പുരസ്കാരം വിനായകന് നല്കിയതുകൊണ്ടാണ് പ്രമുഖ നടിനടന്മാര് അവാര്ഡുദാന ചടങ്ങില് നിന്ന് വിട്ടുനിന്നതെന്ന് മന്ത്രി ബാലന്; പ്രമുഖ നടന്മാര് ചടങ്ങിലെത്താത്തതിനെക്കുറിച്ച് നടന്മാരായ പാര്ട്ടി എംപിയോടും എം.എല്.എയോടും ചോദിക്കണമെന്നു ജോയ് മാത്യു
സംസ്ഥാന ചലച്ചിത്ര പുരസ്കാരവിതരണ ചടങ്ങില് നിന്ന് പ്രമുഖ നടിനടന്മാര് വിട്ടുനിന്നതിനെ രൂക്ഷമായി വിമര്ശിച്ച് മന്ത്രി എ.കെ ബാലന്. മികച്ച നടനുള്ള അവാര്ഡ് വിനായകന് നല്കിയത് കൊണ്ടാണ് പ്രമുഖര് ചടങ്ങില്നിന്ന് വിട്ടുനിന്നതെന്ന് മന്ത്രി. ചിറ്റൂരില് കൈരളി, ശ്രീ തീയറ്റര് സമുച്ചയത്തിന്റെ ഉദ്ഘാടന ചടങ്ങിനിടെയാണ് മന്ത്രി ബാലന്റെ വിമര്ശനം.
അതേസമയം, തിയേറ്റര് ഉല്ഘാടന ചടങ്ങില് പങ്കെടുത്ത നടനും സംവിധായകനുമായ ജോയ് മാത്യു മന്ത്രിയുടെ പ്രസ്താവനയെ തിരുത്തി രംഗത്തുവന്നു. അവാര്ഡ് ദാന ചടങ്ങിലേക്ക് വിളിക്കാത്തതിനാലാണ് പരിപാടിയില് പങ്കെടുക്കാതിരുന്നതെന്ന് ജോയ് മാത്യു വ്യക്തമാക്കി. പ്രമുഖ നടന്മാര് ചടങ്ങിലെത്താത്തതിനെക്കുറിച്ച് നടന്മാരായ പാര്ട്ടി എംപിയോടും എം.എല്.എയോടും ചോദിക്കണമെന്നും ജോയ് മാത്യു പറഞ്ഞു.
ഇതോടെ പരാമര്ശത്തില് കൂടുതല് വിശദീകരണവുമായി എകെ ബാലന് രംഗത്തെത്തി. ജോയി മാത്യുവിനെ ചടങ്ങിലേക്ക് ക്ഷണിച്ചിരുന്നില്ലെന്നും ക്ഷണിച്ചിട്ടും പങ്കെടുക്കാത്തവരെ കുറിച്ചാണ് താന് പറഞ്ഞതെന്നും അദ്ദേഹം വിശദീകരിച്ചു.
https://www.facebook.com/Malayalivartha
