ഡിസംബര് മാസത്തെ ശമ്പളം വാങ്ങാന് ദിവസങ്ങള് മാത്രം ശേഷിക്കെ സര്ക്കാര് ജീവനക്കാര്ക്ക് നെഞ്ചിടിപ്പേറുന്നു...
ഡിസംബര് മാസത്തെ ശമ്പളം വാങ്ങാന് ദിവസങ്ങള് മാത്രം ശേഷിക്കെ സര്ക്കാര് ജീവനകാര്ക്ക് നെഞ്ചിടിപ്പ് തുടങ്ങി. ഓഖി പിരിവാണ് ഇക്കുറി നെഞ്ചിടിപ്പ് കൂട്ടിയത്. ഓഖിയുടെ പേരില് സര്ക്കാരിന് കോടികളാണ് ലഭിച്ചത്. സംസ്ഥാനത്തിന് അകത്തും പുറത്തും നിന്നും കോടികള് ഒഴുകിയെത്തി. സര്ക്കാര് ജീവനക്കാരോട് ഉദാരമായി സംഭാവന നല്കണമെന്ന് സര്ക്കാര് ആവശ്യപ്പെട്ടു. സംസ്ഥാന ജീവനക്കാര് രണ്ട് ദിവസത്തെ ശമ്പളം നല്കണമെന്നാണ് സര്ക്കാര് നിര്ദ്ദേശം. ഇത് സംബന്ധിച്ച് സര്ക്കാര് ഉത്തരവ് പുറത്തിറങ്ങിയിട്ടില്ലങ്കിലും അതാണ് പ്രതീക്ഷിക്കപ്പെടുന്നത്.
സര്ക്കാര് ജീവനക്കാര് ഓഖി ദുരിതാശ്വാസമായി രണ്ട് ദിവസത്തെ ശമ്പളം നല്കുന്ന കാര്യത്തില് ഇതിനകം എതിര്പ്പ് പ്രകടിപ്പിച്ചു കഴിഞ്ഞു. എന്നാല് എതിര്പ്പ് സര്ക്കാര് കാര്യമാക്കുന്നില്ല. എന്ത് വന്നാലും പണം നല്കിയേ മതിയാകൂ എന്ന തീരുമാനത്തിലാണ് സര്ക്കാര്. ഇത് ഒച്ചപ്പാടിന് ഇടയാക്കും. ഓഖി ദുരന്തമേഖലയില് കൈ- മെയ് മറന്ന് പ്രവര്ത്തിച്ച പോലീസുകാരില് നിന്നു വരെ പണം പിരിക്കാനുള്ള തീരുമാനത്തിനെതിരെ പോലീസ് അസോസിയേഷന് രംഗത്തെത്തി കഴിഞ്ഞു.
അതേ സമയം ദുരന്തത്തിന്റെ പേരില് പിരിക്കുന്ന പണം സര്ക്കാര് ജീവനക്കാര്ക്ക് ശമ്പളം നല്കാന് വേണ്ടിയാണെന്ന പ്രചരണവും സജീവമാണ്. മുമ്പ് സുനാമിയുണ്ടായപ്പോള് ഇതേ മട്ടിലാണ് പിരിവ് നടന്നത്. കേന്ദ്രസഹായമായി കോടികള് ലഭിച്ചു. അതെല്ലാം വകമാറ്റി ചെലവഴിച്ചു. സുനാമി ഫണ്ട് വകമാറ്റി നഗരങ്ങളില് റോഡ് നിര്മ്മിച്ച സംഭവം വരെ ഉണ്ടായിട്ടുണ്ട്. ഏതായാലും ഇത്തരം സംഗതികളില് സത്യമുണ്ടെന്ന് തന്നെ ജനം വിശ്വസിക്കുന്നു. പിരിക്കുന്ന പണം അഴിമതിക്ക് വേണ്ടിയാണെന്ന പൊതു ധാരണയാണ് പരന്നിരിക്കുന്നത്. നാട്ടിന് പുറത്തെ പിരിവ് പോലെ തന്നെയാണ് ഉന്നത തലങ്ങളില് നടക്കുന്ന പിരിവെന്നും നാട്ടുകാര് വിശ്വസിരുന്നു.
യൂസഫിലിയെപ്പോലുള്ള പ്രമുഖ വ്യക്തികള് കോടികളാണ് സര്ക്കാരിന് സംഭാവന നല്കിയത്. ഇതിനൊന്നും കണക്കില്ല. 7340 കോടിയുടെ നഷ്ടപരിഹാര സഹായമാണ് സര്ക്കാര് കേന്ദ്രത്തോട് ചോദിച്ചിരിക്കുന്നത്. കേന്ദ്ര അഡീഷണല് സെക്രട്ടറി വിപിന് മാലികിന്റെ നേത്യത്വത്തിലുള്ള സംഘം സംസ്ഥാനത്തെത്തി കഴിഞ്ഞു. അവര് മുഖ്യമന്ത്രിയുമായി നടത്തുന്ന കൂടികാഴ്ചയില് മെമ്മോറാണ്ടം കൈമാറും. സംസ്ഥാനത്ത് നിന്നും മത്സ്യ ബന്ധനത്തിനു പോയ 208 പേരെ ഇനിയും കണ്ടെത്താനുണ്ട്.
യു ഡി എഫ് സര്ക്കാര് ചെയ്യുന്നതു പോലെ എല്ഡിഎഫ് സര്ക്കാര് ചെയ്യില്ല. അവര് പരസ്യമായ അഴിമതിക്ക് കൂട്ടുനില്ക്കില്ല. എന്നിരുന്നാലും തുക വകമാറ്റാന് സാധ്യത ഏറെയാണ്. കാരണം സംസ്ഥാനം കനത്ത സാമ്പത്തിക പ്രതിസന്ധിയിലാണ്. ഇത്തരമൊരു പശ്ചാത്തലത്തില് സര്ക്കാര് ജീവനക്കാര്ക്ക് ശമ്പളം നല്കാന് ഇത്തരത്തില് ലഭിക്കുന്ന തുക വിനിയോഗിക്കാന് സാധ്യത ഏറെയാണ്. അതിനുള്ള സാഹചര്യം സര്ക്കാര് ഇടപെട്ട് ഇല്ലാതാക്കണം.
https://www.facebook.com/Malayalivartha
