ഇടുക്കി ഹൈറേഞ്ചില കുട്ടനാട് എന്നറിയപ്പെുന്ന മുട്ടുകാട്ടിലെ നെല്ക്കര്ഷകര്ക്ക് ആശ്വാസവുമായി ജില്ലാ പഞ്ചായത്ത്
ഇടുക്കി ഹൈറേഞ്ചില കുട്ടനാട് എന്നറിയപ്പെുന്ന മുട്ടുകാട്ടിലെ നെല്ക്കര്ഷകര്ക്ക് ആശ്വാസവുമായി ജില്ലാ പഞ്ചായത്തും ജല വിഭവ വകുപ്പും. ചിന്നക്കനാല്, രാജകുമാരി, ബൈസണ്വാലി പഞ്ചായത്തുകളുടെ സംഗമസ്ഥലമായ മുട്ടുകാട്ടില് ആയിരത്തോളമേക്കര് പാടം നെല്ക്കൃഷിക്കായി ഉപയോഗിച്ചിരുന്നു.
എന്നാല് കാലാവസ്ഥാ വ്യതിയാനം മൂലവും ചിന്നക്കനാല് മലനിരകളില് നിന്നും നീരൊഴുക്കു കുറഞ്ഞതുമൂലവും നെല്ക്കൃഷിക്ക് ആവശ്യമായ വെള്ളം ലഭിക്കാതെ വന്നതിനെത്തുടര്ന്ന് നിരവധി കര്ഷകര് കൃഷി നിര്ത്തി പാടത്ത് കപ്പ, വാഴ, പച്ചക്കറി, തുടങ്ങിയവ കൃഷി ചെയ്തു തുടങ്ങി. എന്നാല് നൂറിലേറെ ഏക്കര് സ്ഥലത്ത് വര്ഷത്തില് ഒറ്റക്കൃഷി ചെയ്തുവന്ന കൃഷിക്കാരുടെ സംഘടനയായ പാടശേഖര സമിതിയുടെ നേതൃത്വത്തില് ത്രിതല പഞ്ചായത്ത് പ്രതിനിധികളും ചേര്ന്നു നല്കിയ നിവേദനത്തെ തുടര്ന്ന് ജില്ലാ പഞ്ചായത്തില്നിന്നും 40 ലക്ഷവും ഇറിഗേഷനില്നിന്നും പതിനാലു ലക്ഷം രൂപയും അനുവദിച്ചു.
തുക ഉപയോഗിച്ച് പാടത്ത് ഒഴുകിയെത്തുന്ന തോടിന്റെ ഇരുവശങ്ങളിലും സംരക്ഷണഭിത്തി നിര്മിച്ചു. തോട്ടില് തടയിണയും നിര്മിച്ചു. ട്രാക്ടര് പാടത്ത് ഇറക്കാനാവശ്യമായ സംവിധാനം ഒരുക്കുകയും ചെയ്തു. വര്ഷത്തില് രണ്ടുതവണ നെല്ക്കൃഷി ചെയ്യാനുള്ള സംവിധാനം ഒരുക്കുക എന്നതാണു പദ്ധതിയിലൂടെ അധികൃതര് ലക്ഷ്യം വയ്ക്കുന്നത്. വര്ഷങ്ങള്ക്കു മുമ്ബ് പാടശേഖരത്തില് വെള്ളം എത്തിക്കാന് ഇറിഗേഷന് വകുപ്പില്നിന്നും ലക്ഷക്കണക്കിനു രൂപ മുടക്കി കൊങ്ങിണിസിറ്റി ഭാഗത്ത് ചെക്ക്ഡാം നിര്മിച്ചിരുന്നു.
എന്നാല് നിര്മാണത്തിലെ അപാകത മൂലം ചെക്ക്ഡാമില് വെള്ളം തടഞ്ഞു നിര്ത്താനോ കൃഷിക്കാര്ക്കു വെള്ളമെത്തിക്കാനോ കഴിഞ്ഞിട്ടില്ല. നിലവില് ഉപയോഗശൂന്യമായ ചെക്കുഡാമിന്റെ പ്രദേശങ്ങളില് കന്നുകാലികളും മറ്റും മേഞ്ഞു നടക്കുന്ന സ്ഥിതിയാണ്. അപാകതകള് സംബന്ധിച്ച് അന്വേഷണം നടത്തുവാന് നിരവധി ശ്രമങ്ങള് നടത്തിയെങ്കിലും നാളിതുവരെയായിട്ടും നടപടിയുണ്ടായില്ല
https://www.facebook.com/Malayalivartha
