കേളകത്ത് മാവോയിസ്റ്റ് അനുകൂല പോസ്റ്റർ. കേളകം ബസ്റ്റാൻറിലേക്ക് പോകുന്ന ബൈപാസിലാണ് മാവോയിസ്റ്റ്​ അനുകൂല പോസ്റ്റർ പ്രത്യക്ഷപെട്ടത്. ചൊവ്വാഴ്ച രാവിലെയാണ് സംഭവം ശ്രദ്ധയിൽ പെട്ടത്. സഖാവ്.ലത അനുസ്മരണ സമ്മേളനത്തെ സംബന്ധിച്ചാണ് പോസ്റ്റർ. ഒക്ടോബർ മൂന്നിന് മലമ്പുഴയിലാണ് അനുസ്മരണമെന്നും ധീര രക്തസാക്ഷി മാവോയിസ്റ്റ്​ നേതാവ് സ.ലതയുടെ വിപ്ലവ സ്വപ്‌നങ്ങൾക്ക് മരണമില്ലെന്നും പോസ്റ്ററിൽ പറയുന്നു.

അനുസ്മരണ സമിതിയുടെ പേരിലാണ് പോസ്റ്റർ പതിച്ചിരിക്കുന്നത്.ചെയർപേഴ്സൺ കൺവീനർ തുടങ്ങിയവരുടെ പേരും നമ്പറും സഹിതമാണ് പോസ്റ്റർ പതിച്ചിരിക്കുന്നത്.കേളകത്തു ഇതിനു മുമ്പു നിരവധി തവണ മാവോയിസ്റ്റ് അനുകൂല പോസ്റ്റർ പ്രത്യക്ഷപ്പെട്ടിട്ടുണ്ട്.കേളകം പോലീസ് അന്വേഷണം ആരംഭിച്ചിട്ടുണ്ട്.