂണീഫോം മാറ്റുമെന്ന എല്ലാ സംഘടകള്ക്കും വെവ്വേറെ രേഖാമൂലം കത്ത് നല്കുകയും ചെയ്തു.
ചര്ച്ചയില് ഫോട്ടോഗ്രഫര്ക്കെതിരെ നടപടി പാടില്ലന്ന് സ്കൂള് അധികൃതര് ഉറപ്പ് പറഞ്ഞിരുന്നു. എന്നാല് പിന്നീട് മാനേജ്മെന്റ് കുട്ടികളുടെ രക്ഷിതാക്കളുടെ അറിവോടെ പോലീസില് പരാതി നല്കുകയാണുണ്ടായത്. യൂണീഫോം പിന് വലിച്ച നടപടിയിലൂടെ സ്കൂള് അധികൃതര് യൂണീഫോം കാര്യത്തില് തെറ്റുപറ്റി എന്നു സമ്മതിച്ച് യുണിഫോം പിന്വലിക്കുകയും ഇത് ചൂണ്ടിക്കാണിച്ച ഫോട്ടോഗ്രാഫറെ കള്ളക്കേസില് കുടുക്കാന് ശ്രമിച്ചതാണ് വീണ്ടും വിവാദം തല പൊക്കിയത്.
ഇതിനിടെ ഫോട്ടോഗ്രാഫര്ക്കെതിരെയുള്ള കേസ് നടപടികളുമായി മാനേജ്മെന്റ് മുന്നോട്ടു പോയാല് വിദ്യാര്ത്ഥി സംഘനകള് സമര രംഗത്തിറങ്ങുമെന്ന് വിവിധ വിദ്യാര്ത്ഥി സംഘനകള് ചേര്ന്ന യോഗം മുന്നറിയിപ്പു നല്കി. കെ എം ഷുഹൈബ്(കെ എസ് യു), പി ആര് ഹിലാല്(എം എസ് എഫ്), ഫാറൂഖ് മുഹമ്മദ്(എസ് ഐ ഒ), സിന്സാദ്ഖാന് (വിദ്യാത്ഥി ജനത), ഷിഹാസ് പി ഷാഹുല് (വിദ്യാര്ത്ഥി ജനപക്ഷം), കെ എം ഷമ്മാസ്, (കാമ്പസ്ഫ്രണ്ട്), മുഹമ്മദ്റാഫി (എ ഐ എസ് എഫ്)എന്നിവരാണ് പ്രസ്താവനയില് ഒപ്പ് വെച്ചിട്ടുള്ളത്.
https://www.facebook.com/Malayalivartha
