ആരോഗ്യമേഖലയ്ക്ക് വേണ്ടത് രോഗികളെ സുഖപ്പെടുത്തിയെന്ന ക്രെഡിറ്റാണെന്ന് കെ. മുരളീധരന്
രോഗങ്ങള് മറച്ചുവയ്ക്കാന് സര്ക്കാര് ശ്രമിക്കില്ലെന്നും പരമാവധി രോഗബാധിതരെ സുഖപ്പെടുത്തിയെന്ന ക്രെഡിറ്റാണ് കേരളത്തിന്റെ ആരോഗ്യമേഖലയ്ക്ക് വേണ്ടതെന്നും ആരോഗ്യമന്ത്രി കെ.മുരളീധരന്. പകര്ച്ചവ്യാധി നിയന്ത്രണത്തിനായി രൂപീകരിച്ച ഉന്നതാധികാര സമിതിയുടെ യോഗം തിരുവനന്തപുരം പി.ഡബ്ല്യു.ഡി റസ്റ്റ് ഹൗസില് ഉദ്ഘാടനം ചെയ്യുകയായിരുന്നു അദ്ദേഹം. കോഴിക്കോട് നിപ പ്രതിരോധത്തില് ഡോക്ടര്മാര് മുതല് ക്ലീനിംഗ് സ്റ്റാഫ് വരെയുള്ളവരുടെ സഹകരണമുണ്ടായി. അത് എല്ലായിടത്തും തുടരണമെന്നും അദ്ദേഹം വ്യക്തമാക്കി.
പകര്ച്ചവ്യാധി പ്രതിരോധത്തിന് ശാസ്ത്രീയ മാലിന്യ സംസ്കരണം വേണം. അതിനായി മാലിന്യസംസ്കരണ യൂണിറ്റുകള് അനിവാര്യമാണ്. സംസ്ഥാനത്ത് വിവിധയിനം പനികളും മറ്റ് പകര്ച്ചവ്യാധികളും റിപ്പോര്ട്ട് ചെയ്യപ്പെടുന്ന സാഹചര്യത്തില് ആരോഗ്യവകുപ്പ് മാത്രമല്ല, തദ്ദേശസ്ഥാപനങ്ങള്, ഭക്ഷ്യസുരക്ഷാ വകുപ്പ്, ജലവിഭവ വകുപ്പ് എന്നിവയുടെ ഏകോപിത പ്രവര്ത്തനവും ജനങ്ങളുടെ സഹകരണവും അത്യന്താപേക്ഷിതമാണെന്ന് മന്ത്രി പറഞ്ഞു. വൃത്തിഹീനമായ പരിസരം, മലിനമായ കുടിവെള്ളം, സുരക്ഷിതമല്ലാത്ത ഭക്ഷണം എന്നിവയാണ് പല രോഗങ്ങളുടെയും പ്രധാന കാരണങ്ങള്. ഡെങ്കിപ്പനി, എലിപ്പനി, നിപ തുടങ്ങിയ രോഗങ്ങളും സംസ്ഥാനത്ത് ആശങ്ക ഉയര്ത്തുന്ന സാഹചര്യത്തിലാണ്. മഴക്കാലപൂര്വ ശുചീകരണ പ്രവര്ത്തനങ്ങള് കാര്യക്ഷമമായി നടപ്പാക്കുന്നതില് തദ്ദേശസ്ഥാപനങ്ങള് കൂടുതല് ശ്രദ്ധ ചെലുത്തണം.
വയനാട് ജില്ലയിലെ നെന്മേനി ഗ്രാമ പഞ്ചായത്തിലെ ഒരു സ്കൂളില് റിപ്പോര്ട്ട് ചെയ്ത ഷിഗല്ല രോഗബാധയുടെ പശ്ചാത്തലത്തില് കുടിവെള്ളത്തിന്റെ ഗുണനിലവാരവും ഭക്ഷ്യസുരക്ഷയും കര്ശനമായി നിരീക്ഷിക്കാന് നിര്ദേശിച്ചു.ഹോട്ടലുകള്, തട്ടുകടകള് ഉള്പ്പെടെയുള്ള ഭക്ഷണശാലകളില് പരിശോധന ശക്തമാക്കിയതായും വൃത്തിഹീനമായി പ്രവര്ത്തിക്കുന്ന സ്ഥാപനങ്ങള്ക്കെതിരെ കര്ശന നടപടി സ്വീകരിക്കും.
െ്രെഡഡേ ആചരണം ശക്തമാക്കാനും വെള്ളി, ശനി, ഞായര് ദിവസങ്ങളില് വീടുകളിലും സ്ഥാപനങ്ങളിലും ശുചീകരണ പ്രവര്ത്തനങ്ങള് നടത്താനും നിര്ദേശം നല്കി. രോഗം വന്നശേഷം ചികിത്സിക്കുന്നതിനേക്കാള് രോഗം വരാതിരിക്കാനുള്ള മുന്കരുതലുകളാണ് പ്രധാനം. നിപ്പയിലടക്കം ശക്തമായ പ്രതിരോധമാണ് ആരോഗ്യ പ്രവര്ത്തകരും വകുപ്പും സ്വീകരിക്കുന്നത്. എബോള സംശയിച്ച രണ്ട് രോഗികളുടെയും റിപ്പോര്ട്ട് നെഗറ്റീവാണ് എന്നത് ആശ്വാസകരമാണ്. ചിട്ടയായ പ്രവര്ത്തനത്തിലൂടെ ഷിഗല്ല രോഗം നിയന്ത്രണ വിധേയമാക്കി.
പകര്ച്ചവ്യാധി പ്രതിരോധത്തിന് മുന്കൂട്ടി നടപ്പിലാക്കാന് കഴിയുന്ന നിര്ദേശങ്ങള്, എന്തുകൊണ്ട് പ്രത്യേക പ്രദേശങ്ങളില് നിപ്പ റിപ്പോര്ട്ട് ചെയ്യപ്പെടുന്നു എന്നതടക്കമുള്ള കാര്യങ്ങളില് ശാസ്ത്രീയമായ കണ്ടെത്തലുകള് നടത്തി റിപ്പോര്ട്ട് സമപ്പിക്കാന് ഉന്നതാധികാര സമിതിക്ക് കഴിയുമെന്നാണ് പ്രതീക്ഷിക്കുന്നതെന്ന് മന്ത്രി പറഞ്ഞു.
https://www.facebook.com/Malayalivartha
