ശത്രുക്കള് പോലും ചെയ്യാത്ത രീതിയില് കരുണാകരനെ കരയിപ്പിച്ച് പടിയിറക്കിയതിന്റെ പശ്ചാത്താപവുമായി കോണ്ഗ്രസ് നേതാവ്
പണ്ട് കരുണാകരന് കരഞ്ഞ് ഇറങ്ങിപ്പോയപ്പോള് ചിരിച്ചവരാണ് അധികവും. എന്നാല് ഇപ്പോള് അദ്ദേഹത്തിന്റെ വേദനയില് മനം നൊന്ത് പലരും എത്തുകയാണ്. രമേശ് ചെന്നിത്തലയുടെ പടയൊരുക്കം ഇടുക്കിയിലെത്താറായപ്പോള് ജില്ലയിലെ കോണ്ഗ്രസ്സില് പാളയത്തില് പടയായി. ഉമ്മന്ചാണ്ടിക്കെതിരെ കോണ്ഗ്രസ്സ് ഔദ്യോഗിക വാട്ട്സാപ്പ് ഗ്രൂപ്പില് കെപിസിസി അംഗം പോസ്റ്റിട്ടത് വിവാദമായി. സംഭവം സംബന്ധിച്ച ഡിസിസി നേതൃത്വം കെപിസിസി പ്രസിഡന്റിന് പരാതി നല്കി.
തൊടുപുഴയിലെ കെപിസിസി അംഗവും കണ്സ്യൂമര്ഫെഡ് മുന് ചെയര്മാനുമായ ജോയ് തോമസാണ് ഉമ്മന്ചാണ്ടിക്കെതിരെ വാട്ട്സാപ്പ് ഗ്രൂപ്പില് പോസ്റ്റിട്ടത്. എതിര് രാഷ്ട്രീയക്കാര് പോലും ചെയ്യാത്ത രീതിയില് അന്ന് കരുണാകരനെ കരയിപ്പിച്ച് ഇറക്കി വിട്ടതിനു പിന്നില് ഉമ്മന്ചാണ്ടി ആയിരുന്നു. ആ കണ്ണുനീര് ഏറ്റ പൊള്ളലാണ് ഉമ്മന്ചാണ്ടി ഇന്ന് അനുഭവിക്കുന്നത് എന്നിങ്ങനെയുള്ള സന്ദേശമാണ് ജോയ് തോമസ് പോസ്റ്റു ചെയ്തത്.
നിമിഷങ്ങള്ക്കുള്ളില് ഇത് മറ്റ് പല ഗ്രൂപ്പുകളിലേക്കും ഷെയര് ചെയ്യപ്പെട്ടു. എതിര്ത്തും അനുകൂലിച്ചുമുള്ള കമന്റുകളുമെത്തി. ഇതറിഞ്ഞ ഡിസിസി നേതൃത്വം പോസ്റ്റ് നീക്കം ചെയ്തു. ജോയ് തോമസിനെ ഗ്രൂപ്പില് നിന്നും പുറത്താക്കുകയും ചെയ്തു. പരാതി വ്യാപകമായതിനെ തുടര്ന്നാണ് ഡിസിസി നേതൃത്വം ഇക്കാര്യം കെപിസിസി പ്രസിഡന്റിനെ അറിയിച്ചത്.
ഇതിനിടെ പ്രകോപിതരായ ചില യൂത്ത് കോണ്ഗ്രസ്സ് പ്രവര്ത്തകര് തൊടുപുഴ രാജീവ് ഭവനില് ജോയ് തോമസിനെ തടഞ്ഞു വച്ചു. നേതാക്കള് ഇടപെട്ട് മാപ്പു പറയിച്ച ശേഷമാണ് വിട്ടയച്ചത്. ഒരേ ഗ്രൂപ്പുകാരായതിനാല് ജോയി തോമസിനെ സംരക്ഷിക്കാന് ഡി സി സി പ്രസിഡന്റ് ശ്രമിക്കുന്നെന്നു കാണിച്ച് പ്രവര്ത്തകരും കെ പി സി സിക്ക് പരാതി നല്കിയിട്ടുണ്ട്. പടയൊരുക്ക വേദിയിലെത്തിയാല് കൈകാര്യം ചെയ്യുമെന്നും ചില യൂത്ത് കോണഗ്രസുകാര് ഭീഷണി മുഴക്കിയിട്ടുണ്ട്.
https://www.facebook.com/Malayalivartha
