മമ്മൂട്ടിക്കെതിരെ പ്രതിഷേധം ശക്തിപ്പെടുമ്പോള് ഫാസില് മനസു തുറക്കുന്നു
പാര്വതി മമ്മൂട്ടിയുടെ സിനിമയായ കസബയ്ക്കെതിരെ രംഗത്തെത്തിയതോടെ വന്വിവാദമാണുണ്ടായത്. ഇത് പിന് തുടര്ന്ന് മമ്മൂട്ടിക്കും പാര്വതിയ്ക്കുമെതിരെ ചേരിതിരിഞ്ഞ് ആക്രമണമുണ്ടായി. ഇതിനിടയില് മമ്മൂട്ടിയുടേയും മോഹന്ലാലിന്റേയും സിനിമയില് നിര്ണായക സ്വാധീനം ചെലുത്തിയ സംവിധായകനായ ഫാസില് മനസ് തുറക്കുന്നു. ഒരു പുരസ്കാര വിതരണ വേദിയിലാണ് ഫാസില് മനസ്സ് തുറന്നത്.
മോഹന്ലാലിന്റെ ഉയര്ച്ചയ്ക്ക് ചില കാരണം മമ്മൂട്ടിയണ്, അതു പോലെ തന്നെ തിരിച്ച് മമ്മൂട്ടിയുടെ ഉയര്ച്ചയ്ക്ക് മോഹന്ലാലും കാരണമായിട്ടുണ്ടെന്നാണ് ഫാസില് പറയുന്നത്. പണ്ട് കാലങ്ങളില് ഡബ്ബിങിനൊന്നും ഒരു താരങ്ങളും വലിയ പ്രാധാന്യം കൊടുക്കാറില്ലായിരുന്നു. വര്ഷങ്ങള്ക്ക് മുമ്പ് ഭാരത് ടൂറിസ്റ്റ് ഹോമില് ഞാന് ചെന്നപ്പോള് അവിടെ സത്യനും ശ്രീനിയും ഉണ്ട്. അവര് പറഞ്ഞു, കഴിഞ്ഞ ദിവസം ഞങ്ങള് മണിവത്തൂരിലെ ആയിരംശിവരാത്രികള് എന്ന സിനിമകണ്ടു. അസാധ്യമായ പ്രകടനമാണ് മമ്മൂട്ടി കാഴ്ചവച്ചിരിക്കുന്നത്.
എന്തൊരു വോയ്സ് മോഡുലേഷനാണ് അദ്ദേഹത്തിന്റേത്, ഞങ്ങള് ഇന്ന് മോഹന്ലാലിനെ കാണുമ്പോള് അത് പറയാനിരിക്കുകയാണ്. സത്യന് അത് വളരെ ഗൗരവത്തോടെയാണ് എന്നോട് പറഞ്ഞത്. ലാല് അത് കണ്ടുകാണും. അതിന് ശേഷം ലാലിന്റെ വോയ്സ് മോഡുലേഷന്റെ റെയ്ഞ്ച് അദ്ദേഹം തന്നെ മാറ്റി എഴുതി. പലതും നമ്മള് അറിയുന്നില്ല, അറിയുമ്പോള് പഠിക്കുകയാണ്. അറിയുമ്പോള് പഠിക്കാന് കഴിയുന്ന മനസ്സ് മോഹന്ലാലിനുണ്ട്.
മോഹന്ലാല് വലിയ താരമായതിന് ശേഷം എന്നെ തിരിഞ്ഞുനോക്കിയില്ല, ഡേറ്റ് തന്നില്ല എന്നൊരു പരിഭവം എന്റെ ജീവിതത്തില് ഉണ്ടായിട്ടില്ല. മോഹന്ലാലിന് പറ്റിയ സബ്ജകട് വന്നിട്ടില്ലെന്നതാണ് സത്യം. ഇനി ഒരു കഥ ഉണ്ടായി അദ്ദേഹത്തോട് പറഞ്ഞാല് അത് ഇഷ്ടമായാല് തീര്ച്ചയായും അത് ചെയ്യും. മോഹന്ലാല് വളരെ പ്രൊഫഷണനലായ നടനാണെന്നും ഫാസില് പറഞ്ഞു.
https://www.facebook.com/Malayalivartha
