വാട്ടര് അതോറിട്ടിക്ക് പണി കിട്ടി... ഓഫീസുകളില് മിന്നല് പരിശോധന
വാട്ടര് അതോറിട്ടിയിലെ ജീവനക്കാര് ഓഫീസുകളില് വരുന്നത് തോന്നിയതുപോലെ. സംസ്ഥാനത്തുടനീളമുളള വാട്ടര് അതോറിട്ടി ഓഫീസുകളില് വിജിലന്സ് നടത്തിയ മിന്നല് പരിശോധനയിലാണ് ജീവനക്കാരുടെ അലംഭാവവും തിരിമറിയും കണ്ടെത്തിയത്. പതിനൊന്ന് മണി കഴിഞ്ഞിട്ടും സീറ്റുകളില് ജീവനക്കാരെത്തിയില്ല.
ഹാജര്, മൂവ്മെന്റ് ബുക്ക്, സ്ക്രാപ്പ് രജിസ്റ്റര്, പേഴ്സണല് കാഷ് ഡിക്ളറേഷന് രജിസ്റ്റര്, കാഷ്വല് ലീവ് രജിസ്റ്റര് ഇതൊന്നും പല ഓഫീസുകളിലും കൃത്യമായി സൂക്ഷിക്കുന്നില്ല. പുതുതായി കണക്ഷന് നല്കുന്നതിലെ തിരിമറിയും കണ്ടെത്തി. നൂറുകണക്കിന് അപേക്ഷകള് സമയപരിധി കഴിഞ്ഞിട്ടും തീര്പ്പാക്കാതെ കെട്ടിക്കിടക്കുന്നു. വയനാട്, കൊല്ലം ഓഫീസുകളില് കണക്കില്പ്പെടാതെ സൂക്ഷിച്ചിരുന്ന 2000ത്തോളം രൂപ പടിച്ചെടുത്തു.
പൊതുജന പരാതി പുസ്തകം പല ഓഫീസുകളിലും സൂക്ഷിക്കുന്നില്ല. ഓവര്സീയര്, വര്ക്ക് സൂപ്രണ്ട് തുടങ്ങിയവര് പലവര്ക്ക് സൈറ്റുകളിലും പോകുന്നില്ലെന്നും കണ്ടെത്തി. ക്രമേക്കടുകളെപ്പറ്റി വിജിലന്സ് ഡയറക്ടര് ലോക്നാഥ് ബെഹ്റയ്ക്ക് കിട്ടിയ രഹസ്യവിവരത്തെ തുടര്ന്നായിരുന്നു പരിശോധന. മിന്നല് പരിശോധന റിപ്പോര്ട്ട് സര്ക്കാരിന് നല്കുമെന്ന് ബെഹ്റ അറിയിച്ചു.
https://www.facebook.com/Malayalivartha
