ഭീ​​​ക​​​ര​​​സം​​​ഘ​​​ട​​​ന​​​യാ​​​യ ഐ​​​എ​​​സി​​​ന്‍റെ പ​​​രി​​​ശീ​​​ല​​​നം ല​​​ഭി​​​ച്ച മൂ​​​ന്ന് ക​​​ണ്ണൂ​​​ർ സ്വ​​ദേ​​ശി​​ക​​ളെ പോ​​ലീ​​സ് അ​​റ​​സ്റ്റ് ചെ​​യ്തു. മു​​​ണ്ടേ​​​രി കൈ​​​പ്പ​​​ക്ക​​​യ്യി​​​ൽ ബൈ​​​ത്തു​​​ൽ ഫ​​​ർ​​​സാ​​​ന​​​യി​​​ലെ മി​​​ഥ്‌​​ലാ​​ജ്(26), ചെ​​​ക്കി​​​ക്കു​​​ളം പ​​​ള്ളി​​​യ​​​ത്ത് പ​​​ണ്ടാ​​​ര​​​വ​​​ള​​​പ്പി​​​ൽ കെ.​​​വി. അ​​​ബ്ദു​​​ൾ റ​​​സാ​​​ഖ്(34), മു​​​ണ്ടേ​​​രി പ​​​ട​​​ന്നോ​​​ട്ട്മെ​​​ട്ട​​​യി​​​ലെ എം.​​​വി. റാ​​​ഷി​​​ദ് (24) എ​​​ന്നി​​​വ​​​രെ​​യാ​​​ണ് ക​​ണ്ണൂ​​ർ ഡി​​​വൈ​​​എ​​​സ്പി പി.​​​പി. സ​​​ദാ​​​ന​​​ന്ദ​​​ന്‍റെ നേ​​​തൃ​​​ത്വ​​​ത്തി​​​ലു​​​ള്ള പോ​​​ലീ​​​സ് സം​​​ഘം അ​​​റ​​​സ്റ്റ് ചെ​​​യ്ത​​​ത്. മൂ​​​ന്നു​​​ പേ​​​രും പോ​​​പ്പു​​​ല​​​ർ ​ഫ്ര​​​ണ്ട് മു​​​ൻ പ്ര​​​വ​​​ർ​​​ത്ത​​​ക​​​രാ​​​ണെ​​​ന്ന് പോ​​​ലീ​​​സ് പ​​​റ​​​ഞ്ഞു.

ക​​​ണ്ണൂ​​​ർ ജി​​​ല്ല​​​യി​​​ൽ​​നി​​​ന്ന് അ​​​ഞ്ചു​​​ പേ​​​രാ​​​ണ് ഐ​​​എ​​​സ് കേ​​ന്ദ്ര​​ങ്ങ​​ളി​​ൽ തീ​​​വ്ര​​​വാ​​​ദ പ​​​രി​​​ശീ​​​ല​​​നം നേ​​​ടി​​യ​​ശേ​​ഷം തി​​രി​​ച്ചെ​​​ത്തി​​​യി​​​രി​​​ക്കു​​​ന്ന​​​തെ​​ന്നും മ​​​റ്റു ര​​​ണ്ടു​​​പേ​​​ർ വൈ​​കാ​​തെ വ​​​ല​​​യി​​​ലാ​​​​കു​​​മെ​​​ന്നും ഡി​​​വൈ​​​എ​​​സ്പി പി.​​​പി. സ​​​ദാ​​​ന​​​ന്ദ​​​ൻ പ​​​റ​​​ഞ്ഞു. ക​​​ഴി​​​ഞ്ഞ​​​ വ​​​ർ​​​ഷ​​​മാ​​​ണ് അ​​ഞ്ചം​​ഗ​​സം​​ഘം ഐ​​​എ​​​സ് ക്യാ​​​മ്പി​​ലെ​​ത്തി​​യ​​​ത്. കോ​​​ഴി​​​ക്കോ​​​ട് വി​​​മാ​​​ന​​​ത്താ​​​വ​​​ള​​​ത്തി​​​ൽ​​നി​​​ന്നു ദു​​​ബാ​​​യ് വ​​​ഴി ഇ​​​റാ​​​നി​​​ലേ​​​ക്കു ക​​​ട​​​ക്കു​​ക​​യാ​​യി​​രു​​ന്നു.

