വാഹന നികുതിവെട്ടിപ്പ് കേസില് സുരേഷ് ഗോപിയുടെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും
വാഹന നികുതിവെട്ടിപ്പ് കേസില് നടനും എംപിയുമായ സുരേഷ് ഗോപി എംപി നല്കിയ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും. പോണ്ടിച്ചേരി വിലാസത്തിൽ വ്യാജരേഖകൾ ഉണ്ടാക്കി വാഹനം രജിസ്റ്റർചെയ്തെന്ന കേസിലാണ് ഹർജി നൽകിയിരിക്കുന്നത്.
ഈ കേസിൽ മറുപടി നൽകാൻ സംസ്ഥാന സർക്കാരിനോട് ആവശ്യപ്പെട്ടിട്ടുണ്ട്. സുരേഷ് ഗോപിക്കെതിരെ ക്രൈംബ്രാഞ്ച് കേസെടുത്തിരിക്കുന്നത് ജാമ്യമില്ലാ വകുപ്പുകൾ ചുമത്തിയാണ്. പുതുച്ചേരിയില് വാഹനം രജിസ്റ്റര് ചെയ്ത് നികുതി വെട്ടിപ്പ് നടത്തിയ കേസില് സുരേഷ് ഗോപി എംപിക്കെതിരായ എഫ്ഐആര് ക്രൈംബ്രാഞ്ച് സമര്പ്പിച്ചിരുന്നു. സുരേഷ് ഗോപി വാഹന രജിസ്ട്രേഷനായി വ്യാജ രേഖ ചമച്ച് നികുതി വെട്ടിച്ചുവെന്നാണ് കേസ്.
ഈ വിഷയത്തില് വിശദമായ അന്വേഷണം വേണമെന്നും ക്രൈംബ്രാഞ്ച് അറിയിച്ചു. പുതുച്ചേരിയില് വാഹനങ്ങള് രജിസ്റ്റര് ചെയ്ത സുരേഷ് ഗോപിയോട് രേഖകള് ഹാജരാക്കാന് ക്രൈംബ്രാഞ്ച് നിര്ദേശം നല്കിയിരുന്നു. ഈ രേഖകള് കൃത്രിമം ആണെന്നാണ് ക്രൈബ്രാഞ്ചിന്റെ കണ്ടെത്തല്.
https://www.facebook.com/Malayalivartha
