പാവപ്പെട്ടവരോടും ദരിദ്രരോടും ഉദ്യോഗസ്ഥര് കൂടുതല് കരുതല് കാട്ടണമെന്ന് മുഖ്യമന്ത്രി പിണറായി വിജയന്
സര്ക്കാര് ഓഫീസുകളില് വരാനും ഇടപെടാനും ധൈര്യം കാണിക്കാത്ത പാവപ്പെട്ടവരോടും ദരിദ്രരോടും ഉദ്യോഗസ്ഥര് കൂടുതല് കരുതല് കാട്ടണമെന്ന് മുഖ്യമന്ത്രി പിണറായി വിജയന്. സമൂഹത്തില് പിന്നോക്ക വിഭാഗക്കാര്ക്ക്് നിഷേധിക്കപ്പെട്ട നീതി സഫലമാക്കി കൊടുക്കുകയാണ് ഭരണസംവിധാനത്തിന്റെ ലക്ഷ്യം ഇതിനായി ഭരണതീരുമാനങ്ങള് വേഗത്തിലെടുക്കുമെന്നും അദ്ദേഹം പറഞ്ഞു.
അരുവിക്കരയില് അഞ്ചുകോടി രൂപ ചെലവില് ടൂറിസം വികസന പ്രവര്ത്തനങ്ങള് നടപ്പാക്കുമെന്നും വാമനപുരത്ത് കെടിഡിസി റസ്റ്റോറന്റും ചില്ഡ്രന്സ് പാര്ക്കും സ്ഥാപിക്കാന് നിര്ദേശം നല്കിയതായും മന്ത്രി കടകംപള്ളി സുരേന്ദ്രന് പറഞ്ഞു. ജില്ലാ കളക്ടര് ഡോ. എസ്. കാര്ത്തികേയന് റിപ്പോര്ട്ട് അവതരിപ്പിച്ചു. അതേസമയം, സര്വീസ് മേഖലയിലെ ഉദ്യോഗസ്ഥര് ന്യായമായ ശമ്പളം കൊണ്ട് ജീവിച്ചുപോകുന്നവരാണെന്നും എന്നാല് ചിലര് തെറ്റായ കാര്യങ്ങള് ചെയ്യുന്നുണ്ടെന്നും അഴിമതി കാണിച്ചാല് കര്ക്കശ നടപടിയുണ്ടാകുമെന്നും പിണറായി വിജയന് കൂട്ടിച്ചേര്ത്തു. നെടുമങ്ങാട് ഗവണ്മെന്റ് ഗേള്സ് എച്ച്എസ്എസില് പുതിയ നെടുമങ്ങാട് റവന്യൂ ഡിവിഷന് നാടിനു സമര്പ്പിച്ച് സംസാരിക്കുകയായിരുന്നു അദ്ദേഹം.
എംഎല്എമാരായ സി. ദിവാകരന്, ഡി.കെ. മുരളി, എസ്. ശബരീനാഥന്, ഐ.ബി. സതീഷ്, നഗരസഭാധ്യക്ഷന് ചെറ്റച്ചല് സഹദേവന്, ബ്ലോക്ക് പഞ്ചായത്ത് പ്രസിഡന്റ് ബി. ബിജു, നഗരസഭാംഗങ്ങളായ ടി. അര്ജുനന്, പി. രാജീവ്, മുന് ഡെപ്യൂട്ടി സ്പീക്കര് പാലോട് രവി, രാഷ്ട്രീയ പാര്ട്ടി പ്രതിനിധികളായ ജി.ആര്. അനില്, കൊട്ടാരക്കര പൊന്നച്ചന്, ഫിറോസ് ലാല്, സുഭാഷ് ചന്ദ്രന്, തോന്നയ്ക്കല് ജമാല്, സബ് കളക്ടര് കെ. ഇമ്ബശേഖര്, എഡിഎം. ജോണ് വി. സാമുവല്, ആര്ഡിഒ ആര്.എസ്. ബൈജു എന്നിവര് പ്രസംഗിച്ചു. നെടുമങ്ങാട്, കാട്ടാക്കട, നെയ്യാറ്റിന്കര താലൂക്കുകളിലെ 59 വില്ലേജുകള് ഉള്പ്പെടുത്തിയാണ് നെടുമങ്ങാട് റവന്യൂ ഡിവിഷന് രൂപീകരിച്ചത്.
https://www.facebook.com/Malayalivartha
