സി.ഐ.ടി.യു പ്രവര്ത്തകന് പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കാന് ശ്രമിച്ചു, കേസ് കൊടുത്തപ്പോള് കുട്ടിയുടെ അമ്മയുടെ ഗര്ഭസ്ഥ ശിശുവിനെ ചവിട്ടിക്കൊന്നു എന്നിട്ട് അഞ്ച് ലക്ഷം രൂപ കൊടുത്ത് കേസ് ഒത്തുതീര്പ്പാക്കാന് നോക്കി, വഴങ്ങാത്തതിനാല് കുടുംബത്തിന് ഭീഷണി
പ്രായപൂര്ത്തിയാകാത്ത പെണ്കുട്ടിയ പീഡിപ്പിക്കാന് ശ്രമിച്ച സി.ഐ.ടി.യുക്കാരനെതിരെ പോസ്ക്കോ നിയമപ്രകാരം കേസ് എടുത്തിട്ടും പൊലീസ് നടപടി സ്വീകരിക്കുന്നില്ലെന്ന് കോണ്ഗ്രസ് നേതാവ് ദീപ്തിമേരി വര്ഗീസ്. ഇതേ തുടര്ന്ന് പ്രതിയുടെ സഹോദരനും സംഘവും പെണ്കുട്ടിയുടെ വീട് കയറി ആക്രമിച്ചിരുന്നു. അതിനിടെ പെണ്കുട്ടിയുടെ അമ്മ ജ്യോത്സനയുടെ ഗര്ഭം അലസിയത് വിവാദമായിരുന്നു. സി.പി.എം ബ്രാഞ്ച് സെക്രട്ടറിയുടെ നേതൃത്വത്തിലായിരുന്നു ആക്രമണം. അക്രമത്തിനിടെ അടിവയറ്റിന് ചവിട്ടേറ്റാണ് ജ്യോത്സനയ്ക്ക് വയറ്റിലുണ്ടായിരുന്ന നാല് മാസം പ്രായമുളള കുഞ്ഞിനെ നഷ്ടമായത്. ബ്ലീഡിംഗിനൊടുവില് കുട്ടി മരണപ്പെടുകയായിരുന്നു.
സി.പി.എം നേതാക്കളുടെ ഭീഷണി കാരണം ജ്യോത്സനയും കുടുംബവും കോടഞ്ചേരിയിയില് നിന്നും താമസം മാറിയിരിക്കുകയാണ്. താമരശേരിയില് നിന്ന് 15 കിലോമീറ്റര് അകലെയുള്ള കട്ടിപ്പാറയിലെ വാടകവീട്ടിലാണ് ഇപ്പോള് താമസിക്കുന്നത്. പൊട്ടിപ്പൊളിഞ്ഞ രണ്ട് മുറികള് മാത്രമുളള വീട്ടില് മക്കളെയും കൊണ്ട് ജ്യോത്സനയും ഭര്ത്താവ് സിബിയും കഴിയുന്നു. പാര്ട്ടി പ്രവര്ത്തകരില് നിന്ന് ഭീഷണിയുളളതിനാല് ഈ വീട്ടിലെ സുരക്ഷ ഇരുവരുടെയും മുഖത്ത് ആശങ്കയായി പ്രകടമായിരുന്നു. അതുകൊണ്ടു തന്നെ അവിടെ നിന്നും മറ്റൊരു വീട്ടിലേക്ക് മാറാനുളള തയ്യാറെടുപ്പിലാണ്് ഇവര്. മര്ദ്ദനത്തില് നിന്നുണ്ടായ ആരോഗ്യപ്രശ്നങ്ങളില് നിന്നും ജ്യോത്സന ഇനിയും മുക്തമായിട്ടില്ല. കൈയ്ക്കും കാലിനും സ്വാധീനക്കുറവുണ്ട്.
സിപിഎം പ്രവര്ത്തകരുടെ ഭീഷണി മൂലം ജ്യോത്സനയുടെ അമ്മയ്ക്ക് പോലും അവര്ക്കൊപ്പം നില്ക്കാനാകാത്ത സ്ഥിതിയാണ്. ഇളയ കുട്ടിയെ എടുക്കാന് പോലുമാകാത്ത രീതിയില് ജ്യോത്സനയുടെ ആരോഗ്യം മോശമായി. പൂര്ണമായ ആരോഗ്യം വീണ്ടെടുക്കാന് ജ്യോത്സ്നയ്ക്ക് മികച്ച ചികിത്സ ആവശ്യമാണ്. എന്നാല് ഈ സ്ഥിതിയില് കുട്ടികള്ക്ക് പട്ടിണി കൂടാതെ കഴിയാന് ഇവര് പാടുപെടുന്നു. എറണാകുളത്ത് ഒരു സ്വകാര്യ കമ്പിനിയിലാണ് സിബിക്ക് ജോലി .. പക്ഷെ ഈ പ്രശ്നങ്ങള് തുടങ്ങിയതില് പിന്നെ കുടുംബത്തിന്റെ സുരക്ഷയില് പേടിയുളളതുകൊണ്ട് ഇവരെ തനിച്ചാക്കി ജോലിക്ക് പോകാനും സിബിക്ക് കഴിയുന്നില്ല. ഭൂമിതര്ക്കമാണ് പ്രശ്നങ്ങള്ക്ക് കാരണമെന്ന പ്രചാരണം വസ്തുതാവിരുദ്ധമാണെന്ന് ജ്യോത്സനയും സിബിയും പറയുന്നു.
കുട്ടിയെ ഉപദ്രവിക്കാന് ശ്രമിച്ച സംഭവത്തില് കോടഞ്ചേരി പൊലീസ് സ്റ്റേഷനില് ഫെബ്രുവരി 20 ന് എഫ്ഐആര് രജിസ്റ്റര് ചെയ്തിട്ടുണ്ട്. പക്ഷെ ഇതുവരെ കാര്യമായ നടപടിയുണ്ടായിട്ടില്ല. പോക്സോ പോലുളള ഗൗരവമായ വകുപ്പുകള് ചുമത്തിയിട്ടും നടപടിയെടുക്കാന് പൊലീസ് മടിക്കുകയാണ്. സ്റ്റേഷനില് ചെല്ലുമ്പോള് പൊലീസുകാര് പരിഹസിക്കുകയാണന്നും ഇവര് പറയുന്നു. പ്രതിസ്ഥാനത്ത് സ്വന്തം പാര്ട്ടിക്കാരായതിനാല് സര്ക്കാരും അവരെ സംരംക്ഷിക്കുന്നു. സംഭവത്തിന് ശേഷം ഒത്തുതീര്പ്പിനെന്ന് പറഞ്ഞ് ഇവരുടെ വീട്ടിലെത്തിയ സിപിഎം നേതാക്കള് അഞ്ച് ലക്ഷം രൂപയാണ് വാഗ്ദാനം ചെയ്തത്. ഒരു കുഞ്ഞിന്റെ ജീവന് അഞ്ച് ലക്ഷം രൂപ വിലയിടുന്ന മനുഷ്യത്വ രഹിതമായ സമീപനത്തിലേക്ക് സിപിഎം എത്തിയിരിക്കുന്നു. സിപിഎം ബന്ധത്തിന്റെ പേരില് പ്രതികള് സംരംക്ഷിക്കപ്പെടുമ്പോള് പൗരന്റെ ജീവനും സ്വത്തിനും സംരംക്ഷണം നല്കാന് ചുമതലപ്പെട്ട സര്ക്കാര് കേരളത്തിലെ പൊതുസമൂഹത്തെയാണ് വഞ്ചിക്കുന്നത്.
https://www.facebook.com/Malayalivartha
