ദേശീയ അവാര്ഡ് നിഷേധിച്ച താരങ്ങള്ക്കെതിരെ പരക്കെ ആക്ഷേപം; സ്വകാര്യ ചാനലുകളുടെ അവാര്ഡ് നല്കുന്നത് മൂന്നാംകിട താരങ്ങള്; കൂടെ നല്കുന്ന അവാര്ഡ് തുക സ്പോണ്സര് ചെയ്യുന്നതും നല്കുന്നതും സ്വര്ണമുതലാളിമാരും കള്ളുകച്ചവടക്കാരും ജൗളിക്കടക്കാരും അച്ചാറുകാരും
അവാര്ഡ് കിട്ടിയില്ലാ കിട്ടിയില്ല എന്ന് പറഞ്ഞ് വിലപിക്കുന്ന താരങ്ങള്ക്ക് ദേശീയ അവാര്ഡ് കിട്ടിയപ്പോള് അതിന്റെ വില മനസിലാകാതെ പുല്ലുപോലെ എറിഞ്ഞു. അങ്ങനെ കേന്ദ്രമന്ത്രി സ്മൃതി ഇറാനി തന്നെ അവാര്ഡ് നല്കുകയും ചെയ്തു. അടുത്ത വര്ഷങ്ങളിലും ഇങ്ങനെ സ്മൃതി ഇറാനി തന്നെ അവാര്ഡ് നല്കും. അപ്പോഴും ഇവര് അവാര്ഡ് വാങ്ങില്ലേ...
അതേസമയം മൂന്നാംകിട അവാര്ഡുകള് ആരു തന്നാലും വാങ്ങുന്നവരാണ് ഈ മേനി പറയുന്ന താരങ്ങള്. സ്വകാര്യ ചാനലുകളും മാധ്യമങ്ങളും നല്കുന്ന അവാര്ഡ് നല്കുന്നത് പല്ല് കൊഴിഞ്ഞ താരങ്ങളാണ്. ആ അവാര്ഡിനുള്ള തുക സ്പോണ്സര് ചെയ്യുന്നതും നല്കുന്നതും സ്വര്ണമുതലാളിമാരും കള്ളുകച്ചവടക്കാരും ജൗളിക്കടക്കാരുമൊക്കെയാണ്. വെളുക്കെ ചിരിച്ച് അവരുടെ കൈയ്യില് നിന്നും അവാര്ഡ് വാങ്ങാന് ഇവര്ക്കൊരു നാണക്കേടുമില്ല. ഏത് സ്വകാര്യ അവാര്ഡ് വേണമെങ്കിലും പഴയ വീഡിയോ എടുത്ത് നോക്കിക്കോളൂ. സംഗതി ശരിയാണെന്ന് ബോധ്യമാകും.
സാധാരണ നിലയില് വര്ഷങ്ങളായി രാഷ്ട്രപതിയുടെ പക്കല് നിന്നാണ് പുരസ്ക്കാര ജേതാക്കള് അവാര്ഡ് വാങ്ങാറ്. എന്നാല്, ഇത്തവണ പ്രധാനപ്പെട്ട കുറച്ച് അവാര്ഡുകള് മാത്രമേ രാഷ്ട്രപതി നല്കുകയുള്ളൂവെന്നും മറ്റ് പുരസ്ക്കാരങ്ങള് കേന്ദ്രമന്ത്രി സ്മൃതി ഇറാനി നല്കുമെന്നുമുള്ള കാരണത്താല് ഇതിനെ മലയാളം സിനിമയിലെ അടക്കം സിനിമാക്കാര് ബഹിഷ്ക്കരിക്കുകയുണ്ടായി. ഈ ബഹിഷ്ക്കരണത്തെ ചൊല്ലി ഇപ്പോള് വിവാദം ശക്തിപ്പെട്ടിരിക്കയാണ്. സംസ്ഥാന സിനിമാ അവാര്ഡ് പ്രഖ്യാപിക്കുമ്പോള് ഉടക്കുമായും പരിഹാസവുമായും രംഗത്തെത്താറുള്ളവരാണ് ഇത്തവണയും തമ്മില് കോര്ത്തിരിക്കുന്നത്.
