ഐസിസില് ചേര്ന്ന മലയാളി കൊല്ലപ്പെട്ടതായി സ്ഥിരീകരണം
ഐസിസില് ചേര്ന്ന് മലയാളി കൊല്ലപ്പെട്ടതായി സ്ഥിരീകരണം. പാലക്കാട് സ്വദേശി സജീര് ആണ് കൊല്ലപ്പെട്ടത്. മൃതദേഹത്തിന്റെ ചിത്രം ഉള്പ്പെടെയുള്ള സന്ദേശം ലഭിച്ചതോടെയാണ് മരണവിവരം സ്ഥിരീകരിച്ചത്.
പടന്നയിലെ പൊതുപ്രവര്ത്തകന് ബി.സി.എ റഹ്മാനാണ് സന്ദേശം ലഭിച്ചത്. സജീര് മരിച്ചതായി നേരത്തെ തന്നെ വാര്ത്തകള് വന്നിരുന്നു. എന്നാല് ഫോട്ടോ ഉള്പ്പെട്ട സന്ദേശം ലഭിച്ചതോടെയാണ് മരണവിവരം സ്ഥിരീകരിച്ചത്.
സജീറിന്റെ മരണത്തോടെ കേരളത്തില് നിന്നും ഐസിസിലേക്ക് റിക്രൂട്ട് ചെയ്ത 21 പേരില് നാല് പേര് കൊല്ലപ്പെട്ടതായി പൊലീസും എന്.ഐ.എയും സ്ഥിരീകരിച്ചു. ഐസിസിലേക്ക് കേരളത്തില് നിന്നും പ്രവര്ത്തകരെ റിക്രൂട്ട് ചെയ്തതിന്റെ മുഖ്യകണ്ണിയെന്ന് പൊലീസ് സംശയിക്കുന്നയാളാണ് സജീര്.
ഐസിസില് ചേര്ന്ന മലയാളികളെ കുറിച്ച് ദേശീയ അന്വേഷണ ഏജന്സിയുടെ അന്വേഷണം പുരോഗമിക്കുന്നതിനിടെയാണ് പുതിയ വിവരം. ഐസിസില് ചേര്ന്ന മലയാളികളുടെ വിവരം സംബന്ധിച്ച് നേരത്തെയും വാട്സ് ആപ്പ്, ടെലഗ്രാം സന്ദേശങ്ങള് കുടുംബത്തിന് ലഭിച്ചിരുന്നു.
https://www.facebook.com/Malayalivartha
