മനുഷ്യാവകാശ കമ്മിഷന് ഇടപെട്ടു; പ്രവാസിയുടെ ആത്മഹത്യയില് സി.പി.ഐക്കാരന് കസ്റ്റഡിയില്
പ്രവാസി ആത്മഹത്യ ചെയ്ത സംഭവത്തില് മനുഷ്യാവകാശ കമ്മിഷന്റെ ഇടപെടലിനെ തുടര്ന്ന് എ.ഐ.വൈ.എഫ് നേതാവും സി.പി.ഐ മണ്ഡലം കൗണ്സില് അംഗവുമായ യുവാവ് കസ്റ്റഡിയില്. കുന്നിക്കോട് മണ്ഡലം പ്രസിഡന്റ് എം.എസ്.ഗിരീഷിനെയാണു പൊലീസ് കസ്റ്റഡിയിലെടുത്തത്. സംഭവത്തില് പൊലീസ് അന്വേഷണം വഴിമുട്ടിയതിനെ തുര്ന്നാണ് മനുഷ്യാവകാശ കമ്മിഷന് ഇടപെട്ടത്. കലക്ടറും റൂറല് എസ്.പിയും മൂന്നാഴ്ചയ്ക്കകം റിപ്പോര്ട്ട് നല്കണമെന്ന് മനുഷ്യാവകാശ കമ്മിഷന് അംഗം കെ.മോഹന്കുമാര് ആവശ്യപ്പെട്ടു. കൊട്ടാരക്കരയില് മാര്ച്ച് 20നു നടക്കുന്ന സിറ്റിങ്ങില് കേസ് പരിഗണിക്കാനിരിക്കെയാണു സിപിഐ ലോക്കല് കമ്മിറ്റയംഗത്തിനെതിരെ പൊലീസ് കേസെടുത്തത്.
കഴിഞ്ഞ വെള്ളിയാഴ്ചയാണ് പുനലൂരില് സുഗതന് എന്ന പ്രവാസി ആത്മഹത്യ ചെയ്തത്. എഐവൈഎഫ് പ്രവര്ത്തകര് വര്ക്ക്ഷോപ്പ് നിര്മാണം തടഞ്ഞ് കൊടികുത്തിയതിനെ തുടര്ന്നായിരുന്നു ആത്മഹത്യ. നീണ്ട കാലത്തെ പ്രവാസ ജീവിതം കഴിഞ്ഞ് നാട്ടിലെത്തിയ സുഗതന് വര്ക്ഷോപ് നിര്മാണത്തിനായി ഷെഡ് കെട്ടിയിരുന്നു. ഇതിനായി പാട്ടത്തിനെടുത്ത സ്ഥലം വയല്നികത്തിയതാണെന്ന് ആരോപിച്ചാണ് കൊടികുത്തിയത്. ഇതോടെ ഷെഡ് പൊളിക്കേണ്ടി വരുമെന്ന മാനസികവിഷമത്തിലായിരുന്നു സുഗതന്. എ.ഐ.വൈ.എഫിന്റെ ഭീഷണിയും ദ്രോഹവും താങ്ങാനാവാതെയാണ് സുഗതന് സ്വയം ജീവനൊടുക്കിയതെന്ന് മകന് സുജിത് മനുഷ്യാവകാശ കമ്മിഷന് നല്കിയ പരാതിയില് പറയുന്നു.
https://www.facebook.com/Malayalivartha