വി​​​മാ​​​ന​​​ടി​​​ക്ക​​​റ്റും വീ​​​സ​​​യും എ​​​ടു​​​ത്താ​​​ണ് ഇ​​​റാ​​​ൻ​​വ​​​രെ എ​​​ത്തി​​​യ​​​ത്. അ​​​വി​​​ടെ​​നി​​​ന്ന് ഐ​​​എ​​​സി​​​ന്‍റെ സ​​​ഹാ​​​യ​​​ത്തോ​​​ടെ ക​​​ള്ള​​​ വ​​​ണ്ടി​​ക​​​യ​​​റി തു​​​ർ​​​ക്കി​​​യി​​​ലെ​​​ത്തി. അ​​​വി​​​ടെ നാ​​​ലു​​​മാ​​​സം ഐ​​​എ​​​സ് ക്യാ​​​മ്പി​​​ൽ തീ​​​വ്ര​​വാ​​ദ​​പ​​​രി​​​ശീ​​​ല​​​നം ല​​​ഭി​​​ച്ചു. അ​​​വി​​​ടെ​​നി​​​ന്നു സി​​​റി​​​യ​​​യി​​​ലേ​​​ക്ക് ക​​​ട​​​ക്കാ​​​നു​​​ള്ള ശ്ര​​​മ​​ത്തി​​​നി​​​ടെ സം​​ഘ​​ത്തെ തു​​​ർ​​​ക്കി പോ​​​ലീ​​​സ് പി​​​ടി​​​കൂ​​​ടു​​​ക​​​യും തു​​ട​​ർ​​ന്ന് ഇ​​​ന്ത്യ​​​യി​​​ലേ​​​ക്ക് നാ​​ടു​​ക​​ട​​ത്തു​​ക​​യു​​മാ​​യി​​രു​​ന്നു. തു​​​ർ​​​ക്കി​​​യി​​​ൽ ഹി​​​സ്ബു​​​ൾ പ​​​രി​​​ശീ​​​ല​​​ന കേ​​​ന്ദ്ര​​​ത്തി​​​ലാ​​​ണ് ഇ​​​വ​​​ർ താ​​​മ​​​സി​​​ച്ചി​​​രു​​​ന്ന​​​ത്.

അതേ സമയം ഇത്തരത്തിലുള്ള തീവ്രവാദികളുടെ മടക്കത്തെ അതീവ ഗൗരവമായാണ് പൊലീസ് കാണുന്നത്. കേരളത്തിന് കേന്ദ്ര ഇന്റലിജന്‍സും വേണ്ടത്ര മുന്‍കരുതലെടുക്കണമെന്ന നിര്‍ദ്ദേശം നല്‍കിയിട്ടുണ്ട്. ഇറാഖോ സിറിയയോ അഫ്ഘാനിസ്ഥാന്‍ വഴിയോ ആവാം ഇവരുടെ മടക്കമെന്നാണ് പ്രതീക്ഷിക്കുന്നത്. സംഘമായോ ഒറ്റയക്കായോ ഇവര്‍ കടക്കാനുള്ള സാധ്യതയുണ്ടെന്നാണ് കണക്ക് കൂട്ടുന്നത്.

കഴിഞ്ഞ ദിവസം അറസ്റ്റ് ചെയ്ത റസാഖ്, റാഷിദ്, മിദ്ലാജ് എന്നിവരെപ്പോലെ സ്വന്തം നാട്ടിലേക്ക് തിരിച്ച്‌ വരാന്‍ സാധ്യതയുള്ളവര്‍ വളരെക്കുടുതല്‍ ആണ്. തുര്‍ക്കിയിലും സിറിയയിലുമൊക്കെയായി യുദ്ധം ചെയ്യുന്നവരാണ് തിരിച്ച്‌ വരാന്‍ സാധ്യതയുള്ളത്. ഇത് പോലെ തന്നെ സ്ലീപ്പര്‍സെല്‍സും ഇന്ത്യയില്‍ ശക്തി കൂടാന്‍ സാധ്യതയുള്ളതായി കേന്ദ്ര രഹസ്യനേഷണ ഏജന്‍സി പറയുന്നു.

