'കടക്ക് പുറത്തെന്ന്' കേരളചരിത്രത്തില് ഒരു മുഖ്യമന്ത്രിയും മാധ്യമപ്രവര്ത്തകരോട് പറഞ്ഞിട്ടില്ല, ഇഷ്ടമല്ലാത്ത ചോദ്യങ്ങള് ചോദിക്കുമ്പോള് പിണറായി ബുദ്ധിമുട്ട് കാണിക്കരുത്, മാധ്യമങ്ങളോടുള്ള മുഖ്യമന്ത്രിയുടെ സമീപനം അപകടകരമെന്നും രാജാജി മാത്യൂ തോമസ്
മുഖ്യമന്ത്രി പിണറായി വിജയന്റെ മാധ്യമവിരുദ്ധ നിലപാടിനെതിരെ രൂക്ഷവിമര്ശനവുമായി സി.പി.ഐ മുഖപത്രമായ ജനയുഗത്തിന്റെ എഡിറ്ററും സംസ്ഥാന സമിതി അംഗവുമായ രാജാജി മാത്യൂ തോമസ്. സി.പി.ഐ എറണാകുളം സമ്മേളനത്തോട് അനുബന്ധിച്ച് കഴിഞ്ഞ ദിവസം നടന്ന മാധ്യമസെമിനാറിലാണ് രൂക്ഷവിമര്ശനം നടത്തിയത്. പ്രധാനമന്ത്രി നരേന്ദ്രമോദിയും യു.എസ് പ്രസിഡന്റ് ട്രംപും മാധ്യമങ്ങളെ അകറ്റി നിര്ത്തുകയാണ്. ഇതേ നിലപാട് തന്നെയാണ് മുഖ്യമന്ത്രി പിണറായി വിജയനം സ്വീകരിക്കുന്നത്. കടക്ക് പുറത്തെന്ന് കേരളചരിത്രത്തില് ഒരു മുഖ്യമന്ത്രിയും മാധ്യമപ്രവര്ത്തകരോട് പറഞ്ഞിട്ടില്ല. ഇഷ്ടമല്ലാത്ത ചോദ്യങ്ങള് ചോദിക്കുമ്പോള് ബുദ്ധിമുട്ട്് കാണിക്കരുത്. ഇത് ഗുരുതരമായ അവസ്ഥയാണ്. സി.പി.ഐ, സി.പി.എം സമ്മേളനങ്ങളില് ഇക്കാര്യം ഗൗരവമായി ചര്ച്ച ചെയ്യണമെന്നും അദ്ദേഹം ആവശ്യപ്പെട്ടു.
മാധ്യമങ്ങളോടുള്ള പിണറായിയുടെ സമീപനം അപകടകരമാണ്. മാധ്യമങ്ങളോടുള്ള അദ്ദേത്തിന്റെ നിലപാട് മോദിക്കും ട്രംപിനും തുല്യമാണ്. നരേന്ദ്രമോദി അധികാരത്തിലേറിയ ശേഷം വാര്ത്താസമ്മേളനങ്ങള് ഉപേക്ഷിച്ചു, വിദേശയാത്രകളില് മാധ്യമപ്രവര്ത്തകരെ കൂടെ കൂട്ടുന്നില്ല. ട്വിറ്റര് അടക്കമുള്ള സമൂഹമാധ്യമങ്ങളിലൂടെയും മന് കി ബാത്തിലൂടെയും അദ്ദേഹം ജനങ്ങളിലേക്ക് ഇറങ്ങിച്ചെല്ലുകയാണ്. ഇത് ഏകപക്ഷീയമായ സംവാദമാണ്. ട്രംപും ഇതേ നിലപാടാണ് സ്വീകരിക്കുന്നത്. പിണറായി വിജയന് മന്ത്രിസഭാ യോഗത്തിന് ശേഷം മാധ്യമങ്ങളെ കാണുന്നത് ഒഴിവാക്കിയിരിക്കുകയാണ്. സമൂഹമാധ്യമങ്ങളിലൂടെ അദ്ദേഹവും പ്രതികരിക്കുന്നു. ഒരുഘട്ടത്തില് മാധ്യമപ്രവര്ത്തകര്ക്ക് സെക്രട്ടറിയേറ്റിലും വിലക്കേര്പ്പെടുത്തി. ഇത് രാജസ്ഥാനല്ല എന്ന രൂക്ഷവിമര്ശനവുമായി അന്ന് സി.പി.ഐ സംസ്ഥാന സെക്രട്ടറി കാനംരാജേന്ദ്രന് രംഗത്തെത്തിയിരുന്നു.
