വി.മുരളീധരന്റെ വി.എസ് കളിയില് ബിജെപി തളരുന്നു... ചെങ്ങന്നൂരില് പാര്ട്ടി സ്ഥാനാര്ത്ഥിയെ തോല്പ്പിക്കാന് ക്രൈസ്തവ സഭയെയും പിണക്കുന്നു
കെ.എം മാണിക്കെതിരെ വിജിലന്സ് കോടതിയില് നിലപാടു വെളിപ്പെടുത്തിയതിനു പുറമേ ചാനല് ചര്ച്ചയിലും മാണിക്കെതിരെ ആഞ്ഞടിച്ചു വി മുരളീധരന്. ചെങ്ങന്നൂര് ഇലക്ഷനുമായി ബന്ധപ്പെട്ട പാര്ട്ടി നേതാക്കളും സ്ഥനാര്ത്ഥികളുമുള്പ്പെടെ മാണിയുമായി അടുത്ത ബന്ധം സൂക്ഷിക്കുമ്പോഴാണ് മുരളീധരന്റെ കടുംവെട്ട്.
ഏതെങ്കിലും തരത്തില് മാണി ബി.ജെപി ക്യാമ്പിലെത്തിയാല് ജോസ് കെ മാണി കേന്ദ്രമന്ത്രിസഭയിലെത്തും. മന്ത്രികുപ്പായവും ധരിച്ചിരിക്കുന്ന മുരളീധരനതു സഹിക്കാന് കഴിയില്ല. സംസ്ഥാന നേതൃത്വത്തെ ഒന്നടങ്കം വിരുദ്ധ ചേരിയില് നിര്ത്തിയിരിക്കുന്ന മുരളീധരന് മാണിക്കുള്ള നമ്പര് വണ് ശത്രു നോബിള് മാത്യുവിന്റെ ഉറ്റ സുഹൃത്തു കൂടിയാണ്. ചെങ്ങന്നൂര് ഇലക്ഷനില് ബിജെപി സ്ഥാനാര്ത്ഥി പരാജയപ്പെട്ടാല് സംസ്ഥാന നേതൃത്വം മാറണമെന്ന ആവശ്യമുയരും. പിന്നീട് പാര്ട്ടിയെ തന്റെ ഇംഗിതത്തിലാക്കി എന്നാണ് മുരളീധരന്റെ പ്ലാന്.
വി. മുരളീധരന് എം പി ക്ക് ശക്തിയുള്ള സ്ഥലങ്ങളില് കുമ്മനം രാജശേഖരന് വിലക്ക്. ഇതിനു മുമ്പ് കണ്ടില്ലാത്ത വിധത്തിലാണ് ബി ജെ പിയില് ഗ്രൂപ്പിസം വ്യാപിച്ചിരിക്കുന്നത്.
കോഴിക്കോട്, വയനാട്, കാസര്ഗോഡ് ജില്ലകളില് നടക്കുന്ന യോഗങ്ങളില് നിന്നാണ് കുമ്മനത്തെ മാറ്റി നിര്ത്തിയിരിക്കുന്നത്. കണ്ണൂര്, കരുണ മെഡിക്കല് കോളേജ് വിഷയത്തില് കുമ്മനത്തിനെതിരെ മുരളീധരന് അതിശക്തമായി നീങ്ങുകയാണ്. ബില് നിയമസഭയില് വരുമ്പോള് ബി ജെ പി യുടെ ഏക എം എല് എ ഒ .രാജഗോപാല് ഒത്തുകളിച്ചത് കുമ്മനത്തിന്റെ നിര്ദ്ദേശ പ്രകാരമാണെന്നാണ് മുരളിയുടെ ആരോപണം. ഇതിനെതിരെ മുരളി കേന്ദ്ര നേത്യത്വത്തെ സമീപിച്ചു കഴിഞ്ഞു.
കുമ്മനത്തിനെതിരെ അതീവ രഹസ്യമായി സാമ്പത്തികാരോപണവും മുരളി പക്ഷം ഉന്നയിക്കുന്നുണ്ട്. സാമ്പത്തിക കാര്യങ്ങളില് ഡോക്ടറേറ്റ് എടുത്തവരാണ് ഇത്തരത്തില് ആരോപണം ഉന്നയിക്കുന്നത്. ബിജെപിയുടെ സൂപ്പര് പ്രസിഡന്റാകാനാണ് മുരളി ശ്രമിക്കുന്നതെന്ന ആരോപണം കുമ്മനത്തിനുണ്ട്. മുരളിക്കെതിരെ കുമ്മനം നിരവധി തവണ അമിത് ഷായോട് പരാതി പറഞ്ഞെങ്കിലും ഫലമുണ്ടായില്ല. മുരളിയുടെ വിശ്വസ്തനാണ് കെ.സുരേന്ദ്രന്. അദ്ദേഹം കുമ്മനത്തിന് പണ്ടേ എതിരാണ്.
ഫലത്തില് ബിജെപി രണ്ട് തട്ടിലായാണ് പ്രവര്ത്തിക്കുന്നത്. കുമ്മനത്തിന്റെ അഭിപ്രായങ്ങളെ പൂര്ണമായും തള്ളിക്കളയുന്ന നടപടികളാണ് മുരളി സ്വീകരിക്കുന്നതെന്നും ആക്ഷേപമുണ്ട്. ചെങ്ങന്നൂരില് പ്രവര്ത്തനത്തിന് മുരളിയും സുരേന്ദ്രനും എത്തിയിട്ടില്ല. കര്ണാടക തെരഞ്ഞടുപ്പിന്റെ പേര് പറഞ്ഞ് മുരളിയും സംഘവും കര്ണാടകത്തില് തന്നെ തുടരുകയാണെന്നും കുമ്മനം പക്ഷം പരാതിപ്പെടുന്നു.സി കെ പത്മനാഭന്, ശ്രീധരന്പിള്ള, കൃഷ്ണദാസ് തുടങ്ങിയ നേതാക്കള് മുരളിക്കെതിരെ എതിര്പ്പുമായി കേന്ദ്ര നേതൃത്വത്തെ സമീപിച്ചിട്ടുണ്ട്. ഈ നില തുടര്ന്നാല് ചെങ്ങന്നൂരില് ബിജെപി മൂന്നോ അതിലും താഴെയോ പോകുമെന്ന് നേതാക്കള് തന്നെ ഇതിനകം വ്യക്തമാക്കി കഴിഞ്ഞു.
ചെങ്ങന്നൂരില് ബിജെപി തോറ്റാല് കുമ്മനത്തെ മാറ്റുമെന്ന് മുരളിക്കറിയാം. കുമ്മനത്തിന്റെ സ്ഥാനത്ത് കെ.സുരേന്ദ്രനെ പോലെ ആരെയെങ്കിലും പ്രതിഷ്ഠിക്കാനാണ് മുരളിയുടെ നീക്കം. അതോടെ മുരളിയുടെ കൈയില് സംസ്ഥാന ബിജെപിയുടെ ഭരണം സുരക്ഷിതമാകും. ഒരേ ഒരു നിയമസഭാംഗമുള്ള ഒരു പാര്ട്ടിയുടെ ഗതികേടാണിത്. പാര്ലമെന്റ് തെരഞ്ഞടുപ്പിലും ഇതേ സ്ഥിതി തന്നെ തുടരാനാണ് സാധ്യത. അങ്ങനെ സംഭവിച്ചാല് തുടര് സര്ക്കാര് എന്ന മോദിയുടെ സ്വപ്നത്തിന് വിള്ളലേല്ക്കും.
https://www.facebook.com/Malayalivartha