ഇന്ത്യന്‍ പൗരത്വമുള്ള വ്യാജ രേഖകള്‍ ഉള്ളവരെ ശ്രദ്ധിക്കണമെന്ന് അമേരിക്ക, ഇംഗ്ലണ്ട്, ഫ്രാന്‍സ്,തുര്‍ക്കി, ദുബായ്, ഇറാന്‍, സൗദി തുടങ്ങിയ രാജ്യങ്ങളോട് രഹസ്യാന്വേഷണ വിഭാഗം അറിയിച്ചിട്ടുണ്ട്. അതിനിടെ ഉത്തരമലബാറില്‍നിന്ന് ഐ.എസിലേക്ക് ആളെ റിക്രൂട്ടുചെയ്യുന്നതിന് പിന്നിലുള്ള പ്രധാന കണ്ണി തലശ്ശേരിക്കാരനായ ഹംസയാണെന്ന് പൊലീസ് കണ്ടെത്തിയിട്ടുണ്ട്. ഇയാള്‍ വലയിലായിട്ടുണ്ടെന്നും പൊലീസ് പറഞ്ഞു.

ബിരിയാണി ഹംസ, താലിബാന്‍ ഹംസ എന്ന പേരിലും മറ്റും അറിയപ്പെടുന്ന ഇയാളാണ് പലരെയും സിറിയയിലേക്ക് അയക്കാനുള്ള പദ്ധതി തയ്യാറാക്കുന്നത്. നേരത്തേ ഡല്‍ഹിയില്‍ പിടിയിലായ ഷാജഹാന്‍, കൊല്ലപ്പെട്ട ഷമീര്‍, ഷജില്‍ എന്നിവരെയാണ് ആദ്യം റിക്രൂട്ട് ചെയ്തത്. ഇവര്‍ മുഖേനയാണ് മറ്റുള്ള പലരെയും ചേര്‍ത്തത്.തീവ്ര ഇസ്ലാം ചിന്താഗതികളും ജിഹാദിസന്ദേശങ്ങളും ഇവരില്‍ അടിച്ചേല്‍പ്പിച്ചതും ഹംസയാണ്. അല്‍മുജാഹിര്‍ എന്ന പേരില്‍ വെബ്സൈറ്റും ഇതിനായി ഉപയോഗപ്പെടുത്തി.

കുടുംബങ്ങളൊന്നിച്ച്‌ സിറിയയിലേക്ക് പോകാനുള്ള പ്രേരണയും ഇയാളാണ് നല്‍കിയതെന്നും പൊലീസ് പറയുന്നു.രാജ്യത്ത് ഒരിടത്തുമില്ലാത്ത രീതിയില്‍ ഇത്രയധികം പേര്‍ ഒന്നിച്ച്‌ ഐ.എസില്‍ ചേരാനിടയാവാനുള്ള സാഹചര്യത്തെ വളരെ ഗൗരവത്തോടെയാണ് കേന്ദ്ര രഹസ്യാന്വേഷണ ഏജന്‍സി കാണുന്നത്. സംസ്ഥാനത്തിന്റെ വിവിധ ഭാഗങ്ങളില്‍നിന്നായി ഐ.എസില്‍ചേര്‍ന്ന എഴുപതോളം പേരില്‍ ഭൂരിഭാഗവും കണ്ണൂര്‍, കാസര്‍കോട് ജില്ലയില്‍ നിന്നാണ്. കാസര്‍കോട് ജില്ലയിലെ പടന്ന-തൃക്കരിപ്പൂര്‍ മേഖലയില്‍നിന്ന് 21 പേര്‍, കണ്ണൂര്‍ ജില്ലയിലെ വളപട്ടണത്തുനിന്ന് കുടുംബമടക്കം 15 പേര്‍, ചക്കരക്കല്‍ ഭാഗത്തുനിന്ന് പത്തുപേര്‍, കനകമലയില്‍നിന്ന് 10 പേര്‍ എന്നിവരും ഇതില്‍പ്പെടും.