കെഎംഎംഎല്ലിലെ വാതകച്ചോര്ച്ചയെ കുറിച്ച് അന്വേഷണത്തിന് ഉത്തരവ്
ചവറ കെഎംഎംഎല് കമ്പനിയിലെ വാതകച്ചോര്ച്ച സംബന്ധിച്ച് അന്വേഷണത്തിന് ഉത്തരവായി. ഇന്റലിജന്സ് എഡിജിപിയുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. പരിക്കേറ്റവരുടെ ചികിത്സാസഹായം സര്ക്കാര് വഹിക്കുമെന്ന് ആഭ്യന്തരമന്ത്രി രമേശ് ചെന്നിത്തല അറിയിച്ചു. ഇതിനിടെ, കെഎംഎംഎല് കമ്പനിയുടെ പ്രവര്ത്തനം താല്ക്കാലികമായി നിര്ത്തിവയ്ക്കാന് നോട്ടീസ്. ഫാക്ടറീസ് ആന്ഡ് ബോയിലേഴ്സ് വകുപ്പാണ് നോട്ടീസ് നല്കിയത്. വിദഗ്ധ പരിശോധനയ്ക്കു ശേഷം മാത്രം ഫാക്ടറി തുറന്നാല് മതിയെന്നും നിര്ദേശം നല്കിയിട്ടുണ്ട്. കെഎംഎംഎല് കമ്പനിയില് ഇന്നു രാവിലെ വീണ്ടും വാതകം ചോര്ന്നതിനെതുടര്ന്ന് സമീപത്തെ സ്കൂളിലെ 40 ഓളം വിദ്യാര്ഥിനികളെ വിവിധ ആശുപത്രികളില് പ്രവേശിപ്പിച്ചിരുന്നു. ബുധനാഴ്ചയും കമ്പനിയില് നിന്നു വാതകം ചോര്ന്നിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha