ആഘോഷങ്ങളിൽ മദ്യം ഒഴിച്ചുകൂടാനാകാത്ത ഒന്നായി മാറിക്കൊണ്ടിരിക്കുകയാണ് മലയാളികൾക്ക്. ക്രിസ്മസിനും മലയാളികൾ കുടിച്ച് തീർത്തത് കോടിക്കണക്കിനു രൂപയുടെ മദ്യമാണ്. ക്രിസ്മസ്-പുതുവത്സര ആഘോഷങ്ങളുടെ ഭാഗമായി കേരളത്തിൽ മദ്യവില്പനയിൽ വൻ വർധനയാണുണ്ടായിരിക്കുന്നത്. 480.14 കോടി രൂപയുടെ മദ്യമാണ് ബെവ്കോ ഇത്തവണ വിറ്റഴിച്ചത്. മുൻ വർഷം 402.35 കോടി ആയിരുന്ന സ്ഥാനത്തു നിന്നാണ് ഈ വർധന. പുതുവത്സര ദിനത്തിൽ ഉച്ചവരെയുള്ള കണക്കുകളാണിത്.

ക്രി​സ്മ​സ് ദി​ന​ത്തി​നു ത​ലേ​ന്നു​ള്ള മൂ​ന്നു ദി​വ​സ​ത്തെ ക​ണ​ക്കനുസരിച്ച് 313.63 കോ​ടി രൂ​പ​യു​ടെ മ​ദ്യം മലയാളികൾ കുടിച്ച് തീർത്തു. ക്രി​സ്മ​സി​നു തൊ​ട്ടു​മു​ന്ന​ത്തെ ദി​വ​സം മാ​ത്രം 157.05 കോ​ടി രൂ​പ​യു​ടെ മ​ദ്യ​മാ​ണ് മ​ല​യാ​ളി അ​ക​ത്താ​ക്കി​യ​ത്. ഇ​ത്ത​വ​ണ കു​ടി​ച്ചു​ക​ള​ഞ്ഞ തു​ക കഴിഞ്ഞ വർഷത്തേതു വച്ച് നോക്കുമ്പോൾ 18.22 ശ​ത​മാ​ന​ത്തി​ന്‍റെ വ​ർ​ധ​ന​വാ​ണ് ഉ​ണ്ടാ​യി​രി​ക്കു​ന്ന​ത്. ക​ഴി​ഞ്ഞ വ​ർ​ഷം ക്രി​സ്മ​സ് മ​ദ്യ​വി​ൽ​പ്പ​ന 256.01 കോ​ടി രൂ​പ​യു​ടേ​താ​യി​രു​ന്നു.