സരിതയ്ക്ക് എന്നും കേരളത്തെയും മലയാളികളെയും ഞെട്ടിപ്പിക്കാനെ സമയമുള്ളൂ. എന്നും വ്യാജ വെളിപ്പെടുത്തലുമായാണ് സരിതയുടെ വരവ്. സരിതയുടെ വെളിപ്പെടുത്തലില്‍ കുടുങ്ങുന്നത് യുഡിഎഫിലെ നേതാക്കളും. സോളാര്‍ കേസില്‍ മുന്‍ മുഖ്യമന്ത്രി ഉമ്മന്‍ ചാണ്ടിക്കെതിരേ നിരവധി വെളിപ്പെടുത്തലുകളാണ് സരിത ഉന്നയിക്കുന്നത്. തന്നെ ബ്ലാക്ക്‌മെയില്‍ ചെയ്തിട്ടുണ്ടെന്ന ഉമ്മന്‍ ചാണ്ടിയുടെ വാക്കുകള്‍ സ്വയം കുറ്റം സമ്മതിക്കുന്നതിനു തുല്യമാണെന്ന് കോസിലെ മുഖ്യപ്രതി കൂടിയായ സരിത ചൂണ്ടിക്കാട്ടി. രണ്ടു കേസുകളില്‍ ജാമ്യം എടുക്കുന്നതിനായി കൊട്ടാരക്കര കോടതിയില്‍ എത്തിയപ്പോള്‍ മാധ്യമപ്രവര്‍ത്തകരോട് സംസാരിക്കുകയായിരുന്നു.

സരിത. ഉമ്മന്‍ ചാണ്ടിയെയും യുഡിഎഫ് നേതാക്കളെയും പ്രതിരോധത്തിലാക്കുന്നതായിരുന്നു സോളാര്‍ കമ്മീഷന്റെ റിപ്പോര്‍ട്ട്. സോളാര്‍ കമ്മീഷന്റെ റിപ്പോര്‍ട്ട് നവംബര്‍ ഒമ്പതിനു വിളിച്ചുചേര്‍ത്ത പ്രത്യേക നിയമസഭാ സമ്മേളമത്തിലാണ് മുഖ്യമന്ത്രി സഭയില്‍ അവതരിപ്പിച്ചത്. താന്‍ ബ്ലാക്‌മെയിലിനു വിധേയനായെന്ന ഉമ്മന്‍ ചാണ്ടിയുടെ വാക്കുകള്‍ അദ്ദേഹത്തിന്റെ കുറ്റസമ്മതായമായി വേണം കാണേണ്ടതെന്ന് സരിത അഭിപ്രായപ്പെട്ടു.

നേരത്തേ മുഖ്യമന്ത്രിയായിരുന്ന ഒരാള്‍ താന്‍ ബ്ലാക്‌മെയിലിങിനു വിധേയനായിട്ടുണ്ടെന്ന് പറയുന്നത് ഭൂഷണമല്ല. അദ്ദേഹം സ്വയം തരം താഴുകയാണ് ഇതിലൂടെ സംഭവിച്ചതെന്നും സരിത കൊട്ടാരക്കരയില്‍ മാധ്യമങ്ങളോട് പറഞ്ഞു. തന്നെ ഒരാള്‍ ബ്ലാക്ക്‌മെയില്‍ ചെയ്തുവെന്നാണ് ഉമ്മന്‍ ചാണ്ടി നേരത്തേ വെളിപ്പെടുത്തിയത്. എന്നാല്‍ ഇയാളുടെ പേര് അദ്ദേഹം പുറത്തുപറഞ്ഞിരുന്നില്ല.

