ഏതൊരു വിശ്വാസിയെ സംബന്ധിച്ചടുത്തോളവും ആചാരപരമായ അന്തിയുറക്കം വളരെ പ്രധാനമാണ്. പക്ഷെ നാല് കാശിന്റെ അഭാവം കാരണം അതൊക്കെ നിഷേധിക്കുകയെന്നു വച്ചാല്‍... കോഴിക്കോട് ജില്ലയിലെ കൂരാച്ചുണ്ട് പഞ്ചായത്തില്‍ കല്ലാനോട് സെന്‍ മേരീസ് ദേവാലയത്തിലെ പള്ളിയിലാണ് സംഭവം.

ശവം മറവു ചെയ്യാന്‍ 1 ലക്ഷം മുതല്‍ 5ലക്ഷം വരെയാണ് പല പള്ളികളും കല്ലറ പണം എന്ന് പറഞ്ഞ് പള്ളികള്‍ വാങ്ങിക്കുന്നത്. കോഴിക്കോട് പള്ളിയില്‍ നടന്ന സംഭവം ഞെട്ടിക്കുന്നതാണ്. മൃതദേഹം അടക്കം ചെയ്യുന്നതിനു പള്ളി വികാരിയും കമ്മറ്റിക്കാരും പണം ആവശ്യപെട്ടതിനേ ചോദ്യം ചെയ്ത വിശ്വാസിക്ക് മര്‍ദ്ദനം.

ചേട്ടായി എന്ന ഓമനപ്പേരില്‍ നാട്ടുകാര്‍ വിളിച്ചുവരുന്നു കൂരാച്ചുണ്ട് പഞ്ചായത്തിലെ മുന്‍ വൈസ് പ്രസിഡഡന്റ് മാത്യുകുട്ടി കോതമ്പനാനിയുടെ സംസ്‌കാര ചടങ്ങിന് വേണ്ടി 1 ലക്ഷം രൂപയായിരുന്നു ആവശ്യപ്പെട്ടത്. എങ്കിലേ പള്ളികല്ലറയില്‍ മൃതദേഹം അടക്കാന്‍ പറ്റൂ എന്നായിരുന്നു തര്‍ക്കം. സിമിത്തേരിയിലേ ചില നിര്‍മ്മാണത്തിനെതിരേ കലക്ടര്‍ക്ക് പരാതി നല്ല്കിയിരുന്നു. ഇതുമായി ബന്ധപ്പെട്ട് സിമിത്തേരിയില്‍ പുതിയ പദ്ധതികള്‍ക്ക് പഞ്ചായത്ത് സ്‌റ്റോപ്പ് മെമ്മോ നല്കിയിരുന്നു. ഇതിനേ മറികടന്ന് കല്ലറ കച്ചവടം നടത്തിയതായിരുന്നു വിവാദമായത്.

ഒരു ലക്ഷം രൂപയായിരുന്നു മൃതദേഹം അടക്കാന്‍ ആവശ്യപ്പെട്ടത്. പിന്നീട് ഇത് 50000 ആക്കി കുറച്ച് ആ തുക വാങ്ങിയ ശേഷം മൃതദേഹം അടക്കാന്‍ സമ്മതിക്കുകയായിരുന്നു ഇടവക വികാരിയും കൈകാരന്മാരും. ഇത് പള്ളിയുടെ പൊതുയോഗത്തില്‍ ചോദ്യം ചെയ്തതാണ്. ജോസ ജോസഫിനേ അക്രമിക്കാന്‍ കാരണം. അവനേ അടിച്ചു പുറത്താക്കെടാ എന്ന് ഇടവക വികാരി ആക്രോശിച്ചതായി ജോസ് പറയുന്നു. തുടര്‍ന്ന് കൈക്കാരന്മാര്‍ ചേര്‍ന്ന് കൈ അടിച്ചൊടിച്ച് പള്ളിയുടെ പൊതുയോഗത്തില്‍ നിന്നും ജോസ് ജോസഫിനേ പുറത്താക്കി. വികാരി ഫാദര്‍ ഫാന്‍സി പഴേടത്ത് അടക്കം ഉള്ളവര്‍ക്കെതിരേ കേസെടുത്തിട്ടുണ്ട്. കലക്ടര്‍ക്കും ഇതുമായി ബന്ധപ്പെട്ട് പരാതി നല്കി.