ആളൂരില്‍ പൊലീസ് ജീപ്പിടിച്ച് പരിക്കേറ്റ രണ്ട് വിദ്യാര്‍ത്ഥികളില്‍ 16 കാരനായ ഒരാള്‍ മരിച്ചു. ആളൂര്‍ ആനത്തടം പീണിക്ക പറമ്പില്‍ രാജുവിന്റെ മകന്‍ ജുവിന്‍ രാജുവാണ് (16) മരിച്ചത്. കൊച്ചിയിലെ സ്വകാര്യ ആശുപത്രിയില്‍ ചികിത്സയില്‍ കഴിയവെയാണ് മരണം സംഭവിച്ചത്. അപകടസമയത്ത് ജുവിനൊപ്പമുണ്ടായിരുന്ന അനന്തകൃഷ്ണന്‍ ഗുരുതരാവസ്ഥയില്‍ ചികിത്സയിലാണ്.

ജൂണ്‍ 15നാണ് അപകടം സംഭവിച്ചത്. പൊലീസ് ഡാന്‍സാഫ് സംഘം സഞ്ചരിച്ചിരുന്ന ജീപ്പ് കുട്ടികള്‍ സഞ്ചരിച്ച ഇലക്ട്രിക് സ്‌കൂട്ടറില്‍ ഇടിക്കുകയായിരുന്നു. പോട്ട ഭാഗത്തുനിന്ന് ഇരിങ്ങാലക്കുട ഭാഗത്തേയ്ക്ക് സഞ്ചരിച്ച ഇലക്ട്രിക് സ്‌കൂട്ടര്‍ കദളിച്ചിറയില്‍വച്ച് വലതുവശത്തേയ്ക്ക് തിരിഞ്ഞ സമയത്താണ് പുറകില്‍ നിന്ന് വന്ന പൊലീസ് ജീപ്പ് ഇടിച്ച് അപകടമുണ്ടായത്.