നാവികരെ കേരളത്തില്‍ വിചാരണ ചെയ്യണമെന്ന്‌ മുഖ്യമന്ത്രി
23 MARCH 2013 06:43 AM IST
മലയാളി വാര്‍ത്ത.
കടല്‍ക്കൊല കേസില്‍ വിചാരണ കൊല്ലത്ത്‌ നടത്തണമെന്ന്‌ മുഖ്യമന്ത്രി ഉമ്മന്‍ ചാണ്ടി. ഇതു ചൂണ്ടിക്കാട്ടി മുഖ്യമന്ത്രി പ്രധാനമന്ത്രിക്ക്‌ കത്തയച്ചു. കൊല്ലം സെഷന്‍സ്‌ കോടതിയെ പ്രത്യേക കോടതിയായി പരിഗണിക്കണമെന്നും മുഖ്യമന്ത്രി ആവശ്യപ്പെട്ടു.
കേസുമായി ബന്ധപ്പെട്ട മുഴുവന്‍രേഖകളും കൊല്ലം സെഷന്‍സ്‌ കോടതിയിലാണ്‌. മലയാളത്തിലുള്ള രേഖകള്‍ ഇംഗ്ലീഷിലേക്ക്‌ മൊഴിമാറ്റി വിചാരണ ആരംഭിക്കാന്‍ കൂടുതല്‍ സമയം എടുക്കും. അതിനാല്‍ വിചാരണ കേരളത്തിലേക്ക്‌ മാറ്റണമെന്നാണ്‌ മുഖ്യമന്ത്രി കത്തില്‍ പറയുന്നത്‌.
കടല്‍ക്കൊല കേസിന്റെ വിചാരക്കുള്ള പ്രത്യേക കോടതിയുടെ നടപടിക്രമങ്ങള്‍ നിയമമന്ത്രാലയം ആരംഭിച്ച പശ്ചാത്തലത്തിലാണ്‌ മുഖ്യമന്ത്രി പ്രധാനമന്ത്രിക്ക്‌ കത്തയച്ചത്‌. നാവികരെ വിചാരണ ചെയ്യാന്‍ പ്രത്യേക കോടതി വേണമെന്ന്‌ സുപ്രീം കോടതി നിര്‍ദേശിച്ചിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
