മുന്‍ ഇന്ത്യന്‍ വോളിബോള്‍ ക്യാപ്റ്റന്‍ കെ.ഉദയകുമാര്‍ അന്തരിച്ചു
മുന്‍ ഇന്ത്യന്‍ വോളിബോള്‍ ക്യാപ്ടന്‍ കെ.ഉദയകുമാര്‍ (54) അന്തരിച്ചു.ഹൃദയാഘാതത്തെ തുടര്‍ന്ന് തിരുവനന്തപുരത്ത് സ്വകാര്യ ആശുപത്രിയിലായിരുന്നു അന്ത്യം. രാജ്ഭവനില്‍ ജോലിക്കിടെ രാവിലെ 11 മണിയോടെയാണ് ഉദയകുമാറിന് നെഞ്ചുവേദന അനുഭവപ്പെട്ടതും കുഴഞ്ഞ് വീണതും. ഉടന്‍ തന്നെ കിംസ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
2006 മുതല്‍ ഗവര്‍ണറുടെ എഡിസിയായി പ്രവര്‍ത്തിച്ചുവരികയാണ.
1986ല്‍ ഏഷ്യാഡില്‍ വെങ്കലം നേടിയ ടീമില്‍ അംഗമായിരുന്നു. 1989ലെ സാഫ് ഗെയിംസില്‍ വെള്ളി മെഡല്‍ നേടിയ ഇന്ത്യന്‍ വോളിബോള്‍ ടീമിന്റെ നായകനുമായിരുന്നു. 1991ല്‍ അര്‍ജുന അവാര്‍ഡ് ലഭിച്ചു. കേരള പൊലീസ് ടീമിനു വേണ്ടിയും കളിച്ചിട്ടുണ്ട്.
നാളെ രാവിലെ ഒന്‍പതു മണി മുതല്‍ രാജ്ഭവനില്‍ മൃതദേഹം പൊതുദര്‍ശനത്തിന് വയ്ക്കും. വൈകിട്ട് അഞ്ചു മണിക്ക് ജന്മനാടായ മാരാരിക്കുളത്ത് സംസ്‌കാരം നടത്തും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