ഫഹദ് ഫാസില്, പാര്വതി, ഭാഗ്യലക്ഷ്മി തുടങ്ങിയവരാണ് മലയാളത്തില് നിന്നും ദേശീയ പുരസ്ക്കാരം സ്മൃതിയുടെ പക്കല് നിന്നും വാങ്ങാന് തയ്യാറല്ലെന്ന കാരണം പറഞ്ഞ് തിരസ്ക്കരിച്ചത്. ഇതോടെ ഫഹദ് ഫാസിലിനെതിരെ ഒരു വിഭാഗം സൈബര് ലോകത്ത് വിമര്ശനവും പ്രശംസയുമായി രംഗത്തുണ്ട്. മറുവശച്ച് പാര്വതിയെ വിമര്ശിക്കാനുള്ള അവസരമെന്ന് കണ്ടാണ് മമ്മൂട്ടി ഫാന്സുകാര് വിമര്ശനവുമായി രംഗത്തെത്തിയിരിക്കുന്നത്. അച്ചാറു കച്ചവടക്കാരില് നിന്നും അടിവസ്ത്ര നിര്മ്മാതാക്കളില് നിന്നും അവാര്ഡുകള് സ്വീകരിക്കാന് മടിയില്ലാത്തവര് എന്തിനാണ് ദേശീയ പുരസ്ക്കാരം വാങ്ങാന് കൂട്ടാക്കാതിരുന്നതെന്ന് ചോദിച്ചാണ് സംവിധായകന് ജോയ് മാത്യു രംഗത്തെത്തിയത്.
ഗായകന് യേശുദാസിനും സംവിധായകന് ജയരാജിനുമൊപ്പം അവാര്ഡ് സ്വീകരിക്കാന് തയ്യാറായ മറ്റൊരു വ്യക്തിയായിരുന്നു ഛായാഗ്രഹന് നിഖില് എസ്. പ്രവീണ്. യേശുദാസും ജയരാജും രാഷ്ട്രപതിയില് നിന്നും പുരസ്കാരം കൈപ്പറ്റിയപ്പോള് നിഖിലിന് പുരസ്കാരം നല്കിയത് കേന്ദ്രമന്ത്രി സ്മൃതി ഇറാനിയായിരുന്നു. യേശുദാസിനെയും ജയരാജിനെയും കുറ്റപ്പെടുത്തി സൈബര് ലോകം രംഗത്തെത്തിയപ്പോള് മറ്റു മാര്ഗ്ഗങ്ങളില്ലായിരുന്നു എന്നു പറഞ്ഞാണ് നിഖില് രംഗത്തെത്തിയത്.
രാജ്യം ആദരിക്കുന്ന പുരസ്കാരം കേന്ദ്രമന്ത്രി സ്മൃതി ഇറാനിയില് നിന്നും വാങ്ങിയെങ്കിലും പുരസ്കാരം വാങ്ങി പുറത്തിറങ്ങിയ നിഖില് സ്വന്തം അമ്മയുടെ കയ്യില് ആ അവാര്ഡ് കൊടുത്തു..തുടര്ന്ന് അമ്മ തനിക്ക് ഈ പുരസ്കാരം നല്കണമെന്ന ആഗ്രഹം പങ്കുവെച്ചു. അവാര്ഡ് അമ്മയില് നിന്നും വാങ്ങിയ ചിത്രമെടുത്ത് ഫേ്സബുക്കില് പോസ്റ്റ് ചെയ്ത് നിഖില് കുറിച്ചു... 'അവാര്ഡ് അമ്മയില് നിന്നും... രജത കമലം അമ്മയില് നിന്ന്..'' അതേസമയം കേന്ദ്രമന്ത്രി സ്മൃതി ഇറാനിയുടെ കയ്യില് നിന്ന് പുരസ്കാരം വാങ്ങുന്ന ചിത്രം നിഖില് ഷെയര് ചെയ്തതുമില്ല.
കുറച്ചുകാലമായി മമ്മൂട്ടി ഫാന്സുകാര് സൈബര് ലോകത്ത് കലിപ്പു തീര്ക്കുന്നത് നടി പാര്വതിയെ തെറി പറഞ്ഞു കൊണ്ടാണ്. കസബയിലെ സ്ത്രീവിരുദ്ധതയെ കുറിച്ച് പറഞ്ഞതു മുതലാണ് പാര്വതിക്കെതിരെ മമ്മൂട്ടി ഫാന്സുകാര് രംഗത്തെത്തിയത്. സൈബര് ലോകത്തെ പൊങ്കാല മൈ സ്റ്റോറി എന്ന സിനിമക്കെതിരെയും തിരിഞ്ഞു. ഇതിനിടെയാണ് ഇപ്പോള് പാര്വതിക്കെതിരെ പ്രതികരിക്കാനുള്ള അവസരമായി ദേശീയ ചലച്ചിത്ര പുരസ്ക്കാര ദാന ചടങ്ങിന്റെ വേദിയും മാറ്റിയത്.
https://www.facebook.com/Malayalivartha
