യൂബര് ഡ്രൈവര് ഷെഫീഖിനെ പൊതുമധ്യത്തില് വച്ച് തല്ലിച്ചതച്ച മൂവരും ഭരണകക്ഷി കുടുംബം
കൊച്ചിയില് യൂബര് ഡ്രൈവര് ഷെഫീഖിനെ പൊതുമധ്യത്തില് വച്ച് തല്ലിച്ചതച്ച യുവതികള് മൂവരുടേതും ഭരണകക്ഷി കുടുംബം. ഇതില് കണ്ണൂര് ആലക്കോട് സ്വദേശിനി എയ്ഞ്ചല് മേരി നിരവധി കേസുകളില് രക്ഷപ്പെട്ടതും കണ്ണൂരിലെ രാഷ്ട്രീയക്കാരുടെ പിന്തുണയോടെയാണ്. പീഡനം ആരോപിച്ച് പണം തട്ടിയതടക്കം നിരവധി കേസുകളാണ് ഇവര്ക്കെതിരേയുള്ളത്.
എല്ലാ കേസുകളിലും വാദിഭാഗത്തുള്ളവര് അവസാനം ഭയന്ന് പിന്മാറുകയായിരുന്നു. വൈറ്റിലയില് വച്ച് ഡ്രൈവറെ ആക്രമിച്ചതിനു തൊട്ടുപിന്നാലെ പോലീസെത്തി ഇവരെ സ്റ്റേഷനിലേക്ക് മാറ്റിയെങ്കിലും ഉടനെ ഇവര്ക്കുവേണ്ടി വിളിയെത്തി. അതും ഉന്നതകേന്ദ്രത്തില് നിന്നും. മിനിറ്റുകള്ക്കുള്ളില് സ്റ്റേഷന് ജാമ്യത്തില് ഇവരെ വിട്ടയയ്ക്കുകയും ചെയ്തു.
മദ്യപിച്ചെത്തിയ യുവതികളെ വൈദ്യപരിശോധനയ്ക്കു വിധേയരാക്കാന് പോലും പോലീസ് തുനിഞ്ഞില്ല. മുകളില് നിന്നുള്ള സമ്മര്ദം തന്നെ കാരണം. ഇപ്പോള് യുവതികള്ക്കെതിരേ പ്രതിഷേധം ശക്തമാകുന്നതിനിടെ ഷെഫീഖിനെതിരേ കേസെടുത്തതിന് പിന്നിലും പ്രതികളും സ്വാധീനം തന്നെയാണ് തെളിയിക്കുന്നത്.
ഇതിനിടെ ഷെഫീഖിന് ചില ഭീഷണി സന്ദേശങ്ങള് ലഭിച്ചതായും സൂചനയുണ്ട്. എയ്ഞ്ചല് ബേബിക്കൊപ്പം പുറത്തേല് വീട്ടില് ക്ലാര ഷിബിന് കുമാര് (27), പത്തനംതിട്ട ആയപുരയ്ക്കല് വീട്ടില് ഷീജ എം. അഫ്സല് (30) എന്നിവരാണ് ഡ്രൈവറെ ആക്രമിച്ചത്. അതേ സമയം സമൂഹത്തിന് മുന്നില് താനിപ്പോള് അപഹാസ്യനാണെന്ന് വൈറ്റിലയില് യുവതികളുടെ ആക്രമണത്തിന് ഇരയായ ഓട്ടോലൈന് ടാക്സി ഡ്രൈവര് ഷെഫീക്.
തന്റെ പേരില് കുടുംബവും കുട്ടികളും അപമാനത്തിനിരയാകുകയാണെന്നും അദ്ദേഹം വാര്ത്താസമ്മേളനത്തില് പറഞ്ഞു. ജില്ലയിലെ ഏറ്റവും തിരക്കുള്ള വൈറ്റില ജങ്ഷനില് പട്ടാപ്പകല് മൂന്ന് യുവതികളുടെ ആക്രമണത്തില് വിവസ്ത്രനായി നില്ക്കേണ്ടി വന്ന തന്റെ ചിത്രവും വീഡിയോയും ഇപ്പോള് സമൂഹമാധ്യമങ്ങളിലൂടെ പ്രചരിക്കുകയാണ്.
അപമാനഭാരത്താല് വീടിന് പുറത്തുപോലും ഇറങ്ങാന് കഴിയുന്നില്ല. നടുറോഡില് തന്റെ മുഖത്തടിക്കുകയും വിവസ്ത്രനാക്കി നിര്ത്തുകയും ചെയ്ത സ്ത്രീകള്ക്കെതിരെ പൊലീസ് ദുര്ബലവകുപ്പുകള് ചുമത്തി തനിക്ക് നീതി നിഷേധിക്കുകയാണെന്നും അദ്ദേഹം പറഞ്ഞു.
https://www.facebook.com/Malayalivartha
