ജഡ്ജിമാരുടെ നിയമനം കുടുംബകാര്യമല്ല : മാധ്യമ വാർത്തകൾ ശരിയെങ്കിൽ പരിഗണിക്കുന്ന പേരുകളില് ചിലര് ആ സ്ഥാനത്തിന് അര്ഹരല്ലെന്ന് ജസ്റ്റിസ് കെമാല് പാഷ
ജഡ്ജിമാരുടെ നിയമനം കുടുംബകാര്യമല്ലെന്നും അത് കുടുംബ സ്വത്ത് പോലെ വീതിച്ചു നല്കാനുള്ളതല്ലെന്നും ഹൈകോടതി ജസ്റ്റിസ് കെമാല് പാഷ. മാധ്യമങ്ങളില് വരുന്ന കാര്യങ്ങള് ശരിയാണെങ്കില് ഇപ്പോള് പരിഗണിക്കുന്ന പേരുകളില് ചിലര് ആ സ്ഥാനത്തിന് അര്ഹരല്ലെന്നും അദ്ദേഹം പറഞ്ഞു.
വിരമിച്ചതിനു ശേഷം സര്ക്കാര് നല്കുന്ന പദവികള് ഏറ്റെടുക്കാതിരിക്കുന്നതാണ് ഉചിതം. ചുരുങ്ങിയത് മൂന്ന് വര്ഷമെങ്കിലും പദവികള് ഏറ്റെടുക്കാതിരിക്കുന്നതാണ് നല്ലതെന്നും കെമാല് പാഷ അഭിപ്രായപ്പെട്ടു.
താന് വിരമിക്കുന്നത് തല ഉയര്ത്തി പിടിച്ചാണ്. 100 ശതമാനം നീതി നടപ്പാക്കാന് പറ്റി എന്നാണ് വിശ്വാസം. സമകാലിക സംഭവങ്ങള് ജുഡീഷ്യറിയുടെ അന്തസ് കളഞ്ഞെന്നും വിധിന്യായങ്ങള് സ്വാധീനിക്കാന് ജുഡീഷ്യറിക്ക് പുറത്തു ബാഹ്യ ശക്തികള് ഉണ്ടെന്നും കെമാല് പാഷ കൂട്ടിച്ചേര്ത്തു. ഹൈകോടതി നല്കിയ യാത്രയയപ്പ് ചടങ്ങില് സംസാരിക്കുകയായിരുന്നു അദ്ദേഹം ചടങ്ങില്
https://www.facebook.com/Malayalivartha
