സ്പെയര് പാര്ട്സ് ക്ഷാമത്തിനു പിന്നാലെ ടയര് ക്ഷാമവും രൂക്ഷം... കെ.എസ്.ആര്.ടി.സി. സര്വ്വീസുകള് തുടര്ച്ചയായി മുടങ്ങുന്നു
സ്പെയര് പാര്ട്സ് ക്ഷാമത്തിനു പിന്നാലെ ടയര് ക്ഷാമവും രൂക്ഷമായതോടെ കോട്ടയം ജില്ലയില് കെ.എസ്.ആര്.ടി.സി. സര്വ്വീസുകള് തുടര്ച്ചയായി മുടങ്ങുന്നു. ടയര് ഇല്ലാത്തതിനെത്തുടര്ന്ന് മാത്രം കോട്ടയം ഡിപ്പോയില് മാത്രം കഴിഞ്ഞ രണ്ടു ദിവസം മുടങ്ങിയത് 11 സര്വ്വീസുകളാണ്. മികച്ച വരുമാനമുള്ള സര്വ്വീസുകളാണ് ഇവയില് ഭൂരിഭാഗവും.
ആവശ്യത്തിന് സ്പെയര് പാര്ട്സ് ഇല്ലാത്തതിനാല് കോട്ടയം ജില്ലയില് വലിയതോതില് സര്വ്വീസുകള് മുടങ്ങിയതിന് പിന്നാലെയാണ് ടയര് ക്ഷാമവും കെ.എസ്.ആര്.ടി.സിയെ ദുരിതത്തിലാക്കിയിരിക്കുന്നത്. കഴിഞ്ഞ ശനിയാഴ്ച കോട്ടയം ഡിപ്പോയില് മാത്രം ഏഴു സര്വീലസുകളും, ഇന്നലെ നാലു സര്വീയസുകളും ഇത്തരത്തില് മുടങ്ങിയിരുന്നു. ജില്ലയിലെ മറ്റു ഡിപ്പോകളുടെ സ്ഥിതിയും വ്യത്യസ്തമല്ല. മുമ്പ് ഗുണനിലവാരം കുറഞ്ഞ ടയറുകളാണ് വാങ്ങിയിരുന്നതെന്ന കണ്ടെത്തലിനെത്തുടര്ന്ന് പുതിയ കമ്പനിയില് നിന്നു ടയര് വാങ്ങാന് തീരുമാനിച്ചിരുന്നു.
ഇതിനുണ്ടായ കാലതാമസമാണു ക്ഷാമത്തിനു കാരണമായിരിക്കുന്നതെന്നു ജീവനക്കാര് പറയുന്നു. നേരത്തെ ഒരു ടയര് പരമാവധി ഉപയോഗിച്ചിരുന്നു. എന്നാല്, ഇത്തരത്തില് ഉപയോഗിക്കുന്ന ടയര് തകരാറിലായി സര്വ്വീസ് മുടങ്ങിയാല് മെക്കാനിക്കന് ജീവനക്കാര്ക്ക് ചാര്ജ് ഷീറ്റ് ലഭിക്കുന്നതിനാല് ടയര് നേരത്തെ മാറ്റുന്നതായും ആക്ഷേപമുണ്ട്. ഏറെ ലാഭകരമായ കുമളി, പാലാ, തൃശൂര്, എറണാകുളം റൂട്ടുകളിലാണ് സര്വീ്സ് മുടക്കം പതിവായിട്ടുള്ളത്. നേരത്തെ സ്പെയര്പാ്ര്്ട് സ് ക്ഷാമത്തെ തുടര്ന്ന് 20 ശതമാനത്തിലധികം സര്വീ സുകളാണ് ജില്ലയില് കുറച്ചിട്ടുള്ളത്. അവധിക്കാലമായതിനാല് മികച്ച വരുമാനം ലഭിക്കുന്ന അവസരത്തിലുള്ള ഈ സര്വീിസ് റദ്ദാക്കല് കെ.എസ്.ആര്.ടി.സിക്ക് വലിയ തിരിച്ചടിയാകുയാണ്.
https://www.facebook.com/Malayalivartha
