നല്ല കഥ തിരക്കഥയിലൂടെയും സംവിധാനത്തിലൂടെയും കുളമാക്കിയ ഞാന്‍ സ്റ്റീവ് ലോപ്പസിന് ആദ്യഷോയ്ക്ക് കൂവല്‍. ഏറെ പ്രതീക്ഷയോടെ എത്തിയ യുവ പ്രേക്ഷകര്‍ നിരാശയോടെയാണ് തിയേറ്റര്‍ വിട്ടത്. രാജീവ് രവി സംവിധാനം ചെയ്ത ചിത്രത്തില്‍ ഫഹദ് ഫാസിലിന്റെ അനുജന്‍ ഫര്‍ഹാനും നടന്‍ കൃഷ്ണകുമാറിന്റെ മകളുമാണ് ജോഡികള്‍. രാജീവ് രവിയുടെ കഥയ്ക്ക് സന്തോഷ് ഏച്ചിക്കാനവും ഗീതുമോഹന്‍ദാസും രാജീവ് രവിയും ചേര്‍ന്നാണ് തിരക്കഥ എഴുതിയത്. 

തിരുവനന്തപുരം നഗരത്തിലെ ഒരു ഡി.വൈ.എസ്.പിയുടെ മകനാണ് സ്റ്റീവ്. യൂണിവേഴ്‌സിറ്റി കോളജില്‍ പഠിക്കുന്നു. അയല്‍വാസിയും മറ്റൊരു പൊലീസുകാരന്റെ മകളുമായ അഞ്ജലിയുമായി സ്റ്റീവ് പ്രണയത്തിലാകുന്നു. ഒരിക്കല്‍ അഞ്ജലിയെ കാത്ത് പാളയത്ത് നിന്ന സ്റ്റീവ് ക്രൂരമായ ഒരു കൊലപാതകത്തിന് സാക്ഷ്യം വഹിക്കുന്നു. കൊലപാതകം തടയാന്‍ അവന്‍ ശ്രമിച്ചെങ്കിലും നടന്നില്ല. വെട്ടേറ്റ ഗുണ്ടയുമായി അവന്‍ ആസ്പത്രിയിലേക്ക് പോയി. പൊലീസ് തിരിച്ചറിയല്‍ പരേഡില്‍ യഥാര്‍ത്ഥ പ്രതികളെ അവന് കണ്ടെത്താനാകുന്നില്ല. 

ഒരു ദിവസം നഗരത്തിലൂടെ പോകുമ്പോള്‍ കൊലപാതകം നടത്തിയ ആള്‍ ആംബുലന്‍സില്‍ പോകുന്നത് കണ്ടു. സ്റ്റീവ് അവനെ (ഹരി) പിന്തുടര്‍ന്നു വീട്ടിലെത്തുന്നു. അവിടെ വെച്ച് ഗുണ്ടയുടെ കൊലപാതകികള്‍ സ്റ്റീവിനെ ആക്രമിക്കുന്നു. എന്നാല്‍ വെട്ടേറ്റ ഗുണ്ട മരിച്ചതറിഞ്ഞ് ഹരി തമിഴ്‌നാട്ടിലേക്ക് കടക്കാന്‍ ശ്രമിക്കുന്നു. സ്റ്റീവിനെ കൂടെ കൂട്ടുന്നു. കളിയിക്കാവിള അവനെ ഇറക്കിവിടാമെന്ന് ഉറപ്പ് നല്‍കുന്നു. എന്നാല്‍ ആ യാത്രയില്‍ കാര്യങ്ങള്‍ തകിടം മറിയുന്നു. ഹരി ആക്രമിക്കപ്പെടുന്നു. തുടര്‍ന്ന് ഹരിയെ തേടി സ്റ്റീവ് അലയുന്നു.

ഗുണ്ടാ സംഘങ്ങള്‍ക്കിടയില്‍ അകപ്പെടുന്ന ഒരു നിഷ്‌ക്കളങ്കനും അവന്റെ മനുഷ്യത്വപരമായ ഇടപെടലുകളുമാണ് ചിത്രത്തിലുടനീളം ഉള്ളത്. പക്ഷെ, അത് വളരെ വിരസമായാണ് അവതരിപ്പിച്ചത്. പക്ഷെ, വളരെ സ്വാഭാവികമായാണ് സിനിമ ചിത്രീകരിച്ചിരിക്കുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha