അക്ഷയ തൃതീയയ്ക്കു സ്വര്‍ണം വാങ്ങിന്‍ കൂട്ടാനുള്ള തിരക്കിലാണ് എല്ലാവരും. കടകളിലാണെങ്കില്‍ ഒടുക്കത്തെ തിരക്കും. 18ന് അക്ഷയ തൃതീയ ദിനത്തില്‍ സ്വര്‍ണം വീട്ടിലേക്കു കൊണ്ടുവരാന്‍ ഇപ്പോഴേ സ്വര്‍ണക്കടകളില്‍ പണം നല്‍കി ബുക്കിങ്ങും നടത്തിക്കഴിഞ്ഞു. ഇക്കൊല്ലം സ്വര്‍ണക്കടകളില്‍ മാത്രം 600 കോടിയുടെ വില്‍പനയാണു പ്രതീക്ഷിക്കുന്നത്. അക്ഷയ തൃതീയ ദിവസം വീട്ടിലേക്കു സ്വര്‍ണം കൊണ്ടുവരുന്നത് ഐശ്വര്യമാണെന്നാണ് എല്ലാവരും വിശ്വാസിക്കുന്നത്. എന്നാല്‍ സത്യം അതല്ല അക്ഷയ തൃതീയ എന്നത് പണ്ട് ഹിന്ദുക്കള്‍ക്ക് വിശേഷദിവസമാണ്. വിഷ്ണുവിന്റെ അവതാരമായ പരശുരാമന്റെ ജന്മദിനമായ അന്നുതന്നെയാണ് വേദവ്യാസനും ഗണപതിയും ചേര്‍ന്ന് മഹാഭാരതം എഴുതിത്ത് തുടങ്ങിയതും. ജൈന വിശ്വാസമനുസരിച്ച് 24 തീര്‍ത്ഥങ്കരന്മാരില്‍ ആദ്യത്തെ തീര്‍ത്ഥങ്കരനായിരുന്ന ഋഷഭദേവ 11 മാസത്തെയും 13 ദിവസത്തേയും ഉപവാസത്തിനുശേഷം ആദ്യത്തെ ആഹാരമായി ഒരു കൈക്കുമ്പിള്‍ കരിമ്പിന്‍ നീരു കുടിച്ചതും അക്ഷയ ത്രിതിയ ദിവസമായിരുന്നു. ഈ ദിവസം ദാനധര്‍മ്മങ്ങള്‍ ചെയ്താല്‍ നിങ്ങള്‍ക്ക് ഏറ്റവും വലിയ പുണ്യം കിട്ടും എന്നാണ് വിശ്വാസം. അന്നേദിവസം ഐശ്വര്യം ലഭിക്കുന്നത് ദാനം കൊടുക്കുന്നവനാണ് അല്ലാതെ പണം നല്‍കി സ്വര്‍ണം വാങ്ങി കൂട്ടുന്നവനല്ല എന്നകാര്യമാണ് മലയാളികള്‍ ആദ്യം മനസിലാക്കേണ്ടതെന്നാണ് ഷാജി ജോസഫ് ഇടമറക് പറയുന്നത്. എന്നാല്‍ സ്വര്‍ണകടളുടെ സ്വപ്‌നതുല്യമായ പരസ്യങ്ങള്‍കണ്ട് ദാനം ചെയ്യേണ്ട ദിവസം സ്വര്‍ണം വാങ്ങി ഉള്ള കാശ് കൂടി കളയുകയാണ് നമ്മുടെ മലയാളികള്‍ളെന്നും അദ്ദേഹം പറയുന്നത്.

ഹിന്ദുവിശ്വാസികളുടെ ഒരു ആചാരമാണ് അക്ഷയ തൃതീയ എന്നാല്‍ അവിടെയും സ്വര്‍ണ്ണക്കടകളുടെ കച്ചവട തന്ത്രം പ്രകടമാകുന്നുണ്ട്. അവരുടെ മോഹ വാഗ്ദാനങ്ങള്‍മൂലം ജാതിമത വ്യത്യാസമില്ലാതെയാണ് അക്ഷയ തൃതീയയില്‍ സ്വര്‍ണം വാങ്ങിക്കൂട്ടുന്നത്. ഒരു ഗ്രാം മുതല്‍ പവനുകള്‍ വരെയുള്ള സ്വര്‍ണ നാണയങ്ങളാണു വില്‍ക്കുന്നതില്‍ വലിയൊരു ഭാഗവും. ഒരു ഗ്രാം, രണ്ടു ഗ്രാം, അരപ്പവന്‍ എന്നിങ്ങനെമാത്രമല്ല. വേളാങ്കണ്ണി മാതാവ്, മഹാലക്ഷ്മി, ശ്രീപത്മനാഭന്‍, ഗുരുവായൂരപ്പന്‍ എന്നീ ചിത്രങ്ങള്‍ കൊത്തിയ നാണയങ്ങളും അക്ഷയ തൃതീയക്ക് കടയുടമകള്‍ ഒരുക്കിയിട്ടുണ്ട്. ആഭരണങ്ങളില്‍ മോതിരങ്ങളുമുണ്ട് ഏറ്റവും കൂടുതല്‍ വില്‍ക്കപ്പെടുന്നതും ഇതുതന്നെയാണ്. അചാരങ്ങളെ വളച്ചൊടിച്ച് കച്ചവട തന്ത്രമായി ഉപയോഗിക്കുന്ന തന്ത്രം മലയാളികള്‍ മനസ്സിലാക്കേണ്ടിയിരിക്കുന്നു.

മലയാളിളുടെ ഇത്തരം വിശ്വാസങ്ങള്‍ മുതലെടുത്ത് പ്രമുഖ സ്വര്‍ണാഭരണശാലകളെല്ലാം അതനുസരിച്ചു മോതിരം സ്‌റ്റോക്ക് ചെയ്യുകയാണ്. കഴിഞ്ഞ വര്‍ഷം അക്ഷയ തൃതീയക്കാലത്തു ഗ്രാമിന് 2600 രൂപയ്ക്കടുത്തായിരുന്ന സ്വര്‍ണ വില ഇപ്പോള്‍ ഗ്രാമിനു 2875 രൂപയിലെത്തിനില്‍ക്കുകയാണ് ഇതിനു കാരണക്കാര്‍ നമ്മള്‍ തന്നെയാണ്. കൂടാതെ ഓഹരി വിപണിയിലെ ചാഞ്ചാട്ടവും റിയല്‍ എസ്‌റ്റേറ്റ് മാന്ദ്യവും സ്വര്‍ണത്തിനു നേട്ടമായിമാറി. ദിവസം 150 കോടിയുടെ സ്വര്‍ണവില്‍പന കണക്കാക്കിയാല്‍ അതിന്റെ നാലിരട്ടി അക്ഷയ തൃതീയയ്ക്ക് വില്‍ക്കുന്നു എന്നതാണ് കണക്ക്.

അക്ഷയ തൃതീയ; ദാനധര്‍മ്മം ചെയ്താല്‍ ഏറ്റവും വലിയ പുണ്യം കിട്ടുന്ന ദിവസം; ദാനം ചെയ്യേണ്ട ദിവസം ഉള്ള സമ്പാദ്യം മുഴുവന്‍കളഞ്ഞ് സ്വര്‍ണം വാങ്ങി കൂട്ടുന്ന മലയാളികള്‍; വിശ്വാസങ്ങള്‍ മുതലെടുത്ത് പ്രമുഖ സ്വര്‍ണാഭരണശാലകള്‍.