മുഖ്യമന്ത്രി പിണറായി വിജയന്റെയും സി.പി.എമ്മിന്റെയും ജനവിരുദ്ധമായ പലനിലപാടുകള്ക്കെതിരെ സി.പി.ഐ നേതാക്കള് രംഗത്തെത്തിയിരുന്നു. ജനയുഗത്തില് ലേഖനങ്ങളും എഡിറ്റോറിയലും വന്നിട്ടുണ്ട്. ആദ്യമായാണ് എഡിറ്റര് പരസ്യമായി വിമര്ശനത്തിന് തയ്യാറാകുന്നത്. ബിനോയ് വിശ്വവും എം.പി അച്യുതനും എഡിറ്ററായിരുന്ന കാലത്തെങ്ങും ഇത്തരം വിമര്ശനങ്ങള് ഉണ്ടായിട്ടില്ല. സി.പി.ഐ സമ്മേളനങ്ങള് നടക്കുകയാണ്. മണ്ഡലം സമ്മേളനങ്ങളില് പോലും മുഖ്യമന്ത്രി പിണറായി വിജയനും സി.പി.എമ്മിനും എതിരെ രൂക്ഷവിമര്ശനങ്ങളാണ് ഉയരുന്നത്. കോടിയേരി ബാലകൃഷ്ണന് കേരളാ കോണ്ഗ്രസ് എമ്മിനെ കോട്ടയം സമ്മേളന വേദിയില് വച്ച് പരസ്യമായി മുന്നണിയിലേക്ക് ക്ഷണിച്ചതിനെ സി.പി.ഐ കോട്ടയം സെക്രട്ടറി ശശിധരന് പരസ്യമായി വെല്ലുവിളിച്ചു. കോടിയേരി പച്ചക്കൊടികാട്ടിയാല് ഒരു സുന്ദരക്കുട്ടനും എല്.ഡി.എഫില് എത്തില്ലെന്നായിരുന്നു വിമര്ശനം.
സി.പി.ഐ പത്തനംതിട്ട സമ്മേളനത്തിലാണ് പിണറായിക്കെതിരെ രൂക്ഷവിമര്ശനം ഉണ്ടായത്. തോമസ് ചാണ്ടിയെ സംരക്ഷിച്ചതിലും മൂന്നാര് വിഷയത്തിലും മുഖ്യമന്ത്രിയുടെ ഭാഗത്ത് നിന്ന് ഉണ്ടായത് ഗുരുതരമായ വീഴ്ചയാണെന്നായിരുന്നു വിമര്ശനം. സി.പി.എമ്മിന്റെ വാടക വീട്ടിലെ താമസക്കാരല്ല സി.പി.ഐ എന്ന് ഇന്ന് ഇടുക്കി ജില്ലാ സെക്രട്ടറി ശിവരാമന് പ്രതികരിച്ചു. കേരളാ കോണ്ഗ്രസിനെ മുന്നണിയിലെടുക്കണമെന്ന സി.പി.എം നിലപാടിന് മുന്നില് ശിരസ് നമിക്കുന്നെന്നും ശിവരാമന് പറഞ്ഞു.
https://www.facebook.com/Malayalivartha
