പുതുച്ചേരി വാഹന രജിസ്‌ട്രേഷന്‍ തട്ടിപ്പ് കേസില്‍ അമലാ പോളിന്റെ വാദം തെറ്റെന്ന് ക്രൈം ബ്രാഞ്ച്. അമലയെ ചോദ്യം ചെയ്യണമെന്നും അന്വേഷണ സംഘം വ്യക്തമാക്കി. മുന്‍കൂര്‍ ജാമ്യാപേക്ഷ കോടതിയില്‍ ഇരിക്കെയാണ് ഇത്തരത്തില്‍ റിപ്പോര്‍ട്ട് ക്രൈം ബ്രാഞ്ച് സമര്‍പ്പിച്ചിരിക്കുന്നത്. താരം വ്യാജരേഖകള്‍ ചമച്ചാണ് തട്ടിപ്പ് നടത്തിയിരിക്കുന്നത്.

പുതുച്ചേരിയിലെ വീട്ടുടമയുടെയും അമലയുടേയും മൊഴികള്‍ തമ്മില്‍ പൊരുത്തക്കേടുണ്ടെന്നും അവര്‍ പറഞ്ഞു. അമല നല്‍കിയ വിലാസത്തിന്റെ താഴത്തെ നിലയിലാണ് താമസിക്കുന്നതെന്ന് വീട്ടുടമയും മുകളിലത്തെ നിലയിലാണ് താമസമെന്ന് നടിയും മൊഴി നല്‍കിയിട്ടുള്ളത്. പരിസരവാസികളോടും മറ്റുള്ള ആളുകള്‍ക്കിടയിലും നടത്തിയ അന്വേഷണത്തില്‍ ആര്‍ക്കും പരിചയമില്ലെന്നാണ് പറഞ്ഞതെന്നും പറഞ്ഞു. വ്യാജവിലാസം നല്‍കിയാണ് വാഹനം രജിസ്റ്റര്‍ ചെയ്തിരിക്കുന്നത്.

ഒപ്പും വ്യാജമാണെന്ന് പറഞ്ഞിട്ടുണ്ട്. നോട്ടറി ഏജന്റ് നല്‍കിയ മൊഴിയും അമലയ്ക്ക് എതിരെയാണ്. അമലയ്ക്ക് പകരം ഏജന്റാണ് തന്റെ മുന്നില്‍ വന്നതെന്നാണ് അദ്ദേഹം പറഞ്ഞു. ഇതിനാല്‍ മുന്‍കൂര്‍ ജാമ്യം നല്‍കരുതെന്നാണ് അന്വേഷണ സംഘം ആവശ്യപ്പെട്ടിരിക്കുന്നത്.