ബ്ലൂ വെയ്ല് ഗെയിം കേരളത്തില്;എന്താണ് യാഥാര്ത്ഥ്യം എന്നറിയണ്ടേ..?
ബ്ലൂ വെയ്ല് ഗെയിം കേരളത്തില് സ്ഥിതീകരിച്ചിട്ടില്ലെന്ന പോലീസ് റിപ്പോര്ട്ട് ഭീതി ഒഴിവാക്കാന് മാത്രമുള്ളത്. കേരളത്തില് ബ്ലൂ വെയില് സ്ഥിതീകരിക്കുന്നതാണ് യഥാര്ത്ഥ പോലീസ് റിപ്പോര്ട്ട്.
സര്ക്കാര് ഉന്നതരുമായി നടത്തിയ ചര്ച്ചക്കൊടുവിലാണ് യഥാര്ത്ഥ റിപ്പോര്ട്ട് പുറത്തുവിടേണ്ടതില്ലെന്ന് പോലീസ് തീരുമാനിച്ചത്. അത് ജനങ്ങളില് അനാവശ്യമായ ഭീതിക്ക് കാരണമാകുമെന്നാണ് പോലീസും സര്ക്കാരും കരുതുന്നത്. എന്നാല് ബ്ലൂ വെയില് ഗയിമിനെതിരെ വ്യാപകമായ പ്രചരണം നടത്താനും സര്ക്കാര് തീരുമാനിച്ചു. കേരളത്തില് ബ്ലൂ വെയില് ഗെയിം പിടിമുറുക്കിയിട്ട് മാസങ്ങളായെന്നാണ് യഥാര്ത്ഥ പോലീസ് റിപ്പോര്ട്ടിലുള്ളത്.
എന്നാല് പോലീസിന്റെ സൈബര് സെല്ലിനും സൈബര് ഡോമിനും ഇതിന്റെ ലിങ്ക് കണ്ടെത്താന് കഴിഞ്ഞിട്ടില്ല. ഇത്തരം അപകടകരമായ ലിങ്കുകള് സംസ്ഥാനത്ത് വ്യാപിച്ചിട്ടും ഐ.ജിയുടെ നേതൃത്വത്തിലുള്ള പോലീസിന്റെ സൈബര് വിദഗ്ദ്ധര് അക്കാര്യം അറിഞ്ഞതേയില്ല. ഗെയിമിനെ കുറിച്ച് മനസിലാക്കാന് മുഖ്യമന്ത്രിയും ചീഫ് സെക്രട്ടറിയും ഉയര്ന്ന പോലീസ് ഉദ്യോഗസ്ഥരെ ബന്ധപ്പെട്ടെങ്കിലും ഒന്നുമറിയില്ലെന്നാണ് മറുപടി പറഞ്ഞത്.
വിവര സാങ്കേതിക വിദ്യയുടെ കാര്യത്തില് പോലീസ് വട്ടപൂജ്യമാണെന്ന് തെളിയിച്ച സംഭവമാണ് ബ്ലൂ വെയിലിലുടെ പുറത്തുവന്നത്. ബഹു ഭൂരിപക്ഷം ഉയര്ന്ന പോലീസ് ഉദ്യോഗസ്ഥരും വിവര സാങ്കേതിക വിദ്യയുടെ കാര്യത്തില് അജ്ഞരാണ്. അങ്ങനെയാണ് കോടികള് മുടക്കി ഐ.ടി.വിദഗ്ദ്ധരെ ഉള്പ്പെടുത്തി സൈബര് ഡോം രൂപീകരിച്ചത്. എന്നാല് അവരും ഇക്കാര്യത്തില് സംപൂജ്യരാണെന്നു മനസിലായി.
പോലീസിനു പോലും ലഭിക്കാത്ത ലിങ്ക് കുട്ടികള്ക്ക് എങ്ങനെ ലഭിക്കും എന്ന സാധാരണ ചോദ്യമാണ് ഐ.ജി മനോജ് എബ്രഹാം ചോദിച്ചത്. പോലീസ് അറിയാത്ത പലതും കുട്ടികള് അറിയുന്നുണ്ട്. പോലീസാവട്ടെ തീയേറ്ററില് പോകുന്ന കുട്ടികളെയും തപ്പി തെക്കും വടക്കും നടക്കുന്നു.
വിവര സാങ്കേതികവിദ്യ ഏറ്റവും വേഗം കരസ്ഥമാക്കുന്നവരാണ് കുട്ടികള്. അവരുടെ ബുദ്ധിക്കനുസരിച്ച് വളരാന് സംസ്ഥാന പോലീസിലെ വൃദ്ധജനങ്ങള്ക്ക് കഴിഞ്ഞിട്ടില്ല. ബ്ലൂ വെയില് ലിങ്കുള്ള കുട്ടികളെ കണ്ടെത്തി സംശയ ദൂരീകരണം നടത്താനാണ് പോലീസ് ശ്രമിക്കുന്നത്. ഇതല്ലാതെ പോലീസിന്റെ കൈയില് മറ്റ് മാര്ഗ്ഗങ്ങളില്ല. ടെക്നോപാര്ക്കിലെ ഐ.ടി.വിദഗ്ദ്ധരെയും പോലീസ് സമീപിക്കാന് ആലോചിക്കുന്നുണ്ട്.
അതേ സമയം നന്തന്കോട് കൂട്ടക്കൊല കേസിലെ പ്രതി കേഡല് ബ്ലൂ വെയിലിന് അടിമയായിരുന്നു എന്ന സംശയവും പോലീസിനുണ്ട്. അതിന്റെ വിശദാംശങ്ങള് തപ്പുകയാണ് പോലീസ്. കേഡല് ജയിലിലെ സഹതടവുകാരോട് ഇത്തരത്തില് ചില സൂചനകള് നല്കിയിരുന്നു എന്നാണ് റിപ്പോര്ട്ട്.
സംസ്ഥാനത്ത് ഇപ്പോഴും ബ്ലൂ വെയില് കളിക്കുന്ന കുട്ടികളുണ്ടോ എന്നാണ് പോലീസ് സംശയിക്കുന്നത്. അങ്ങനെയാണെങ്കില് അത് അപകടകരമാകും.
https://www.facebook.com/Malayalivartha
