വരാപ്പുഴ കസ്റ്റഡി മരണം; മര്ദ്ദിച്ചത് എസ് ഐ ദീപക്; ശ്രീജിത്തിനൊപ്പം അറസ്റ്റിലായ കൂട്ടുപ്രതികളുടെ ഞെട്ടിക്കുന്ന വെളിപ്പെടുത്തൽ
വരാപ്പുഴയില് പൊലീസ് കസ്റ്റഡിയിലിരിക്കെ ആശുപത്രിയില് വച്ച് മരണപ്പെട്ട ശ്രീജിത്തിനെ മര്ദ്ദിച്ചത് എസ് ഐ ദീപകെന്ന് ശ്രീജിത്തിനൊപ്പം അറസ്റ്റിലായ കൂട്ടുപ്രതികള്. വാരാപ്പുഴ സ്റ്റേഷനിൽ വച്ചായിരുന്നു മർദ്ദനമെന്നും ശ്രീജിത്തിന്റെ വയറ്റിൽ ചവിട്ടിയെന്നും ഇവർ പറഞ്ഞു.
ശ്രീജിത്തിനൊപ്പം തന്നെ പോലീസ് തങ്ങളെയും മർദ്ദിച്ചെന്നും ഇവർ വെളിപ്പെടുത്തി. സംഭവത്തിൽ തങ്ങൾ ദൃക്സാക്ഷികളാണെന്നും പ്രതികള് പറഞ്ഞു. അതേസമയം കസ്റ്റഡിയില് വച്ച് ശ്രീജിത്തിന് കടുത്ത മര്ദ്ദനമേറ്റിരുന്നതായി വൈദ്യസംഘം നേരത്തെ പൊലീസിനോട് വെളിപ്പെടുത്തിയിരുന്നു. അടിവയറ്റില് തുടര്ച്ചയായ മര്ദ്ദനത്തെ തുടര്ന്ന് ചെറുകുടലിന്റെ മുകള്ഭാഗം പൊട്ടി ശ്രീജിത്തിന് ഗുരുതരമായി പരിക്കേല്ക്കുകയായിരുന്നു.
ഗൃഹനാഥന് ആത്മഹത്യ ചെയ്ത കേസില് പന്ത്രണ്ടാം പ്രതിയായിരുന്നു ശ്രീജിത്ത്. പൊലീസ് കസ്റ്റഡിയില് ഇരിക്കെ ശ്രീജിത്തിന് ശസ്ത്രക്രിയ നടത്തിയിരുന്നു. എന്നാല് ആശുപത്രിയില് ചികിത്സയിലിരിക്കെ ശ്രീജിത്ത് മരിക്കുകയായിരുന്നു.
https://www.facebook.com/Malayalivartha
