വിവാഹത്തലേന്ന് വരനെ പീഡനക്കേസിൽ പോലീസ് അറസ്റ്റ് ചെയ്തു.കണ്ണൂരിലെ പാനൂരിലാണ് സംഭവം.പതിനേഴ് വയസുകാരിയായ പ്ലസ് ടു വിദ്യാർഥിനിയെ നഗ്നചിത്രം കാട്ടി പീഡിപ്പിച്ചുവെന്ന കേസിലാണ് യുവാവ് അറസ്റ്റിലായത്. പോക്സോ വകുപ്പ് പ്രകാരമാണ് യുവാവിനെതിരേ കേസ് രജിസ്റ്റർ ചെയ്തിരിക്കുന്നത്.

പ്രദേശവാസിയായ യുവതിയുമായി യുവാവിന്റെ വിവാഹം  നടത്താന്‍ നിശ്ചയിച്ചിരുന്നു. എന്നാല്‍ പ്ലസ്ടു വിദ്യാര്‍ത്ഥിനിയെ പീഡിപ്പിച്ച കേസില്‍ ഇന്നലെ യുവാവിനെ പൊലീസ് അറസ്റ്റ് ചെയ്യുകയായിരുന്നു. വരൻ അകത്തായതോടെ വ്യാഴാഴ്ച നടക്കേണ്ട വിവാഹം മുടങ്ങി. 

പെൺകുട്ടിയെ പീഡിപ്പിച്ചുവെന്ന് യുവാവിനെതിരെ പരാതി കിട്ടിയതോടെ കൊളവല്ലൂർ പോലീസ് അന്വേഷിച്ച് അറസ്റ്റ് രേഖപ്പെടുത്തുകയായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.