നേരത്തേ പുറത്തുവന്നിട്ടുള്ള കചത്തുകള്‍ താന്‍ തന്നെ എഴുതിയതാണെന്നു സരിത ആവര്‍ത്തിച്ചു. എഴുതായും വായിക്കാനുമറിയുന്ന വ്യക്കതിയാണ് താന്‍. കത്തില്‍ പേപ്പറിന്റെ ഇരുവശങ്ങളിലും എഴുതിയിട്ടുണ്ട്. 25 പുറമുള്ള കത്ത് സോളാര്‍ കമ്മീഷന്‍ തന്നെ നേരത്തേ പരിഗണിച്ചതാണെന്നും സരിത വ്യക്തമാക്കി. അട്ടക്കുളങ്ങര വനിതാ ജയിലില്‍ കഴിയുമ്പോഴാണ് സരിത മൂന്നു കത്തുകള്‍ എഴുതിയത്. 2013ലാണ് രാഷ്ട്രീയ നേതാക്കളും പോലീസ് ഉദ്യോഗസ്ഥരുമടക്കം തന്നെ പീഡിപ്പിച്ചന്ന് ആരോപിച്ച് സരിത ആദ്യം കത്തെഴുതിയത്. പിന്നീട് ഈ കത്തില്‍ പറഞ്ഞ കാര്യങ്ങള്‍ നിഷേധിച്ച് ഇവര്‍ രണ്ടു കത്തുകള്‍ കൂടി എഴുതിയിരുന്നു.

വഞ്ചകിയും വേശ്യാവൃത്തിക്ക് പിടിക്കപ്പെട്ടയാളുമായ അവരെ വിശ്വസിക്കരുതെന്ന ആഹ്വാനത്തോടെ സോളാര്‍ വിവാദത്തിന്റെ തുടക്ക കാലത്ത് സരിതയുടേതായി ചില മാധ്യമങ്ങള്‍ നടത്തിയ ഇന്‍വെസ്റ്റിഗേഷന്‍ റിപ്പോര്‍ട്ടുകളായ കഥകള്‍ ചികഞ്ഞെടുത്താണ് പ്രചരണം. സ്വന്തം ഭര്‍ത്താവിനെ വഞ്ചിച്ച വേശ്യാവൃത്തിക്ക് പിടിക്കപ്പെട്ട ഇരുപതു വര്‍ഷമായി നിരവധി പേരില്‍ നിന്നും വന്‍തുക തട്ടിയെടുത്ത നന്ദിനി നായര്‍, ലക്ഷ്മിനായര്‍, സരിതാ നായര്‍ എന്ന് പല പേരുകളിലും അറിയപ്പെടുന്ന വാക്ചാതുരിയും സൗന്ദര്യവും മുതലാക്കിയ തട്ടിപ്പുകാരിയെന്നാണ് കോണ്‍ഗ്രസ് പ്രചരണം.

സരിതയെ മോശക്കാരി എന്ന നിലയില്‍ പ്രചരിപ്പിക്കാന്‍ ഒരു പഴയ മാസികയില്‍ അവരുടെ പേരില്‍ വന്ന കുറ്റകൃത്യങ്ങളുടെ റിപ്പോര്‍ട്ടാണ് ആയുധമാക്കിയിരിക്കുന്നത്. ഇരുപത് വര്‍ഷമായി തട്ടിപ്പ് ആയുധമാക്കിയ സുന്ദരിയാണ് സരിതയെന്നും പറയുന്നു. 1997 ഡിസംബര്‍ 13 ന് നിയമപരമായി വിവാഹം കഴിച്ച ആറന്മുള സ്വദേശിയാണ് തട്ടിപ്പില്‍ സരിതയുടെ ആദ്യ ഇരയെന്ന് പറയുന്നു. പ്രവാസിയായ ഇയാളുടെ പണമെല്ലാം ധൂര്‍ത്തടിച്ച ശേഷം ഇവര്‍ക്ക് പിറന്ന ആദ്യ കുട്ടി മറ്റൊരാളുടെതാണെന്ന് പറഞ്ഞ് ഭര്‍ത്താവിനെ ആദ്യം ഞെട്ടിച്ച സരിത അദ്ദേഹം വിവാഹമോചനം ആവശ്യപ്പെട്ടപ്പോള്‍ ഭീഷണി ആയുധമാക്കി. കുഞ്ഞിനെ കൊന്ന് ഭര്‍ത്തൃവീട്ടുകാരുടെ തലയില്‍ കുറ്റം കെട്ടിവെയ്ക്കുമെന്നാണ് ഭീഷണി മുഴക്കിയത്.

പിന്നീട് കേരളാ ഹൗസിംഗ് ഫിനാന്‍സ് ലിമിറ്റഡിന്റെ കോഴഞ്ചേരി ബ്രാഞ്ചില്‍ ജോലി ചെയ്യുകയും അവിടുത്തെ എംഡിയെ കബളിപ്പിച്ച് മാനേജരാകുകയും ലക്ഷങ്ങള്‍ തട്ടിയെടുത്ത മുങ്ങുകയും ചെയ്തു. ഇതിനിടയില്‍ ബിജു രാധാകൃഷ്ണനെ പരിചയപ്പെടുകയും ഇരുവരും ചേര്‍ന്നതോടെ തട്ടിപ്പിന് കൂടുതല്‍ മുഖങ്ങള്‍ ഉണ്ടാകുകയും ചെയ്തു. വിവാഹിതനായ ബിജുവുമായുള്ള കൂട്ടു ജീവിതം കുമാരപുരത്തുള്ള ഫഌറ്റിലായിരുന്നു. പന്തളത്തെ നക്ഷത്ര വേശ്യാലയത്തില്‍ നടന്ന റെയ്ഡില്‍ പിടിയിലായ ആളാണ് തന്റെ കൂടെ ജീവിക്കുന്നതെന്ന ബിജു അറിഞ്ഞിരുന്നു. ഇതിനിടയിലാണ് കവടിയാറില്‍ ബിജു എംഡിയായും സരിത അഡ്മിനിസ്‌ട്രേറ്ററായുമുള്ള 15,000 രൂപ വാടകയ്ക്ക് എടുത്ത ഓഫീസില്‍ ക്രെഡിറ്റ് ഫിനാന്‍സ് എന്ന തട്ടിപ്പ് ധനകാര്യ സ്ഥാപനം തുടങ്ങിയത്.

ആറു മാസത്തിനുള്ളില്‍ ഇത് അടച്ചുപൂട്ടുമ്പോള്‍ അനേകം ചെറുപ്പക്കാര്‍ ജോലിക്കാരായി ഉണ്ടായിരുന്നു. പത്ത് ലക്ഷത്തോളം തട്ടിയെടുത്തെന്നായിരുന്നു പരാതി ഉയര്‍ന്നത്. ക്രെഡിറ്റ്കാര്‍ഡ്, ഹോംലോണ്‍, പ്രൊജക്ട് ലോണ്‍ എന്നീ പേരുകളില്‍ ഇടപാടുകാരില്‍ നിന്നും അഡ്വാന്‍സായി ലക്ഷങ്ങള്‍ സരിത നന്ദിനി നായരെന്ന വ്യാജപ്പേരില്‍ ഒപ്പിട്ടു വാങ്ങിച്ചു. ഉന്നത പോലീസ് ഉദ്യോഗസ്ഥരെ വരെ സരിത വലയിലാക്കിയിരുന്നു. പിന്നീട് സരിതയും ബിജുവും സെക്രട്ടേറിയേറ്റിന് സമീപത്തെ നവരത്‌ന ഹോട്ടലിലേക്ക് താമസം മാറ്റുകയും കന്റോണ്‍മെന്റ് എസ്‌ഐ സരിതയെ വ്യഭിചാരകുറ്റത്തിന് അറസ്റ്റ് ചെയ്യുകയും ചെയ്തിരുന്നു.