സീറോ മലബാര്‍ സഭയെ പരിഹസിച്ച് ഡി.ജി.പി ജേക്കബ് തോമസ് രംഗത്ത്. സീറോ മലബാര്‍ സഭ എ​റ​ണാ​കു​ളം-അ​ങ്ക​മാ​ലി അ​തി​രൂ​പ​ത​യു​ടെ ഭൂമി ഇടപാടിനെയാണ് ജേക്കബ് തോമസ് കണക്കിന് പരിഹസിച്ചിരിക്കുന്നത്. അ​തി​രൂ​പ​ത​യു​ടെ ഭൂമി ഇടപാട് സംബന്ധിച്ച വിവരങ്ങളെ 'അരമനകണക്ക്' എന്ന തലക്കെട്ടോടെയാണ് ജേക്കബ് തോമസ് ഫേസ്ബുക്കില്‍ പോസ്റ്റ് ചെയ്തത്.

ആകെയുള്ള മൂന്ന് ഏക്കര്‍ ഭൂമിയില്‍ രണ്ട് ഏക്കര്‍ 46 സെന്‍റ് വിറ്റപ്പോള്‍ ഒമ്പത് കോടി രൂപയാണ് കിട്ടിയതെന്നും എന്നാല്‍, 22 കോടി രൂപയാണ് ലഭിക്കേണ്ടണ്ടിയിരുന്നതെന്നും അദ്ദേഹത്തിന്റെ പോസ്റ്റില്‍ പറയുന്നു. ഭൂമി ഇടപാടിലൂടെ 13 കോടി രൂപ ആധാരത്തില്‍ കാണിച്ച ഇടപാടില്‍ നഷ്ടം 22 കോടി രൂപയാണെന്ന് അദ്ദേഹം ചൂണ്ടികാണിക്കുന്നു. സ്റ്റാമ്പ് ഡ്യൂട്ടി കണക്കാക്കണമെന്നും നികുതി അഞ്ച് ശതമാനവും കടം വളര്‍ച്ചാനിരക്ക് 15 ശതമാനവും ആണെന്നും ജേക്കബ് തോമസ് പറയുന്നു.

കള്ളപ്പണ കണക്ക് ശരിയാക്കുമെന്ന് അദ്ദേഹംപറഞ്ഞു. കൂടാതെ അഴിമതി അര്‍ബുദമാണെന്നും അതിന്റെ വഴിയും സത്യവും എവിടേക്കാണെന്നും അദ്ദേഹം ചോദിക്കുന്നു.