മലയാളിയുടെ ആഡംബരഭ്രമമാണു വട്ടിപ്പലിശക്കാരെ വളര്ത്തുന്നതെന്ന് ചെന്നിത്തല
മലയാളിയുടെ ആഡംബരഭ്രമമാണു വട്ടിപ്പലിശക്കാരെ വളര്ത്തുന്നതെന്ന് മന്ത്രി രമേശ് ചെന്നിത്തല. കുടുംബശ്രീ മിഷന് ജില്ലാവാര്ഷികം ഉദ്ഘാടനം ചെയ്യുകയായിരുന്നു അദ്ദേഹം. പെട്രോളിയവും സ്വര്ണവുമാണ്് ഇന്ത്യയില് ഏറ്റവും കൂടുതല് ഇറക്കുതി ചെയ്യുന്നത്. പെട്രോളിയം അടിയന്തിര ആവശ്യത്തിനുള്ളതാണ്. എന്നാല് സ്വര്ണമാണെങ്കിലോ മലയാളികളുടെ ആഡംബരത്തിനുവേണ്ടിയാണ്. ഇതുകാരണമാണ് കേരളത്തില് വട്ടിപലിശക്കാര് കൂടുന്നത്. വിവാഹത്തിനു വധു 100 പവന് സ്വര്ണം അണിയണമെന്ന് എവിടെയെങ്കിലും എഴുതിവച്ചിട്ടുണ്ടോയെന്നു മന്ത്രി ചോദിച്ചു. കതിര്മണ്ഡപത്തിലേക്കുവരുന്ന വധുവിനു നടക്കാന്പോലും സാധിക്കാത്ത തരത്തിലാണു സ്വര്ണം അണിഞ്ഞിരിക്കുന്നത്.
അലുമിനിയവും ഇരുമ്പും പോലെ ഒരു ലോഹം മാത്രമാണു സ്വര്ണമെന്നു രമേശ് പറഞ്ഞു. അയല് വീട്ടിലുള്ളതെല്ലാം നമ്മളുടെ വീട്ടിലും വേണമെന്നു വാശിപിടിക്കുമ്പോള് അമിത പലിശയ്ക്കു കടം എടുക്കും. വീട്ടില് ഉള്ളവര്ക്കെല്ലാം ഓരോ കാര് വേണം; എല്ലാ മുറിയിലും ടെലിവിഷന് വേണം- ഇതാണു മലയാളിയുടെ ആഗ്രഹം. കുടുംബങ്ങളെ ബ്ലേഡ് മാഫിയകളില് നിന്നു മോചിപ്പിക്കാന് കുടുംബശ്രീകള്ക്കു സാധിക്കും. മദ്യത്തിനും മയക്കുമരുന്നിലും എതിരായ മുന്നേറ്റത്തിനും കുടുംബശ്രീ നേതൃത്വം നല്കണമെന്നു മന്ത്രി ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha