കാണാതായ ഏഴുവയസ്സുകാരിയെ കണ്ടെത്താൻ കഴിഞ്ഞില്ല.. പൊലീസ് സ്റ്റേഷനിൽ ഗണപതി ഹോമം നടത്തിയ സംഭവം വൻ വിവാദമാകുന്നു...ഉന്നത ഉദ്യോഗസ്ഥര് ഈ വിഷയത്തില് പ്രതികരിക്കാന് തയാറായിട്ടില്ല..

കാണാതായ ഏഴുവയസ്സുകാരിയെ കണ്ടെത്താൻ കഴിയാതെ വന്നതോടെ തമിഴ്നാട്ടിലെ വിഴുപ്പുറം പൊലീസ് സ്റ്റേഷനിൽ ഗണപതി ഹോമം നടത്തിയ സംഭവം വൻ വിവാദമാകുന്നു. പ്രദേശവാസിയായ ഹേമാവതി എന്ന ഏഴുവയസ്സുകാരിയെ ഒക്ടോബർ 12-നാണ് വീട്ടിൽ നിന്ന് കാണാതായത്. ആഴ്ചകൾ പിന്നിട്ടിട്ടും കുട്ടിയെക്കുറിച്ച് യാതൊരു വിവരവും ലഭിക്കാത്ത സാഹചര്യത്തിലാണ് സ്റ്റേഷനിലെ സബ് ഇൻസ്പെക്ടറുടെ നേതൃത്വത്തിൽ പൂജയും ഹോമവും സംഘടിപ്പിച്ചത്. ശാസ്ത്രീയമായ കുറ്റാന്വേഷണ രീതികൾ അവലംബിക്കേണ്ട പൊലീസ് ഉദ്യോഗസ്ഥൻ തന്നെ അന്ധവിശ്വാസങ്ങൾക്ക് കൂട്ടുനിൽക്കുന്ന തരത്തിൽ പ്രവർത്തിച്ചതിനെതിരെ വലിയ വിമർശനമാണ് ഉയരുന്നത്.
രാത്രി മാതാപിതാക്കൾക്കൊപ്പം വീട്ടിൽ കിടന്നുറങ്ങിയ ഹേമാവതിയെ പിറ്റേന്ന് രാവിലെയോടെയാണ് കാണാതായത്. സംഭവത്തിന് പിന്നാലെ മാതാപിതാക്കളും ബന്ധുക്കളും നൽകിയ പരാതിയിൽ പൊലീസ് അന്വേഷണം ആരംഭിച്ചിരുന്നു. പ്രദേശത്തും സമീപ ജില്ലകളിലും വ്യാപകമായ തിരച്ചിൽ നടത്തിയെങ്കിലും കുട്ടിയെക്കുറിച്ച് യാതൊരു തുമ്പും കണ്ടെത്താൻ അന്വേഷണ സംഘത്തിന് സാധിച്ചില്ല. കുട്ടിയെ തേടി നടന്ന് ഗതികെട്ടതോടെയാണ്, അന്വേഷണത്തിലെ തടസ്സങ്ങൾ നീങ്ങാനെന്ന പേരിൽ എസ്ഐയുടെ നേതൃത്വത്തിൽ സ്റ്റേഷൻ വളപ്പിൽ ഗണപതി ഹോമം നടത്താൻ തീരുമാനിച്ചത്.
സ്റ്റേഷനിൽ നടന്ന ഗണപതി ഹോമത്തിൽ കാണാതായ കുട്ടിയുടെ മാതാപിതാക്കളും അടുത്ത ബന്ധുക്കളും പങ്കെടുത്തിരുന്നു. പൂജാരിയെ സ്റ്റേഷനിലേക്ക് വിളിച്ചുവരുത്തി ഔദ്യോഗിക സംവിധാനങ്ങൾക്കിടയിൽ വെച്ച് തന്നെയാണ് ചടങ്ങുകൾ നടത്തിയത്. സ്റ്റേഷനുള്ളിൽ നടക്കുന്ന പൂജയുടെ ദൃശ്യങ്ങൾ ആരോ മൊബൈലിൽ പകർത്തി സമൂഹമാധ്യമങ്ങളിൽ പങ്കുവെച്ചതോടെയാണ് ഈ വിചിത്രമായ നടപടി പുറംലോകമറിഞ്ഞത്. ദൃശ്യങ്ങൾ വൈറലായതോടെ പൊലീസിന്റെ അനാസ്ഥയും കാര്യക്ഷമതയില്ലായ്മയും ചൂണ്ടിക്കാട്ടി വ്യാപകമായ പ്രതിഷേധമാണ് ഉയരുന്നത്.സർക്കാർ ഓഫീസായ പൊലീസ് സ്റ്റേഷനിൽ മതപരമായ ചടങ്ങുകൾ നടത്തിയത് സർവീസ് ചട്ടങ്ങളുടെ ലംഘനമാണെന്ന്
ചൂണ്ടിക്കാട്ടിയാണ് വകുപ്പുതല അന്വേഷണം പ്രഖ്യാപിച്ചിരിക്കുന്നത്. ഇതിനിടെ, തങ്ങളുടെ മകളെ എത്രയും വേഗം കണ്ടെത്തിത്തരണമെന്ന ആവശ്യവുമായി ഹേമാവതിയുടെ മാതാപിതാക്കൾ ഇപ്പോഴും കണ്ണീരോടെ കാത്തിരിക്കുകയാണ്.ഒക്ടോബർ 12 നാണ് പ്രദേശത്തുള്ള 7 വയസുകാരിയായ ഹേമാവതിയെ കാണാതായത്. ജന്മദിനം ആഘോഷിച്ച് രാത്രി മാതാപിതാക്കള്ക്കൊപ്പം ഉറങ്ങാന് കിടന്ന കുട്ടിയെ രാവിലെ ഉറക്കമുണര്ന്നു നോക്കിയപ്പോള് കണ്ടില്ല. ശുചിമുറി പുറത്തായതിനാല് പരിസരത്തെല്ലാം നോക്കിയെങ്കിലും കണ്ടെത്താനായില്ല.
പിന്നീട് നാട്ടുകാരും ബന്ധുക്കളും ചേര്ന്ന് എട്ടു സംഘങ്ങളായി തിരിഞ്ഞ് തിരച്ചില് നടത്തി.ഇതിനിടെ പ്രദേശത്തുനിന്നും ഒരു അസ്ഥികൂടം കണ്ടെത്തിയെങ്കിലും അതിനെക്കുറിച്ചും പൊലീസിന് തുമ്പൊന്നും കിട്ടിയിരുന്നില്ല. കുട്ടിയെ കാണാതായി ഒന്നര മാസമായിട്ടും അന്വേഷണത്തില് ഒന്നും കണ്ടെത്താന് പറ്റാതായതോടെ പൊലീസിനെതിരെ പ്രദേശവാസികളില് നിന്നും വലിയ പ്രതിഷേധം ഉയർന്നു.
https://www.facebook.com/Malayalivartha
























