ഡബ്ല്യൂ.സി.സി ഫെയിസ്ബുക്കിലൂടെ തന്റെ പേര് വെളിപ്പെടുത്തിയതില് പരാതിയില്ലെന്ന് കൊച്ചിയില് ആക്രമണത്തിനിരയായ നടി
കൊച്ചിയില് ആക്രമണത്തിനിരയായ നടിയുടെ പേര് ഫെയ്സ്ബുക്കിലൂടെ പരസ്യമാക്കിയ വനിതാ സിനിമാ പ്രവര്ത്തകരുടെ കൂട്ടായ്മയായ വിമണ് ഇന് കളക്ടീവ് സിനിമയ്ക്കെതിരെ നടപടി വേണ്ടെന്ന് പൊലീസ്. 2017 ജൂണ് ഏഴിന് ഇട്ട ഫെയ്സ് ബുക്ക് പോസ്റ്റിലാണ് നടിയുടെ പേര് പറഞ്ഞിരുന്നത്. ഇതിനെതിരെ പൊതുപ്രവര്ത്തകനായ പായ്ച്ചിറ നവാസ് ഡി.ജി.പി ലോക്നാഥ് ബഹ്റയ്ക്ക് ആഗസ്റ്റ് രണ്ടിന് പരാതി നല്കിയിരുന്നു. അന്വേഷണത്തിന് ഹൈടെക് ക്രൈം സൈബര് ഏജന്സിയെ ചുമതലപ്പെടുത്തുകയും ചെയ്തു. ഇതറിഞ്ഞ മഞ്ജുവാര്യരുടെ നേതൃത്വത്തിലുള്ള സംഘം പിറ്റേ ദിവസം പോസ്റ്റ് പിന്വലിച്ചു.
സംഘടനയ്ക്ക് അബദ്ധം പറ്റിയതാണെന്ന് അന്വേഷണത്തില് പൊലീസ് മനസിലാക്കി. നടിയുടെ പേര് വെളിപ്പെടുത്തിയ നടന്മാരായ അജു വര്ഗ്ഗീസ്, ദിലീപ്, തിരക്കഥകൃത്ത് എസ്.എന് സ്വാമി, മഹിളാ കോണ്ഗ്രസ് നേതാവ് ബിന്ദുകൃഷ്ണ എന്നിവര്ക്കെതിരെ പൊലീസ് കേസെടുത്തിരുന്നു. ഇതില് ഒരു പരാതി നല്കിയത് ഡബ്ല്യൂ.സി.സി ആയിരുന്നു. ഫെയ്സ്ബുക് പേജില് ആരാണ് പോസ്റ്റിട്ടതെന്ന് കണ്ടുപിടിക്കാന് കഴിയുന്നില്ല. അന്വേഷണ ഉദ്യോഗസഥര് പീഡനത്തിനിരയായ നടിയോട് ഫോണിലൂടെ കാര്യങ്ങള് സംസാരിച്ചപ്പോള് വിമണ് ഇന് കളക്ടീവ് തന്റെ പേര് വെളിപ്പെടുത്തിയതില് തനിക്ക് പരാതിയില്ലന്ന് പറഞ്ഞു. അതിനാല് പായ്ച്ചിറ നവാസിന്റെ പരാതിയിന്മേല് യാതൊരു തുടര്നടപടികളും ആവശ്യമില്ലെന്ന് പൊലീസ് പറയുന്നു.
https://www.facebook.com/Malayalivartha
